اسباب تاخر الحمل....؟!

[لينة2009]

السلام عليكم
.



.

.

.

.
ابدخل بالموضوع بدون مقدمات
انا حملت ولله الحمد طبيعي
وبعد ماجبت بنتين ماحملت بدون سبب وما عندي اي سبب يمنعني من الحمل :krkrkr:ع كلام الدكتوره مع العلم ان عندي كيس ع المبيض تقول الدكتوره صغير ماله علاقه بتاخر الحمل :0bee2e8d89:
وابي منكم مساعده
شنو اسباب تاخر الحمل اللي تعرفونها اواللي سمعتو عنها
واللي ماتعرف ياليت ترفع لي الموضوع ولو بدعوه الله يرزق كل وحده ترد علي ولو ما تعرف

 

[نكهةالبرتقال]

الله يرزقج

سوي الفحوصات العادية اللي تسويها أي وحدة ما حملت ، هرمونات ، تبويض ، فحص الرحم التهابات أو قرحة ، خل ريلج يفحص و يااارب

يرزقج أخو حق بنياتج

 

[لينة2009]

الله يرزقج

سوي الفحوصات العادية اللي تسويها أي وحدة ما حملت ، هرمونات ، تبويض ، فحص الرحم التهابات أو قرحة ، خل ريلج يفحص و يااارب

يرزقج أخو حق بنياتج

مشكوره ع الرد
وسويت كل التحاليل والاشعه وكل شي سليم
الله يرزقك اللي في بالك

 

[zalabia84]

عسى ربي يرزقج بالذرية في القريب العااااجل ان شاءالله يااااااااارب

 

[ام نوونه]

بدام عندج بنتين وصار لج فترة ماحملتي
وسويتي كل الفحوصات الحمدلله كلها زينه
لازم ريلج يسوي تحليل
مرات يصير عقم ماقت عند الريال
وياخذ فيتامينات ومقويات
انا اعرف وحده جذي

 

[برميت]

الله اعلم يا قلبي

يااارب ترزقها توأم صبيان يسندون ظهرها و يسترون على خواتهم ياااااارب

 

[WaChoCha]

مثل ما قالت اختي ام نونه خلي زوجج يحلل ساعات الريال يصير عنده خلل في الهرمونات تسبب عقم مؤقت او عدد الحيوانات المنوية فجاة يقل يعني الافضل يشيك ويحلل بعد

وان شاء الله ربي بيرزقكم

 

[لينة2009]

الله يجزاكم خير
لكن شلون اقوله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شلون اقنعه احس انه راح يتطنز علي

 

[bint_al8omar]

خلي زوجج يحلل والله يرزقج بالولد الصالح يارب

 

[om deaj]

توني اليوم رحت العدان سويت تحليلن لخامس يوم بالدورة وواحد لليوم ال21 من الدورة
واذا ماطع فيني شي بشتري جهاز الي يبين ايام التبويض

وترا النفسية تلعب دور كبير في هالموضوع

 

[كويتية ورديه]

حبيبتي لازم ريلج يسوي تحليل لان فعلا فجأه الريايييل يصير فيهم دوالي ولا تنقص الحيوانات عنده .. ونا شاءالله مافيج الا العافيه انتي معاه والله يرزقج عاجل غير آجل يارب العالمين ..

 

[فرروووشه]

بنات في جهاز يبين لي ايام التبويض؟
ترى اول مره اسمع عننه شنو اسمه وين ينباع في مراكز معينه ولللا في مستشفيات خاصه وبكم سعره
الله يخليكم ردوا علي

 

[*caramel macchiato*]

تدرين عااد ان واااااااااايد متزوجين هالايااام ماينجبون ومن غير سبب سبحان الله؟؟
شوفي المنتدى ...اشكثر بناات مافيهم الا العافية وانا وحدة منهم بس ربي ماكتبلهم الحمل ....
مادري من اكلنا ويلا من الجو ويلا لان مانمارس الرياضة ...الله اعلم

اسأل الله العظيم ان يرزقج عاجلا غير عاجل

 

[لينة2009]

ما ادري شقولكم لكن انا متاكده انه ماراح يرضى
بس فيه وحده تقولي حطي عسل معاه حبه سودا ويزيد الخصوبه عندك وعند زوجك
ما ادري سمعتوا عن هالشي او لا

 

[لينة2009]

وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[بنت الثانوية]

بنات في جهاز يبين لي ايام التبويض؟
ترى اول مره اسمع عننه شنو اسمه وين ينباع في مراكز معينه ولللا في مستشفيات خاصه وبكم سعره
الله يخليكم ردوا علي

موجود بالصيدليات فيه 5 اشرطه شكله نفس اختبار الحمل

اب 5 دنانير ونص

 

[اشتياق]

شدراه بالريوق حطيله عسل

وعالغدا ربيان وسمج ومنشطات

وكثري فراولة وكيوي يمكن صج منه او تأخر طبيعي وربج العالم


الله يرزقج يارب ولايحرم كل وحده تبي الحمل

 

[لينة2009]

شدراه بالريوق حطيله عسل

وعالغدا ربيان وسمج ومنشطات

وكثري فراولة وكيوي يمكن صج منه او تأخر طبيعي وربج العالم


الله يرزقج يارب ولايحرم كل وحده تبي الحمل

الله يجزاك خير وان شاء الله احط له العسل
والفراوله والكيوي مو مشكله لكن المشكله السمك والروبيان مايحبهم
ومشكوووورة

 

[لينة2009]

تدرين عااد ان واااااااااايد متزوجين هالايااام ماينجبون ومن غير سبب سبحان الله؟؟
شوفي المنتدى ...اشكثر بناات مافيهم الا العافية وانا وحدة منهم بس ربي ماكتبلهم الحمل ....
مادري من اكلنا ويلا من الجو ويلا لان مانمارس الرياضة ...الله اعلم

اسأل الله العظيم ان يرزقج عاجلا غير عاجل

ايه والله الله يستر
ويرزقني ويرزقك بذريه الصالحه اللي تفرح القلب

 

[~ذات السُبحه~]

الله يرزقكم حبيبتي
والبنات ماقصرو انتي حاولي مع زوجك يسوي تحليل وان شاء الله خير
ولو مافيكم شي
يعني ارادة الله فوق كل شي وبعده الله ماياذن لكم