اسئلة بخصوص المواصلات والخرايط بلندن

[Noor AlQ8]

السلام

بنات عندي سفرة مستعجله قريب وبسأل عن شغلتين ..

ابي خرايط لأوروبا وتحديدا لندن بس تكون واضحه يعني بالنسبة للمطاعم والفنادق ومحطات القطار الاندرقرواند والشغلات هذي

مادري عن اجهزة النافيقيتر هل فيها خرايط لأوروبا وهل في جهاز يعطيني مزايا ثانية مثل اتجاه القبلة ومواعيد الصلاة انا عندي اطلس بس مترجم مافيه خرايط


اللي تعرف بأجهزة النافيقيتر ياليت تعطيني احسن نوع وما يهمني السعر .. بس بليز ردوا مبجر عشان يمديني اشتريه

----

ثانيا شنو احسن طريقة للتنقل غير التكاسي اسعارها نار وبما انه شخصين بس بدون أطفال فودي بشي عملي ورخيص
شلون طريقة الباصات والقطارات هناك

اخر سؤال :tomato2: شنو فنادق قريبة من مستشفى لندن بريدج لقيت الهيلتون وفندق لندن بريدج والنوفتيل والساوث وارك روز كل هذول مافيهم حجز للأسبوع الجاي فيه غيرهم قريب من المستشفى

هني وانا اقرا بالمنتدى حصلت بنات يقولون فنادق ليلتها على 60 معقوله @@ انا اللي لقيته ليلتها 100 وفوق والهيلتون مسوين عرض 3 ليالي على 600 وشي باوند

ناطرتكم

 

[Noor AlQ8]

وينكم ليش محد رد

 

[الثقة]

السلام عليكم
أقدر افيدج بهذا الخصوص...

هذه ساحة لندن في منتدى المسافرون العرب...

http://travel.maktoob.com/vb/travelarab158/

بالنسبة للمواصلات...اذا كنتي بتستخدمين الاندرقراوند...ففي بطاقة اسمها اوستر...لونها ازرق....هالبطاقة توفر عليج الفلوس...أما التكسي لا تفكرين فيه نهااااائي إلا في اضيق الأحوال...لان التكسي غالي جدا....انا ولا مرة ركبت تكسي.....كله اركب الاندرقراوند...بطاقة اوستر تشترينها بثنعش دينار وتظل معاج اسبوع كامل تتنقلين على كيفج بلندن....وفي بطاقة ثانية مدتها شهر....

طريقة استخدام underground بالصور

http://travel.maktoob.com/vb/travel205821/


على فكرة بالنسبة للفنادق...اسعارها نااار وعلى خرطي...الغرف ضيقة جدااا جدااا فوق ما تتصورين....بعدين هناك ديري بالج تطلعين بالليل...لان الساعة تسع كل شي يسكر تقريبا

وانا بالخدمة

 

[الثقة]

بالنسبة لحجز الفندق...انصحج تحجزين من الانترنت ارخص بوايد...

تحتاجين الى فيزا عشان تحجزين من النت وتحتاجين طابعة عشان تطبعين ورقة الحجز...والحجز سهل حيييل...على كل حال الفيزا مو شرط يكون داخلها فلوس...لأن بإمكانج تحجزين وتسوين برنت للحجز وبعدين لما توصلين لندن تورينهم ورقة الحجز اللي طبعتيها من النت وراح يقولولج عطينا الفلوس كلها كاش....تعطينهم الفلوس كاش وخلاص....ا

وهذا موقع مشهور ومعروف لحجز الفنادق "انجليزي"
http://www.booking.com/

وهذا موقع عربي اسمه فندق
http://www.fendeq.com/?gclid=CLD4qqvl25kCFdlM5QodiDwtXQ

 

[Noor AlQ8]

مشكووورة الثقة ما قصرتي