ازواجكم يداومون جذيه ولا بس انا !!

[شواخي]

السلام عليكم بنات

شلونكم شخباركم ؟

وحشتوني وايد << كتبت موضوع وضيعته !! بكتبه مره ثانيه <<


مشكلتي زوجي والدوام !!

انا متزوجه من سنه ونص والحمدلله عندي بنيه صغيره الله يخلي لكم عيالكم

روجي مادري شفيه !! غير عن الناس

ذابحني بدوامه !!

الحمدلله انا وحده اداوم و اساند زوجي وابتعد عن الحنه بس عاد لكل شي حد !!

تعبت من .. لا تقولين لي غيري االروتين الحمدلله تونا يايين من اوروبا

بس بقولكم وانتوا احكموا


تعيشين ويا واحد يوميا يقوم الساعه 5ونص الفير

ويرد من الدوام الساعه 5 العصر !!! وينام 9 ونص

لمده سسسسسنه وشوي!!

اوكي بروح الدوام برد .. ما اطبخ غدا .. الحمدلله راحه ،،اتسوق اخلص اشغالي

بسسسسسس لين متى!!

يرد البيت بس ياكل وينام !!!

ويرد يقوم من الصبح !! واخذي !!

وانا لا لي حقوق ولا شي !!! ولا عمره سوى شي بالليل حتى لو كنت متزهبه له وكاااااشخه و متعطره وميك اب والخ الخ

تخيلوا ساعات ارد من العرس من وقت والقاه نايم !!

والله انا حلوه وضعيفه و اهتم بنفسي وادري بالدوام ماكو بنات لانه بقلعه وادرين بالصحرا

بس اذا قربني ..يقرب بالويكند !! لا ومو كل ويكند انا وحظ حتى لو تكلمت وقلت له

واليوم اجازه معطينه الدوام ولا قعد معاي ولا شي !!

تعبت منه !! ما ادري هل هالشي طبيعي ولا لا !!

حاولت اتكلم وياه ،،خل الدوام على جنب ماكو فايده

صج يعشيني بالاسبوع مره بوساعه ويحسسني لازم احمد ربي !! بس شاسوي !!! كل ماقول له خل نطلع يقول تعبان من الدوام




بالويكند حق ربعه الجمعه والسبت الصبح يتغدى مع اهله اجباري وانا بالليل اجباري ازورهم !!

غريب هالوضع التعبان ..

ومليت صراحه

وضايق خلقي وااااايد .. عديم احساس حاولت فيه بعده طرق

اوكي طنشته ماعطيته وي ،، ارد البيت القاه نايم ،، وماشافني من الصبح عااااااادي

اساحله و اطبخ له والبس له .. ياكل و يطلع !!

شاسوي !

 

[انا لحبيبي .]

حبيبتي زوجك دوامه متعب ، من الصبح للمسا شو بتتوقعي يرجع شو يعمل؟ بكون مهدود وبس بدو الفرااش ينام فيه ، مو بايدو ،


الله يعينو ، والله يهدي بالك ويريحك بالك

 

[زوجة عزيز]

مسكين الله يعينه دوامه صعب !

 

[kuwatiya]

تبدلين هههههههههههههههههههههههه

انا من تزوجني ومتفرغ لي 24 ساعه الصراحه مليت بس مايحب يطلع واجد بيتوتي

الدوام مايداوم مضبط ربعه ويروح كل 6 شهوور مره يتقهوى ويرد صارلي سنتين ع هالحاله

وكله مغيبني ولا تقريري هالسنه غير صالحه للعمل هههههههههههههههههههههههههه

انا مليت ابيه يداوم وينشغل عني شووي

الله يخليه لي والله يخليلج زوجج صج محد مرتاح بحاله ​

 

[ورود خذلتها العاصفه]

عااادي ياااقلبي تجملييه


واحمدي ربج انه لاهي بدواامه

وقدري ضروف دواامه

 

[Miss Cherry]

الله يعينج ويسخر لج رجلج


اصبري شتسوين بعد يمكن مع الوقت يتعدل

 

[ToTa 1990]

انا نفس حالتج
ريلي عسكري يطلع من البيت الساعه 10 الصبح ومايرد الا 12 بليل يستلم خفاره .. ويرد ينام ويقعد الصبح طول الاسبوع على هالحاله حتى الويك اند .. واذا عطوه اجازه يوم راح مع ربعه الشاليه وخلاني شسوي صابره وانشالله ربي يعوضني خير
وانا حامل وصارلي متزوجه سنه ويحز بخاطري لمن اطلع السوق اجهز حق البيبي بروحي واشوف كل واحد مع مرته
حتى مراجعه الطبيب مايروح وياي 24 ساعه قاعده ابيت اهلي مايرضا اقعد بالشقه بروحي يعني بختصار جني مو متزوجه

 

[دلوعة صلوح]

صراحة الله يعين بس اغلب رياييل الكويت جذى ادعى الله يهدى ويقدر يوفق بينج وبين دوامة

وانتى كلمى خلى يخصصلج عالاقل يوم او يومين بالاسبوع يتفرغ لج فيهم.. الله يهدى ان شاءالله.

 

[ام احلى خلودى]

لازم تراعين دوامه شوى لانه متعب .... والله يسخره لج يااارب

 

[[[ عيون جابر ]]]

ميخالف حبيبتي الواضح ان دوامه متعب بس حاولي تكلمينه بهالموضوع وتقولين له ودي تخصصلي يوم نطلع ولا نسهر مع بعض من ايام الاسبوع انا اشتاق لك ومن هالكلام وانشالله يطيب خاطرج

 

[miss-toota]

الله يعينج حبيبتي

انزين مايقدر يغير الدوام ... او يقلل من الساعات شدعوه دوام لي من الصبح لي الـ 5 وايد لو اهو وزير ماداوم هالكثر

مادري قعدي معاه قعدت صراحه ولا تخشين شي بقلبج اهم شي الشفافيه بينكم وقوليله لا اطنشين ولا تزعلين

لانه هالاشياء مامنها فايده ... وشوفيي شنو يصير ان شاءالله تتفاهمون وتتفقون على حل

 

[القلعة الذهبية]

احمدي ربج ان لاهي بالدوام ولا شي ثاني

 

[سوسو حبيبتى]

احمدي ربك لاهي بالدوام ارحم ما يلهي مع ربعه والا مع واحدة اللهم احفظنا

حاولى تتكلمي معاه لكن بالعقل لاتخربين على نفسك

 

[دمرت كياني]

االله يساعدكم
خلج معه بالفون 24 ساعه يعني كل ساع طمني عليه و حسسي أهو كأنه معاج ^_*

 

[LeeMa q8]

حبيتبي صج يحز بالخاطر ..بس يلهى بدوامه ولا يلهى بشي غيره صح ؟!

 

[zaina alotibi]

الله يعينج ويعينه صراحة دوامه متعب

 

[وآحشنــي زمآنـك]

الله يعينه يعني تتوقعين أنه مستأنس ..




أن شاء الله فتره وتعدي ..

 

[الشهد كله]

حبيبتي بصراحة الله يعينه على هالدوام

صج متعب بس لازم تتحملين

وتبين الصج الحمدلله لاهي بدوامه ولا بالدواوين وخرابيط الدواوين

عموماً اقترحي عليه ويكند لج ، وويكند حق ربعك عشان تنصفني

أو أسبوع أزور أهلك وأسبوع أطلع وياك

يمكن يدبر لج يوم من هالأثنين عشان ما ينقطع من أحد لا أهله ولا ربعه:bbbiu:​

 

[SHAYMA'A]

الله يعينج شواخي ويصبرج بس ماعليه فتره وتعدي

على فكره انا نفس دوام زوجج .. اطلع من البيت 5 وربع وارد البيت 5 العصر

الحياه الاجتماعيه عندي صارت صفر

بس اللي مهمون علي انها فتره وتعدي مو على طول .. والله يكون بعون الجميع

 

[FeShinGoOo]

ليش وافقتي تتزوجينه وانتي عارفه ظبيعة شغله ؟؟