ازعل واتغلى ولا على طول اسامحه

[صاعقة بيوتي]

السلام عليكم ورحمة الله وبركاته​

سؤالي للي عندهم خبرة عشان ينورونا احنا العرايس اليدد
اذا ريلي غلط علي واعتذر على طول اسامحه ( على بونه اكسر الحواجز بينا ويصير سهل انه يعتذر لي على كل مره يغلط)
ولا اتغلى عليه شوي واخليه يراضيني بشتى الطرق خخخ ( عشان المرة الياية لو بغى يغلط علي يفكر مية مره قبل لايغلط وما يتهاون بتأخير الاعتذار)

ياريت تجاوبوني بالحالتين اذا غلط علي بفترة الملجة واذا غلط علي بعد العرس

واللي تقول على حسب الغلطة ياريت تعطي امثلة
​

دمتم بخير
واتمنى لكم حياة زوجية سعيدة​

 

[ام فواازي]

اذا اعتذر اقبلي الاعتذار ونبهيه ان مو كل مره تسلم الجره وانتي مو تمصخين نفسج كل شوي تتزعلين ترى كثرت الزعل عالاشياء اللي ماتسوى تخليه يمل وماعاد يراضيج حتى لو الشي جايد

 

[الجوهرا]

ماقصرت ام فواازي كفت ووفت

 

[صاعقة بيوتي]

اذا اعتذر اقبلي الاعتذار ونبهيه ان مو كل مره تسلم الجره وانتي مو تمصخين نفسج كل شوي تتزعلين ترى كثرت الزعل عالاشياء اللي ماتسوى تخليه يمل وماعاد يراضيج حتى لو الشي جايد

لا بالعكس انا سلسة حيل معاه وماازعل بالسهل ومااعصب طبعا بشهادته بنفسه, المشكله انه له فتره احسه مايعملي حساب وكأنه ماعندي احساس ويعمل حركات تبين انه فيها قلة احترام لي وانا خايفه انه بدا يحس انه مهما سوى بمشيها له عرفتي
مع العلم احنا لنا تقريبا نص سنه مملجين

 

[مشاعر وفيه]

:eh_s(7):اهلين حبيبتي هي ع حسب الغلطه وانتي قرري على هاالاساس اذ كبيره وينفع لها زعل جامد او موضوع مايستاهل وتعديها وبالتفاهم قبل كل شي والصراحه بينكم ان شاء الله مافيه زعل ودوم الحياه حلوه بس نفهمها

 

[سفييره الكويت]

تتغلين عليه وتبينين له انج دلوعته بس بشكل صحيح مايكون مبالغ فيه

يعني مو تحقرينه لا تردين عليه بس نبره حزن ودلع ..!

 

[يارب يطيب عبود]

على حسب انتي زعلانه على ايش
او على شي يتكرر >>>> قصدي مثلا فيه شي انتي ماتبينهيصير وزعلتي عليه
وبعدين راضاك ورضيتي
اذا رجع يكرره كل شوي انا اقول طوليها شوي
شوي هاه مو كثير لاتجين بعدين وتقولين يارب قالت لي

 

[ام الحلوااات]

حـــســــــب الــمـــوقـــــف بــــس لا تــكـــثـــريــــن زعــــل بــعـــديـــن يــمــــل يـــراااضــيـــج ويــقــتــصـــرهـــا ويــصــيــر يــطــنـــش زعـــــلـــج لانـــه تــعــــود عـــلــيــه