ازاله شعر الويه

[misS cute1]

شحالكم

كيف تشيلون شعر الويه بالخيط ولا تسون تشقير


التشقير يكثر الشعر وهو اللي خلاه يكثر
واذا حطيت الميكب مايطلع حلو يبن مب نضيف وميطلع حلو الا على بشره نضيفه مافيها شعر

ممكن تفيدوني كيف طريقتكم اذا تشيلونه بالخيط شو تسون عشان مايطلع حبوب
اذا شلته بالخيط ويهي يحمر ويحبب وتقعد فتره الحبوب ماتروح ها من غير الاثار ومافيني اقشر ويهي كل مره ابا حل جربت فيسودين مافاد

الي عندها طريقه تسويها بعد ماتشيل بالخيط ومايحبب ياريت تفيدني بتجربتها

 

[A p r i l]

بلا تشقير بلا خييط يخربون الويهه


مالج الا الليررز .. بس لازم تروحين عند دكتور ثقه لانه ساعات يحرقون الوييهه

 

[مدّهره !]

عني سوويت ليزر .’,

 

[مـوج]

مرآححب

انا توني صغيره مآيطلع فيني شعر بويهي

بس مره وسوست وشلت بـ آلموس

والله فآدِ لكن انا ما انتبهت وشلت حوآجبي من الاخير طلعت كأني منمصه ><

بس حطيت ثوم ورجعت حواجبي مثل ماهي ^ ~^

الخيط والتشقير سمعت انهم يطلعون حبوب ومظره بس والله مدري

اذا بتجربين الموس انتبهي لاتقربين من حوااجبج

 

[Shoshaa_q8]

الخيط ممكن يهيج البشره و الشمع خايس للبشره
خرب بشرتي بالحبوب حتى لو حطيت كريمات قبل
مالج الا الليزر و بجلسات اكثر بس اذا خفيف شعر ويهج ماراح ينفع الليزر لانه هو اساسا للشعر الكثيف

 

[زهرا_*]

انا اشوف شيلي بخيط احسن
الليزر ينفع للشعر السميك و اللي يطلع لهم مثل الرياييل
عندج مقص القتلة الكهربائي حلو و بعده على طول حطي جل سنيره الايراني لبعد الحف
والله انا استخدمه بعد حفاف فوق الشفايف و تحت الشفه بشوي و استخدمه لزندي لان يحبب اذا شلته
بس من بعد ما استخدمت هالجل ما تطلعي لي حبوب حطيه بعد الحف على طول لمدة 20 دقيقة بعدين غسليه و انا ما اغسله و عادي

اتوقع هو ينباع عندكم بالكويت عند الحواي

 

[رمادية الهوى]

التشقير موو حلووو للبشره
بس الشمع مررره حلوو انا شلت وجهي بشمع مره حلو ونظاافه والله حسيته ناسب بشرتي..جربي وان شاءالله ينفعك
وفيه خلطه لشعر الوجه اختي قراتها من وحده نزلتها عالانستقرام تقول تقلل الشعر اللي بالوجه وهي عباره عن صابونة زيت الزيتون_وملح خشن_ وموية ورد
تخلطينهم مع بعض وتصير زي الكريم وحطيها عالوجهك بس استمري لين يتساقط شعر وجهك وان شاءالله تفيدك
انا بديت استخدمها وصح نسيت اقولك تقعد عالوجه ساعتين وتغسلين بماء بس
ان شاءالله اكون افدتك
دعواتك لي ​

 

[sverige]

اختي شنو ليزر الله يهديكم
الليزر للي بشكل الرياجيل عندهم لحيه لتصدكين كلام عن ليزر الوجه ابدا كله خطا بخطا
نصيحتي الج هو الشمع
اني اشتري شرائح للرجل واكصها واستخدمها للوجه تجنن
وحاليا مشتريه جهاز الشمع هذا تحفه احلى ما جربت بحياتي البارحه كتبت تجربتي عنه
اختس تستخدمه من سنه للوجه والجسم كله والله شاهد نتيجته وسهوله استخدامه خيااال
احبى ماجربت لليوم نعمه من الله شوفي الموضوع وحاولي تلكيه عندكم ان شاء الله يكون متوفر