ازالة شعر الظهر و البطن

[صامتة بزمن هزاز]

بنات انا عروس بشيل شعر ظهري و بطني المكينه ما قدرت عليها ابي اشيل بالصالونه شقولها و تعرفون صالون زين بهالشغله لان متوهقه و عفية ابي صالون اتيي البيت شعر و مكياج و شغلها اوكي الي تعرف تحط لي رقمها و سعرها

 

[noura85]

ليش ماسويتي ليزر :\

 

[طموحه بزياده]

ماعرف بس اتوقع التشقير احسن من الشيره اشتري من الصيدليه تشقير وحطيه ولا خلي اي صالونه تحطله لج


ان شاء الله البنات يفيدونج

 

[bent_ayawed]

ديري بالج حبيبتي تشيلنه شيره ولا موس وتخلينه .. راح ايقب عليج او يصير احمر وانتي عروس او ماعندج وقت , الليزر كان حل وايد مريح بس وضعج مايسمح الحين لأنه الجلسات تطول , روحي النسائم واخذي منهم اوكسجين او شقري مالج الا هالحل .. موفقه حبيبتي

 

[ام عيالها الغاليين]

لالالالالالالالالالالالالا

لاتشيلينه لابشيرة ولاموس ديري باااااااااااااالج والله جسمج يروح فيها والله بتتندمين

روحي سوي ليزر واذا ماتقدرين الحين روحي شقري جسمج بلصالون

 

[))M N((]

رد : ازالة شعر الظهر و البطن

يا ويلتي ويلتاه
وانا ناويه اشيل بشيره بعرسي واحاتي اذا قب لاني ولا مره شلته وكنت بسوي ليزر بس قالتلي اخصائية الليزر شعرج باهت ما يصلحلج شسوي يا ربي
والله محتاره حدي!!!!!!!!!!!!!!!!!!!!!!!!!!!1

 

[!الجادل الصعب!]

رد : ازالة شعر الظهر و البطن

الي فيها شعر عآدي تشقره لا تشيل شيره حرآم ..!

 

[فيونكة_وردية]

خرعتووني شنووو يعني ؟؟؟؟ التشقير فرضا احترقت بعدين اتوقع الشيره احسن شي لانها تنعم الجسم حييل ؟ شرايكم خبصتونا اللي تععرف شي ومتاكده منه تقوووول بليييييييييييييييييز عشان يمديني

 

[زوغة مطير]

رد : ازالة شعر الظهر و البطن

حبيبتي اختي شاالة بشيره والحين تشووفين الشعره طول اصبعها. انددمة والله
احسن لج التشفير واريح لج والشعر بيكون اصغر وحتي لو ماشقرتي مايبين نصيحه

 

[مذهــلــه]

مادري أنا فيني شعر في البطن بس ظهري مافيه وايد

توقعون ينفع ليزر وجم جلسة؟؟؟

 

[queen pink]

تشقيييييييييييييييير

 

[•• لبـّيِــگ }]

الشيرة تقبب الجسم وتترسه حبووووووووووووووب
والموس يخلي الشعر يااابس

مافي حل الا الليزر


جلستين قزري فيهم حالج لين يفرجها الله

 

[مــســك]

حتى انا للحين ما اادري شسووي ..

 

[غرور وايل]

اممممم اتوووقع ليزر احسن حل ..

 

[عاشقة^زوجها]

اتصدقين انا من التشقير شب ظهري وصار احمررر وحساسيه بغيت اموت
وسويت بعدها شيره وكنت خايفه حدي و انا اللي مسويه بروحي فلم
هالكلام قبل 4 سنين
كانت اول مره اشيل
وما شلت لي توه حق العيد والله
الشعر كان خفيف بس زوجي يعلق
وعموما الرياييل ما يحبون الشعر حتى لو اشقر
اضطريت اني اشيله وانا حامل
والله لا عورني ولا شي
رحت صالون الشرقيه اللي بالجابريه
حده راقي ونظيف وتدشين لج غرفه خاصه حقج بروحج فيها دش سباحه وثنتين يشيلون لج
وصراحه ما عوروني والله بالعكس حسيت بنظافه
بس بطني ماسويته قالتلي مو زين للحامل
وقلت كل شهر بسوي ان شاء الله انظف ووايد استانس ريلي لول اهم شي رضاه ههههههه

 

[واثقة بجمالها]

اب اب اب لعييوونج
والله ما ادري

 

[sweet dashttya]

رد : رد: ازالة شعر الظهر و البطن

ليش ماسويتي ليزر :\

اي سوي ليزر احسن تفتكين

 

[moon including]

رد : ازالة شعر الظهر و البطن

انا بنت خالتي شالت بالشمع
واحس الشيره مو زينه
وشقري اذا شعرج خفيف بس خوفج الريال مايحب الشعر ويكش منج
يبا حفي والله كريم واذا تحاتيين يكثر الشعر ليش ماعندنا صالونات بالديرة
وموفقه يااارب

 

[LuLiTa]

رد: رد : ازالة شعر الظهر و البطن

شيليه شيرة و عقب تدهني بكريم فوسيدين ,,, ما يصير لا حمار و لا شي ,, و اصلا طوول الشعرة ما يتغير ,,, و كافي انج اتحسين بنعووومة ,,و اتحسين صج انج انثى ,,,

 

[الاميره وبس]

حبيبتى انتى عرووس شنو تشقرييين
لا عادى شيلى ضهرك بالشيره قبل الزواج باربعه ايام
انا صراحه شخصيا يطلع لى حبوب من ضهرى لاشلت بالشيره
بس روحى الصيدليه قولى يعطيك كريم (اظاهر حق العنقز كويس لظهر الى لونه ابيض سائل )
انا احط كريم ابو اسد اسمه كذا ولا تروحين ولا تطلعين بالشمس والحر لانو يقب مرره
وحطى كمادات ثلج ورشى ماى ورد
وهذا مافيه احلى منه يجلس شهر علا ماسطلع الشعر
ونعووومه وتكونين واثقه