اريكسون K810i

[الزين يفرض نفسه]

عندي اريكسون الجديد



ومو حابته <<<< متعوده على نوكيا


بس ياريت اللي تعرف عنه تقولي لاني مااااالي خلق اكتشف شنو فيه حدي مستثقله دمه :eh_s(13):

واذا ببيعه بجم ابيعه ؟


وشنو اشتري بداله احسن جهاز نوكيا ؟


وشكرا

 

[رند]

بالعكس اريكسون حلو انا z610i
اول يومين مثلج استثقلت دمه بس يوم تعودت عليه اريح من النوكيا
نطري عودي روحج بعدين اذا ماعجبج بعيه

 

[Chocolate Milk]

هاي انا مثل تلفونج حلو مافيه شي لول

عاجبني

لانه كان عندي موتورولا هذا احسن

اذا تبين ترى فيه تلفون D&g موتورولا اعطيج عندي اياه لول

واذا استكشفتي شي يديد بالتلفون قولي لي عالخاص

وباااااااااي

 

[nono78]

نطري عليييييييييه

كلنا كنا نوكيا بعدين غيرنا الى سوني اريكسون

بالعكس اتعبثي فيه لمن تعرفيله

يعني دشي المنيو ودشوفي شغله شغله

بالعكس راح تحبين اريكسون وتكرهين نوكيا

الحين مستحيل ابدل بنوكيا اريكسون وبس

 

[بطاطا]

عاد بشتريه شلونه ينات ؟

 

[۩۩ الجـــــود ۩۩]

انا عندى اول ايامه ماحبيته

قمت اتعبث فيه اكتشفت فيه شغلات حلووووووووه نصيحه لا تبيعينه

اذا عرفتيله بتعافين نوكيا

 

[امل الاحبه]

هاى بنات والله شوقتونى اشترى اريكسوون بس ابى اسالكم جم حجم الذاكره ويحفظ اغانى وايد؟؟ولا لازم اشتريله ذاكره اكبر للبرامج والاغانى وشلون تصوير الكاميرا والفيديو واضح ومنو جربت فيه مكالمة الفيديو هل هى واضحه؟؟
وجم سعره بالسوووق ؟ هل فيه راديو وبلوتوث؟؟

 

[Kuwait]

واااااااااي نفس شعوري اول شهرين بعد مو يومين
الحين مستحيل مستحيل اغيره لا انا ولا رفيجاتي
بطاريته تعجبج وكل شي فيه روعه
ونازل يديد تتج سكرين

 

[شندوخه]

انا مثلج ماحبيته
بعته ب 65
بس ولاقعدته طايح

 

[شيهانه]

انا كلشي حبيت فيه بس كتابة المسجات اتعبتني

 

[go0omar]

نوكياا صار معقد وكله برامج ماتستخدمينها يعني معبه على الفاضي انتي صبري جم يوم راح تستانسين على جهازج انا جذي اول مرى اخذ سوني اركسون وكنت ببيعه بس ماكان عندي وقت وخليته ليمن الحين مستحيل استغنى عنه سهل حيل وناويه الحين اشتري اليديد
شكرا

 

[jaggy-cat]

نصيحة لج لا تبيعينه ترى الجهاز واااااايد حلو واقوى من نوكيا
وفيه وايد مميزات .. وكاميرته واضحة احسن 1000 مره من النوكيا.

واذا تعودتي عليه ماتقدرين تغيرينه ...

 

[& شهد &]

السوني اريكسون ما عليه يهبل واول الايام اتعبث بجهازي لين عرفت له وانا الوحيده من خواتي اللي عنده سوني اريكسون

 

[barbya_q8]

هذا تليفوني الحالي يهبل بس تعودي عليه وصج تعافين نوكيا الي يعلق ويخوره