اريد رساله منكم

[السيده ام حسين]

السلام عليكم ورحمة الله وبركاته
هذي اول مشاركه لي في المنتدى وارجو من اخواتي مايخيبوني
انا لي ولد يدرس في امريكا وله علاقه بفتاه امريكيه وكلمته كذا مره بترك الفتاه وكل مره يقول ان شالله يمه ولدي حبوب ومطيع ومو عاق ابدا بوالديه ويقول تركته وتجي لي اخبار بان مازال له علاقه بالبنت
طالبه منكم برساله حلوه ومقنعه وباسلوب جميل ومقنع بترك البنت وانا شاكره لكم

 

[blondeya-pretty]

حاولي فيه

آنا ولد عمي تزوج امريكية واسلمت والحمدلله ومن حظه الحلوو انها كانت زينة ورضت تسلم حاولي بولدج واذا ماقدرتي زوجيه البنت

 

[ملآمح يوسفيه]

,

حاولي تكلمينه مره ومرتين
حاولي طرشين له احاديث تنصحينه
وادعي الله انه يهديه ان شاءالله

 

[! هُوْ وِينِه !]

الله يهديه ​

 

[درة أهل الطولات]

انا اكتب لج

ولدي حبيبي شلونك ؟
عيوني تتمنى تشوفك بأحسن حال ،، يمه حبيبي شلون الدراســة ،، لا تخيب املي فيك ،، أبيك ترجع لي بالشهادة
ابي احس الوقت اللي قضتيه بعيد عني ما كان من غير فايدة
حبيبي مشتاقة لشوفتك
ما يريح قليبي الا برجعتك لي سالم
يمه حبيبي ،،،
شصار معاكـ ؟
سمعت كلامي يمه ؟! لا تعتبر كلامي تهديد لا حبيبي كلامي نصح ومن قلبي طالع لك
أبي لك الزين
ابي ازوجك اللي تستاهلك وحدة من دينك ،، تصونك ما تخونك
تكون الاول بحياتها ،، أبي عينها ما ترتجي الا شوفتك ،، أبي قلبها ما ينبض الا بحبك
انت زين وتستاهل الزين
بنت الغرب ما فيها اللي اتمنى لك ،، ابي وحدة بصلاتها تدعي لك ربي يحفظك ،، ويهديك ويوفقك
لا تنسى يمه تراسلني وتطمني
فديتك ..


امك اللي تموت فيك ،، يا عل عيني ما تبجيك

 

[بحر الرمال]

الله يعينج
بس ترا لو تقولين الكلام له وجها لوجه احسن من الرساله و يمكن الرساله تتاخر شهور او تضيع بالبريد

 

[" ام حمود "]

الله يهدديه ان شاءالله ..

 

[السيده ام حسين]

الف شكر لكم جميعا وماقصرتون عساكم عاى القوه
وشكر خاص الى درة اهل الطولات وراح ارسل له كلامك لان من جد الكلام جدا حلو
شاكره الكم

 

[~ بنت الهدى ~]

الله يصلح حال ولدج يالسيده و يرده لج سالم غاانم و يبعده عن عيال الحرام..

 

[على الطيب تربيت]

الدعاااااء بقيام الليل

 

[Queenleo]

اهم شيء تدعين له
دعووة الوالدين مستجااابه سبحان الله
قوومي الليل ووادعي له ان الله يمسح على قلبه وويبعد عنه اعيال الحرام وويبعده عن الغلط
وولما تكلمينه
خليه يسمع دعووتج
وقوليله ان شاء الله ربي يووفقك ويرززقك ببنت الحلاال الي تصوونك ووبالذريه الصالحه الي تبرك مثل مانت بارني ووتسمع كلامي وماترضى بززعلي

لاتواجهينه اكثر من جذي
لان راح ينكر
تعاليه من باب ثاني