اروح والالا

[كبرياء اميرة]

قوة


خواتي انا بنص التاسع والدكتوره قالتلي تعالي بعد اسبوع اسويلج فحص داخلي تقول بتشوف راس الجنين نزل بالحوض والالا

قلت ليش مو مبين بالسونار قالت لا مايبين الا بالفحص


بس مااحس بعوار كلش ولا طلق ولا شي

وانا بجر ماابي اروح شرايكم ماابيها تفحص الا بالولاده :O_SHH_:

والله خايفه من الفحص ماابي ارووووووح

وقبل اسبوعين سويت سونار عند دكتوره ثانيه قالت الراس تحت بس بوقت الولاده ينزل بالحوض

والدكتوره هاذي تقول بفحص اشوف الراس :flower:

 

[دانة بعين بحاري]

رد : اروح والالا

والله انا مافحصتني دكتورتي الا وقت الطلوق
بس البنات يقولون انه هالفحص عادي عشان يوسعون ويشوفون عنق الوحم
روحي ولا تخافين ترا الفحص يعور بس مو مثل ما انتي متخيله يعني الم تقدرين تحملينه
الله يسهل عليج*

 

[متيمه بهواه]

رد : اروح والالا

والله مدري ليه احس دكتورتج خراطه :dddds:

عموما
انا اول مره تمر علي وحده بنفس سؤالج
وبعدين الدكتوره شدخلها بالراس هالفتره هذي
مو تقدر تعرف انه الرأس تحت من خلال السونار
او الفحص بيدها فوق البطن

أنتي أستخيري بالاول

بس احب أقولج شغله وحده بعض الدكاتره تسوي لج فحص وبالفعل تتاكد خلينا نحس الظن بها :dddds:
وفي نفس الوقت تسوي لج تحريض بيدها وتوسع لج :rerrerek:


والله يسهل عليج يارب

 

[_زينه_]

ماعندي فكره انا بجريه مثلج

 

[@ام يوسف@]

رد : اروح والالا

حبيبتي الفحص صج يعور بس لازم اتحملين شلون بتولدين يعني بدون فحص وبعدين انتي بجريه عادي ما تدرين شنو اللي جدامج والله يسهل ولادتج وتقومين بالسلامه

 

[om deaj]

مايعور ولا تخافين
انتي بس خلج ريلاكس ولا تشدين اعصابج وهالحركة توسع عشان الطلق

الله يهون عليج وتقومين بالسلامة

 

[كبرياء اميرة]

يابنات شلون تسويلي توسع وانا ماخلصت التاسع انا بنص التاسع ولا احس بأعراض الولاده وسمعت البجر تاخذ من العاشر بعد

 

[قمر الكويتية]

رد : اروح والالا

نصيحة لا تروحين مدام إنتي سويتي سونار وقالو لك الراس تحت يعني إنتي تطمنتي على وضعك

و في بعض الدكاترة الله يسامحهم إنتهازين ،، يمكن إهي تبي تسوي الفحص و توسع لك علشان تضمن ولادتك عنها

أنا أشوف إنك تنطرين مدام إنك بنص التاسع ،، إذا خلصتي التاسع روحي لها

الله يسهل عليك

 

[أأأميرة الورد]

رد : اروح والالا

بالعكس الفحص زين لج
لان البجر نادرا ما يفتح الرحم معاها مبجر
الفصح يوسع شوي ​

 

[ناتشوو]

رد : اروح والالا

انا بكل ولاداتي مااروح الفحص الا حزة الولادة

خوافة :d