ارروح تايلند او انترلاكن سويسرا نصحووووووني

[*Crafty-girl*]

شلونكم بنات​

بنات شرايكم بشنو تنصحوني محتارين بين تايلند وانترلاكن ابي شي يسوى شي يونس يعني فترررره نقاهه واستجمام وبنفس الوقت سوق وطلعات ورحلات ابي سفره العمررر مابي اندم

وشاكرتلكم​

 

[اشلون يعني &]

سويسرا جو حلو وطبيعه بس غاليه أغلى دوله اوربيه حتى البيبسي سعر غير طبيعي
تايلند سوقها يهبل بس حر وخيسه
تبين سويسرا. ماراح تستانسين بالسوق
تبين تايلند مراح يعجبج الجو
بس لو أنا مكانج اختار سويسرا لانها انظف وطبيعه وسوق الكويت كل شيء فيه

 

[awashamen7asha]

سويسرا مافيها سوق و غاليه و فنادقهم عاديه احلى شي الطبيعه.. الخضار و البراد جنه سبحان الله و نظيفه. كله محلات ساعات و كاكاو. الوضع دعايه جبنه بوك.و زبده ليورباك.
اما تايلتند مغامره و فنادقهم كلها منتجعات و جاكوزي و حمام سباحه و البحر تركوازي وشواطئ و جزر و سنوركل و قوارب , الوضع دعايه باونتي والاكل كله سي فود و رخيصه . و على طريجج سنغفوره نظافه و تونس بعد نايت سفاري و يونيفرسال (سنغفوره و بانكوك فيها سوق) بس الجو رطوبه و الشعب غثيث .
ياربي كل السفر يونس و نقاهه و ممتع.. بس انتي و ميولج تبين جو تبين سوق تبين لعب تبين طبيعه..

 

[عزاااه]

فرق انترلاكن طبعن انا جايتهم اسعارها معقوله مو المبالغ فيها

 

[أم سيف وسلطان]

كلهن حلوات

 

[*Crafty-girl*]

مشكورررررررين حبايبي عالرد فديتكم



واي احترررت زياده انا رايحه ماليزيا وهم رايحه فيننا




حدددددددي احترررت ماتعرفون معلومات عن انترلاكن تونس تشرح الصدرر فيها منتزهات فيها رحلات او لا

 

[*Crafty-girl*]

تايلند نفس ماليزيا؟؟ ماكو فرق ؟؟؟؟؟؟

 

[Om_Ksha]

انا توني راده من انترلاكن للامانه مارحت رحلات بس كنت مسويه جدول لها واعرف انه فيها رحلاااات وسوالف تهبل بس الظروف غير
وجان ودج بسوق عندج زيورخ تهبل

تايلند هم رحتلها فنادقها رووووعه عموما طبيعه هالديره تختلف 180 درجه عن انترلاكن
انترلاكن رااااااااقيه وطبيعه ماشفت مثلها*

 

[@Miss Dio@]

انا رحت الثنتين انا براي طبيعه النمسا احلي من انترلاكن وبصراحه استانست بتايلند اكثر ونيسه ونيسه وفلوسج تعيشين ملكه وماكان حر وكان مطر

 

[reem.q8]

حق سوق تايلند وجوها الحين كله مطر مو حر وايد

 

[حسن الخاتمة]

الله يهداك مافيه وجه للمقارنه ابد أبد شلك بتايلند وحرها ورطوبتها وحشاكم وساختها ونصيحة اخت عاشقه لسويسرا وخصوصا انترلاكن وماحولها من قري والله عجيبه فريت أوربا ماشفت مثل بحيراتها الهدوء الجمال الطبيعه والناس الراقيه الله والقهاوي الذربه وكلها رحلات وقمم وشلالات أذا تبين وبأختصار القمم عندك توب أوف يورب أعلي قمه باوربا بس شوي غاليه وأذا تبين أرخص وهم تشوفين الثلج لروحي قمة تتليس ولاتنسين جوله بحريه رائعه فيه بحيرة برينز اوثون وعندك رحله للبلو سى والاوشن سي هذيل بحيرتبن وقراب من بعض وطبعا أحلي شلالين ترومبيل باخ وجيس باخ وعندك السوق بجنيف ولوزيرن وزيوريخ

 

[حسن الخاتمة]

وأذا تبين سوق سوق طبي ميلان سوقها حلو وعجييب عقب روحي لوغانو بسويسرا بينهم ساعه ولوغانو بروحها قصه سبحان الله وعقب ساعتين ونص وانتي بانترلاكن ومنها الرحلات وتقدرين ترجعين من مطار جنيف او زيوريخ وبالسلامه و أن شاء الله تبشرينا برجعتك

 

[نـعـومـه]

بصراحه من ناحيه الميزانيه فرق بينهم

تايلند رخيصه وجوها رحلات وجذي

سويسرا طبيعه عجيييييييبه بس غااااااااااليه حتى اغلى من فرنسا

 

[عبير-الشرق]

اكيد انترلاكن وانتي مغمضه انا رحت الاثنين وفرق السماعن الارض اصلا مافي وجهه مقارنه

 

[FOZQ8]

تبين نظافه وديره راقيه اكيد سويسرا رومانسيه بس احسها ممله اذا بطولين
وتايلند حلوه ولها جوها ووناستها بس عيبها الحر وارخص ومغامرات انا احبها انا رحت بشهر 11 كان الجو حليو بالنهار حر عادي بس مو قته وبالليل يصير حلو لا بارد ولا حار والاماكن ماتخلص لو تقعدين عشر ايام

 

[هنـــد]

من صجج ماكو مقارنه بين تايلند وانترلاكن

انا تو راده منها شي خيال واتلاسعار حيل زينه ومتروسه خليجين

وبالكثير عليها 5 ايام

 

[زين ودلال]

تايلاند بس روحي بوكيت حق وناسه ورحلات بس حر

كل دوله وناستها غيييير

 

[شوشة حبيبي]

طبعا انتي وين ميولج سويسرا حلووووه واتينن طبيعة وجو حلووو وخيااال وتايلند تسوق وغامرات واحنا مانستغى عن السوق

 

[bnt_7waa]

ماكو مقارنه بين الدولتين على حسب انتي شتبين

بس الاكيد انترلاكن

 

[القصيدة]

السلام عليكم و رحمة الله و بركاته

سويسرا طبعاً :eh_s(22):

ما فيه وجه للمقارنة :eh_s(8):​