ارد والا ما ارد

[فنيسيااا]

بنات مالكم بالطويله انا كنت ابله انجليزي متوسط واستقلت
وكلكم عارفين التعب والتوجيه والناظرات اللي ما يرحمون
الحمدلله ارتحت لما تركت التدريس

انا مقدمه في الديوان

لما زادوا المدرسات طمعت ومفكره ارد عشان المعاش
تنصحوني اهج والا ارد

انا محكومه بوزاره التربيه او الاوقاف لان اهلي ما يروضون اروح اي وزاره تانيه

الاوقاف يبيلها وااااسسسسططططه

 

[عزتي مالها حد]

ردي للتربية

وربي يوفقج ان شالله

وان شالله جمعية المعلمين راح تخليكم بس للتدريس وتشيل عنكم المهام الادارية الملقاة على عاتقكم

 

[الاخلاص]

التربيه طبعا
لان كل مكان فيه شغل وتعب والشغل احسن عشان يمر الوقت بسسسسرعه وماتدرين الا صايره الساعه١ ونص من كثر الشغل والتعب والحمد لله احتسسسسبي الاجر لله وربي راح تحسين براحه لانج احتسبتيه لربج

 

[الاخلاص]

التربيه طبعا
لان كل مكان فيه شغل وتعب والشغل احسن عشان يمر الوقت بسسسسرعه وماتدرين الا صايره الساعه1 ونص من كثر الشغل والتعب والحمد لله احتسسسسبي الاجر لله وربي راح تحسين براحه لانج احتسبتيه لربج

 

[فنيسيااا]

يعطيكم العافيه وجزاكم الله خير
شوركم واهداية الله:eh_s(17)::eh_s(17):

 

[Angel_store]

موفقه

 

[PuPa^^SWeeT]

ردي ياقلبي


مو علشان الفلوووس


غيري مدرستج وانشالله تنحل المشكلة

 

[فنيسيااا]

الله المستعان والله تعب وغثا
بس على الاقل الواحد يقول معاش زين
الله يبارك لنا فيه

 

[أبلة مس]

آنا ما أعتقد السبب اللي خلاج تستقيلين المعاش .. أكيد كان عشان أسباب ثانية .. و بغض النظر عن الكادر الجديد ، إذا الأسباب اللي خلتج تستقيلين ليمن ألحين موجودة .. آنا أقول اشتري راحتج حبيبتي و ماله داعي ترجعين .. و الله يوفقج و تلقين وظيفة ثانية ..

 

[المـــــها]

حبيبتي انا الحين تعيين جديد و بحول ادارية
صراحه عوووووووووووووووع عووووووووووووع مابي معاشهم ولا كادرهم
حالتي النفسية ماتتحمل
ابدا ما علي راحتي
آخذ 700 800 دينار و أنا مرتاحه
و لا الهلاك و ارضاء جميع الاذواق من موجه و ناظرة و وكيلة و رئيسة قسم
و وقفة على مالا يقل عن 60 طالبة!!



و حرقة اعصاب عالدرجات و المعاش رااااااااااااايح عالوسائل و الهدايا و القطيات و البطاقات








حب لأخيك ماتحب لنفسك
و أنا ماحبيت التدريس تعععععععععععب لدرجة ان مايهمني المعاش!



الله يوفقج و يكتبلج اللي فيه الخير




بس سؤال شلون حولتي ادارية؟؟ و كم معاشج؟؟
شهادتج جامعه ولا اساسية؟

 

[رويال كلاس]

اب اب
الله يعينكم يا قلبي
​

 

[love^angel]

اختي فكري عدل اذا ردتج عشان الكادر بس فكري مره ثانيه
انا خلاص برد مو عشان الزياده والله من قبل الكادر قلت برد لنه شهادتي تربويه ومحد بطلبج بالديوان الا التربيه اما اذا بغيتي مكان ثاني لازم تاخذين كتاب من الجهه الي تبينها ويكون رقمج بالديوان ١ غير جذي ماكو
انا وقعت كتاب من وزير ولا رضو يعطوني الاحتياج لنه رقمي ٢ وقلت خلاص مالي التربيه

المها ترى بالتربيه ماكو تحولين اداريه جذي بسهوله لازم تخدمين ١٠ سنين او يون عندج عذر طبي يمنعج من التدريس وطبعا مو اي عذر لازم مرض قوي او عاهه اسم الله عليج او انج تستقيلين وتسسوين الطريقه الي قلتها بس هاااا خل اقولج شغله لما رشحني الديوان للتربيه ورحت ارفض قالولي انتي خدمتي سنتين؟ قلت لا اكثر جان يقولون اوكي
اتوقع الديوان ماراح يسوولج شي اذا مشتغله اقل من سنتين
هاذي التربيه و صل عالنبي

 

[عادت ذكرياتي]

الله يوفقج

 

[فنيسيااا]

ابله مس صاجه انا استقلت من الغثا والتعب و اهمال البيت والعيال بس انا لازم اشتغل وحاولت احول اداري ما روا لان بس لي 3 سنوات بالاعمال الشاقه

فاضطريت استقييييييل
وانا بحاول احط اعيالي حظانه واغير من نفسي اشوي بس جم سنه ايمع جم فلس بعدين مو مشكله

المها والله كلامج صحيح
ما ابي التدريس تعب وموووت بس اول نكبد وناخذ 860 والاداري 650 واداري وزاره الاوقاف لى 770 يعني شي يقهر

حاولت اروح لاي وزاره بس اهلي ما يرضون انا تخصصي انجليزي ومطلوب بكذا مكان وبراتب قوي بس يبيلي واااسطه مثل النفط والماليه والقنصليه او الداخليه

الحين بعد الزياده يقولون الكل يقول اش هالدلع ردي

ياربي انا اول مرتاحه معاشي بيدي ولا احد يبط جبدي اما الحين صار لي سنه واحس مو قادره انطر

بس وحده من رفيجاتي قالت لي نطري ما زادوكم الا بيغثونكم بيكثر الشغل والتعب

انا رقمي قرب بالديوان وقالولي ييبي كتابجج وان شاء الله توظفين
يارب الخيره

بيبني وبينكم المعاش القوي ينفع والله
اعرف وحده تعالج بره ما شاء الله مدرسه لى احسابها يعني لو معاشها عيف جان الحين تعابل باوراقها بالصحه
ترا المعاش القوي سند