ارخص طيران يودي لفلوريدا بامريكا ماعليكم امر

[بنت العجمان السنافية]

بصراحه ودي اسأل عن اسعار التذاكر للكبير وللي تحت 12 سنه لامريكا بجم تطلع ع الدرجه السياحية

ابي ارخص طيران وزين وجربينه

وبغيت اعرف متوسط اسعار السكن باورلاندو ياليت تكون شقه ومتوسط المعيشه لائله من 5 اشخاص 3كبار و2 صغار باليوم واسعار المطاعم هناك

 

[rawona]

حبيبتي اسعار التذاكر تتراوح من شركة لي الثانية وعلى حسب اذا تبين دايركت او ترانزيت ..

طبعا مافي دايركت مباشره لاورلاندو بس في دايركت لامريكا لنيويورك عن طريق الكويتيه وهذا سايتهم وارقامهم للاستفسار عن الاسعار

www.kuwaitairways.com او الاتصال على 171


وفي دايركت لواشنطن دي سي عن طريق اليونايتد وهذا هم موقعهم

www.united.com

وطبعا بالحالتين لازم طيران داخلي حق اورلاندو بس الحلو باليونايتد انج اتحطين


from: kuwait
to: Orlando

واهو يتكفل بحجز الطيران الداخلي التابع له عن طريق ted


والاماراتيه راح تسوي خط دايركت حق لوس انجلوس ترانزيت في دبي طبعا بعدين خط واحد لي لوس انجلوس دقي عليهم وجيكي معاهم متى تبتدي رحلاتهم والاسعار


وعندج طيران ال klm و البريتش و القطريه و الاتحاد و التركيه كلها خطوط طيران تودي لامريكا شوفي مواقعهم واسعارهم بس هذيل الخطوط مو دايركت ترانزيت بالنسبه للكي ال ام ترانزيت في امستردام والبريتش ترانزيت في لندن والقطرية في الدوحة والتركيه في اسطنبول والاتحاد في ابو ظبي بالنسبه لي ما افضل الدايركت ..


بالنسبه للشقق الفندقيه اورلاندو متروسه منتجعات كلها شقق فندقيه وهذي مواقع تقدرين تشوفين الشقق والاسعار على حسب احتياجج وعدد افراد اسرتج ..

www.expedia.com ---- موقعي المفضل ومضمون واتعامل معاهم من 6 سنوات

www.hotels.com

www.hotwire.com

www.cheaptickets.com

www.priceline.com

www.yahoo.com --- ياهو travel

وموفقه انشالله :tek:​

 

[ام _خلودي]

ماقصرت رواناااا

 

[اشراقة الحياة]

رونــــــــــــــا غنيه عن التعريف ......

معلوماتج تخلي الواحد ما يفكر يسال غيرج.................

 

[rawona]

ام خلودي ..


اشراقه ..


اخجلتموني لووول :eh_s(22):​

 

[malekatsabaa]

حبيبتي
احنا نفس عددكم بالضبط..
حجزنا الطيران والفندق والسياره ..3600 ومع تامين علحجز طلع تقريبا 3750..
الطيران عاليونايتد..كويت-واشنطن-فلوريدا
الفندق شيراتون فيستانا(شقق فندقيه)غرفتين وصاله
السياره بوكس فورد من هيرتز

 

[malekatsabaa]

اما بالنسبه للمطاعم
ففي الغالي والعادي ..وتقريبا نفس اسعار الكويت وفيه مطاعم عربيه بعد واسعارها معقوله ..وتقدرين تاخذين خفايف من الجمعيات!!

الشي الي شفته صج غالي ..البانزين..تفويلة السياره الي حجزناها 100 دولار يعني 26 دينار
ونفس السياره بالكويت ما تاخذ اثر من 5 دنانير تفويلتها..
وفعلا روونا اكثر وحده ساعدتني في السفره!!!

 

[Queen-q8]

شوفي بنت العجمان

انا توني ماخذتلي فرة على كذا موقع طبعا طيران وفنادق

طبعا طيران نفس ما قالت رووونا واهي ما شاء الله مجربة وخدووومة وايد وما تقصر تعطي من قلبها والله يعطيها على قد نيتها واكثر

طبعا ارخص شي من واقع التجربة طبعا بس اشيك على الاسعار وانا قاعدة ادور بوقت هاي سيزون اليونايتد وترانزيت واشنطن وبعدين اورلاندو
والبريطانية بس اسعارها غالية واا صدتي وقت في عرووض تطلع اسعارها وايد حلوة وهمن كويت لندن وبعدين تغيرين المطار لغاتوويك ومن هناك لاورلاندو

اللهوفتانزا طبعا كويت فرانكفورت اورلاندو

طبعا الافضل انج تحجزين من النت قبلها بفترة يعني كل ما حجزتي مبجر صار السعر مناسب اكثر وفي مواقع تحطلج اكثر الخيارات ارخص
مثل

cheapoair
sidestep
yahoo travel
expedia

طبعا بيفتحون الدلتا طيران امريكي ويطلع كويت اتلانتا اورلاندو
او نيويورك اورلاندو ويمكن على اخر هالسنة

وعندج بعد الطيران الرخيص اللي تلاقين اسعاره معقوله بس محطات الترانزيت اكثر
الاردنية
تطلع كويت عمان وتباتين ليلة بعمان وبعدين نيويورك وبعدين اورلاندو طيران داخلي وطبعا انتي تحجزين الطيران الداخلي
القطرية
كويت دوحة وبعدين دوحة واشنطن ومنها لاورلاندو وممكن تحجزين الطيران الداخلي من الموقع نفسة
الاتحاد
كويت ابوظبي وبعدين ابوظبي نيويورك وانتي تحجزين طيران داخلي

والتذاكر اذا مبجر ووقت مو سيزون وايد اسعارها تصير حلوة يعني احيانا 400 الكبير مع الطيران الداخلي بس اذا سيزون عالي تصير التذكرة بحدودو 600 دك للشخص

الفنادق
وايد مواقع بس اللي ما تاخذ فلوس بس ممكن تحجز على البطاقة او تاخذ اول ليلة بس وتكون مرجوعه هالشي يوضحونه بعرض الفندق بالموقع اذا refudable او لا
اهيا

Booking
activehotels

وهذولي اللي انا حاجزه منهم وترى تلاقين احيانا عروض صيدة وهمن فجأه ولمدة 24 ساعة يعني لازم كل يوم تشيكين على الموقع
طبعا ممكن مواقع ثانية اذا ناوية تدفعين ومتأكدة من سفرتج مثل المواقع اللي قالتلج عنهم روونا

وطبعا الارخص لج تجزين باكيج طيران وفنادق وسيارة خصوصا اذا مو مغيرة الفندق بالرحلة او تحجزين الفندق لوقت معين بالرحلة وباجي الايام السيارة تكون معاج وتحجزين الفندق من موقع ثاني او نفس الموقع

واهم المواقع اللي تسوي باكيجات حلوة
Expedia
Yahoo travel
travelocity
Sidestep
ووايد مواقع بعد بس هذيله اهمهم

والسيارة عادة على حسب النوع اللي تبينه بس اذا حجزتيها بروح مو مع الباكيج حجزيها من كذا موقع اعتقد اسمه carrental
واهم شيء يكون مكان الاستلام مو من المطار عشان يطلعلج ارخص بوايد
وتقريبا تكلف بحدود 10 او 11 دك باليوم
والاغلى طبعا البانزين مثل ما قالتج ملكة ..

الفنادق عندج
شيراتون فيزتانا
Lake beuna vista resort village وهذا يديد وانا حجزت عليه اذا الله سهل ورحت راح اقولج انطباعيي وهو يم سوق فاكتوري ليك بيونا فيزتا اوتلت يعني نفس الواقف تقريبا واسعاره مو بالعرض غالية بس بالعرض وايد حلوة
وهمن نفس الاسم بس سويتس همن حلو
وفي كذا ريزوت وشقق فندقية او غرف عائلية بالفنادق ولا تحاتيين وبعد في ناس يمدحون امباسي سويتس اسمه امباسي سويت جمايكا كورت
شقق فندقية ومعاها ريوق
الفنادق وايد باورلاندو لا تحاتيينها

وترى اهم شيء بالسفر لأمريكا الحجز مبجر راح تشوفين انج وايد توفرين باسعار التذاكر والفندق

بس ترى المعيشة هناك همن مو رخيصة يعني اسعار التذاكر للالعاب ديزني مو رخيصة يعني احنا شخصين وطفلين لما شفت معدل التذاكر بروحه لديزني 5 ايام ويونيفرسال 2 يومين وسي وورلد مع اكواتيكا مو اقل من 400 دك يعني التذاكر بروحها ميزانية

دير بالج يعني شوي السفرة تكلفه ويبيلها ميزانية حلوة يعني مو اقل من 5000 دك في حالتكم اذا بتقعدون 3 اسابيع اقل شيء

والله يسهلها لج ان شاء الله