ارجو من اللى تعرف تساعدنى

[al-sha5a]

حبايبى انا محتاجه منكم مساعدة ....وانا بصراحه ما لى الا انتوا....انا


حاليا بالمانيا علاج لبنتى ....الله اشافيها لى يارب:yaaaaaarb: واردنا بالسلامه


لديرتى الحبيبه ....المشكله هى ان بنتى من كثر ما هى زهقانه بغت قطوة :001: علما ان انا عندى وحدة بالكويت


الحين لو شريت لها .....سؤالى اذا بغيت اجيبها معاى الكويت شنو الطريقه ...لان مانى عارفه ...فحابه اللى عندها


خلفيه عن الموضوع الله يجزاها خير ....ضرورى الرد لانها حيل جننتنى ....شايفه لها وحدة والا تاخذها اليوم قبل بكرة

ابى اعرف اشلون على المطار :gr4uu:..ادخلونها ولا لأ؟؟؟؟؟

ولها دعوة منى عن ظهر الغيب ....الله يجزاكم خير :aha:

 

[semony]

الله يشفيلك بنتك يارب

وترجعون بالسلامه ان شاء الله

بالنسبه للقطوه لازم لها شاهاده صحيه تثبت خلوها من الامراض + جواز سفر عشان تقدري تطلعيها معاك الطياره

وان شاء الله البنات يفيدونك اكثر لانو ممكن يكون الكويت غير السعوديه بالاجراءات

 

[سكارف.فوشي]

اهلين حبيبتي
شوفي احد يطلعلج ترخيص من الثروة السمكيه والحيوانيه بالري مكانه عند الكتروزان
ولازم تكون معاها دفترها الصحي الي في تطعيماته وباجي الامور سهاله لا تحاتين وحتى الي بيطلع لج الترخيص يقدر يسأل الثروة السمكيه والحيوانيه راح يعلمونه الاجراءات ويوضحونله الصورة وعاد القطاوه بألمانيا عجيبيييييييييين يهبلون عليج بالعافيه حبيبتي وموفقه يارب

 

[عيون الورد]

الله يافي بنتج وقومها بسلامه وتردين الكويت سالمه غانمه يارب
وان شاءلل البنات يفيدوونج

 

[shurooq]

الله يشفي بنتج وترجع سالمه يارب

وبالنسبه للقطوة

عادي تقدرين اييتبينها لكويت

بس لازم معاها شهاده صحيه وجواز سفر وتصديقات

بس انتي لي رحتي تشترينها قولي حق المحل انج تبين تاخذينها معاج لكويت عشان يسويلج الاجراءات

او يعلمج عليها

وموفجه حبيبتي والله يسهلها عليييج ياربي ويشفي بنتج

 

[lojeeen]

البنات ما قصرو معاج و الله يردكم بالسلامه ان شاء الله

و إذا بتشحنينها شحنيها على خطوط طيران اسمها اللوفثهانسا يقولون وايد زينه و يعتنون بالحيوانات

و قولي حق صاحبه القطوه تسويلج كل اجراءات الشحن بس تجين تاخذينها و زوجج يروح الثروه السمكيه اللي عند سنتر بوينت الري يطلع تصريح دخول القطوه باسمه ^^

و لا تنسينا بالصور يقولون قطاوه المانيا شغل عدل اهناك هههههههه

و اخذيها بيكيييييييييييي ما اوصيج

 

[lojeeen]

صح و اهم اهم شي اخذيها اكبر من خمس شهور حتى تتحمل تغيير الجو من المانيا للكويت و تعب السفر

و قوليلهم ابيها بريدينج كوالتي حتى ما يشيلون رحم القطوه

 

[al-sha5a]

الله يجزاكم خير ....ياحبايبى .........واشكر لكم مروركم ...

الله يجزاكم خير ....وما قصرتوا ....لوجين راح اجيب ان شاء الله عروس حق البيكى اللى عندى .....هههههه

بعد انتى تعرفين ....بعد كم شهر بيطلب زواج ...من وين ادور له على وحدة مثله حلوة وقطقوطة .....هههههههههه

وابشرى بالصور انا ان شاء الله راح اصور لكم القطاوة اللى هناك تشوفونها ....غالى والطلب رخيص لوجين.

 

[الكرزي]

الله اشافي بنتج ويخليها لج امييييين والبنات ماقصروا

 

[Q8persians]

سلام،،،
الله يشافي بنتج النشاللة ويردكم ربي بالسلامة،،،

بالنسبة لألمانيا،،، ماكو مشكلة من الطلعة منها ودخولج الطيارة،،،، محد راح يسأل عن اي ورقة،،، لانج طالعة من ألمانيا وما يهمهم شنو بتودين في الطيارة،،،، الثقة وايد عمياء،،، هذا م حصل معال اكثر من مرة،،، بس مثل ما قالو لج البنات لازم تطلعين جواز -eu- للقطوة هذا اذا سألج احد،،،

كل ما راح يسوونه معاج انك تمسكين القطوة معاج تحت جهاز الكشف عن المعادن وأغراظج اللي في اليد وقفص القطوة يدخلونة للكشف عليه كأي جنطة،،،،، لا تدخلين القطوة كارجو؟؟؟؟؟؟ خليها في يدج مع جنطة جلد مخصصة للقطط علشان تركب كبينة الركاب معاج،،، بالأخص اذا تبين تركبين الكويتية،،،، الكارجو مالهم وايد وصخ وفي حشرات وطفيليات،،،، سإليني أنا شنو صار في قطوي الذكر برحلة من فرنسا للكويت،،،، مسكين ظل 6 شهور اعالج في شعرة،،،

اللوفتهانزا - الالمانية - والطيران الاوروبي يدخلون حيوانات في كباين الركاب،،، ماني عارفة اذا الكويتية تدخل ولا لا،،،،

عند الوصول للكويت،،، راح يسألون عن تصريح الإستيراد اللي قالو لج عنه البنات،،، وأغلب الأحيان،،،، وكل المرات اللي يبت فيهم قطاوة من برة،،، اصلا الموظف ما يدري اذا انا يايبة قطو ولا نمر!!!! لأنه أصلا ما يطل في القفص ولا يسأل عنة خير شر،،،، الله يستر على ديرتنا بس،،،

تحياتي،،،،
سلام،،،

 

[al-sha5a]

يعطيج العافيه ...حبيبتى