ارجو مساعده

[فروحه]

السلام عليكم شلونك ياخبيرات حبيت اشكركم لانه بصراحه هالكنادي غير عن كل المنتديات الكويتيه في منتدي هذا تحسين انك بوسط خواتك موانك غريبه وبغيت منكن نصيحه ومشوره خواتي فانا قد وصلت لي خدامتي جديده من الفلبين وطبعا لاتجيد اللغه العربيه وتعتبر جديده وليس لديها خلفبه وتعتبر اول تجربه لي مع الخدم فبغيت مشوره ونصيحه فانا موعارفه شلون اتواصل معاها فانا لااجيد التحدث بالانجليزيه ومن ملاحظاتي لها منذ وصولها لي فاهلي واصله من اسبوع تنظيف علي ماشي وتعمل الاعمال من غير اذني وتتضايق اذا طلبت منها فعل اي عمل فه تقول انها متعبه وتفكر بعايلتها فياليت لوتضعون لي بعض محادثان بالانجليزي كي استطيع اتواصل معها وكيف اعلمها علي طريقه نظافتي ونظامي وايضا تو ان يكون هناك يوم راحه بدون عمل كيف فانا لدي اطفال وهي لاعتني بهم ولاتجيد الطبخ يعي باختصار موكله لها مهمة تنظيف وغسيل واوتي فقط

 

[ام كوثر2007]

حبيبتي اول شي اهي اول مره تشتغل .. يعني سالفه انها تفكر باهلها وانها تتضايق لا طلبتي منها شي اول شي انصحج اتسوينه تتصلين علي المكتب وتكلمين السكرتيره الفلبينيه اللى تكون عندهم وتقولين لها بااوامرج اللى تبينها وتقولين لها علي سلبيات خدامتج ..


وبعدين تعطين التلفون حق خدامتج عشان تكلمها السكرتيره واهنيه راح يحصل تغير كبير باذن الله بعد هالمكالمه من ناحيه خدامتج ..


طبعا عشان تعلمينها لازم انتي بنفسج توقفين علي حيلج وتسوين كل شي جدامها

مثلا تدخلين لحمامات الله يكرمج وتقعدين تفركين كل شي جدامها وتقولين لها كل يوم تسوين هالطريقه لمن تبين تغسلين الحمامات ..


نفس الشي الاوتي .. نفس الشي ترتيب الغرف والسراير والصاله والمطبخ .. تعبي معاها اسبوعين ثلاث وبتشوفين اشلون راح تتغير ..

علميها اهم شي علي طريقه استخدام الادوات الكهربائيه ترا اهم ما يعرفون بالسوالف هذى عشان ما تقعد تخرب لج كل يوم شي ..


بالنسبه للطباخ ما انصحج انها اهي اللى تطبخ خلي لقمه عيالج من ايدج فيها بركه اكثر صدقيني ..


بس خليها اشوي اشوي تمسك دفتر صغير وتسجل فيه المقادير .. مثلا بتسوين مجبوس قوليلها كتبي مجبوس بالانقلش .. وقوليلها علي مقاديره يعني تطلع دياي تقص بصل تنقع نخي .. هالامور يعني بس طبعا هالشي يبيلها فتره اشوي عشان تستوعبه ..


بالنسبه للمحادثاات .. والله في كلام وايد ما ادري ابتديلج من وين ..


بس انتي الحين خلي شغلج معاها بالاشاره .. وحاولي تعلمينها عربي بسرعه يلقطون اهما بعد ..


وعسى ربي يراويج خيرها ويبعد عنكم شرها ان شاءالله ..

 

[ام الدرر]

حبوبة انتي كاتبة
لا اجيد التحدث بالانجليزية
فما اعتقد بيفيدج كتابة محادثة
الحل في كتب ترجمة لغات من الفليبيني للعربي اشتري لها تتعلم تكلمج بالعربي الكلمات الاساسية
تعالي
هاتي
اليوم
غدا
نظفي
اغسلي
من هالكلام وشوي شوي بتتعلم العاميه
ومثل ما قالت ام كوثر كلمي المكتب يفهمونها انك مقدرة غربتها وبعدها عن اهلها
بس المفروض تؤدي الواجبات اللي عليها والله يسخرها لك​

 

[فروحه]

جزاكم الله كل خير انا قبل ماستلمها من مكتب حدثتها سكرتيره انها تعمل كل ماامر به ولاكن عند وصول البيت اكتشفت العكس وليس لديها قابلبه للاطفال وانها تباشرهم فانا لااود الاتتماد عليها من ناحية الطبخ واطفالي ولاكن اود انها تباشرهم في حين انشغالي فقبل ساعه حدثت موقف وحبيت استشيركم فيه كنت اجهز وجبة حليب لابني وجلس يبكي واهي كانها لاتسمع ولاتري واوجه لها انها تباشره لحين انتها الحليب فحملته وجلس يبكي واهي لاتبالي ببكائه ولاتعتري له وهذا اامر يزعجني فكيف اومن علي اطفالي بيدها فكيف اذهب واتركم بمفردها معها

 

[فروحه]

فتنصحوني ارجعها للمكتب او انتظر عليها ببعض الوقت فاطفالي نقطة ضعفي وهذا الامر يزعجنيكيف اومن عليهم بيد من لاترحهم بوجودي فكيف بغيابي

 

[asoula al-3soul]

دقي عـ المكتب ​

 

[om deaj]

ليش تاخذون وحدة اول مرة تشتغل

وبعدين ليش تيبينها ماتعرف عربي وانتي ماتعرفين انجليزي
انا افتريت المكاتب وقريت السيرة لكل وحدة ويالله استقريت على وحدة اقل شي انها تفهم علي

رديها واخذيلج غيرها عيالج اولى ولاتعصبينها يكفينا ماسمعنا عن جرايمهم
واستودعي ابمائك قبل الخروج

اذا تقدرين تودين عيالج الحضانة افضلج وامن من الخدم وشغل البيت وزعيه على الاسبوع

 

[DO7AWE]

صح دقي عالمكتب

 

[ام كوثر2007]

حبيبتي اذا ما تبين تتبهدلين .. دقي علي المكتب وخلي السكرتيره مره ثانيه تكلمها قوليلي للسكرتيره عن سلبيات الخدامه واللى شفتيه منها .. وعطيها فرصه ثانيه .. عقب مكالمه السكرتيره اذا تسنعت خير علي خير ما تسنعت لا يبه شوفيلج وحده ثانيه ,, ,واذا انتي ما اداومين انصحج قلعي الخدم عنج وعن بيتج وجابلي شغلج بنفسج ..

 

[فروحه]

جزاكم الله خير اخواتي علي نصايحكم وان شاء الله مانشوف منهم الا كل خير فالحمد لله طلب خدامتي حماتي فلبينيه وتكلمت معاها وشرحت انها متضايقه لانها اول مره تترك ديرتها وانها حابه انها تعمل فهي تغربت من اجل ذلك ولاكنها لاتستطيع انها تباشر الاطفال مع شغل البيت فاليوم المجهود الذي بذلته بسيط بالنسبه للاعمال للخدم فهي تطلب ان يكون الغسيل بيوم والاوتي بيوم فانا شقتي صغيره وتنظيفها بسيط يعني العمل غير مكلف بالنسبه لها ولاكنها تتدمر من ضغط الشغل عليها وبماذا تنصحوني عقب حديثها مع خدامة حماتي هل اتتظر بصع ايام اوبضع اسابيع فمتي يبدا صلاح الخدامه او عدمه فخبرتي معاهم معدمه فهذي اول تجربه لي

 

[manoooram]

دقي على المكتب يتفاهمون معاها والله يعينج يارب

 

[فروحه]

ابشركم اخواتي قررت الاستغناء عنها لانها لاتصلح العمل فعيوبها اكثر من المميزات مع انه ليس لديها اية ميزه تذكر فهي وصخه لابعد حدود لااتكلم علي نظافة بيت ولاكن نظافتها شخصيه مع اني اعطيتها شامبو وكل شي ولاكنها لاتستعمل وتجلس ٣ايام لاتستحم ومعاملتها بالاطفال جدا سيئه

 

[فروحه]

فاود استشاركتم عند ارجاعها للمكتب فهل استلم مبلغ كامل لاني دفعت فيها مبلغ وقدره ام يقوم صاحب مكتب بالخصم علي

 

[ام كوثر2007]

يعتمد حبيبتي جم صار لها عندج ؟؟؟؟؟؟؟؟؟؟


واكيد بيردون لج الفلوس كامله خصوصا اذا شهر وشي يعني ..


وزين تسوين حبيبتي رديها واعتمدي علي نفسج والله دام شقتج صغيره .. عسى الله يكافينا شرهم يارب .