ارجو المساعده لابني

[شخوطه]

السلام عليكم حبايبي انا ابي اسالكم واستشيركم
عندي ولدي دخلته مدرسه خاصه ومستواه الدرسي متوسط في التعليم
مشكلتي انه مايقعد بالصف يحب يطلع يلعب واذا استأذن من المدرسه للحمام
تكرمون مايرد يقعد يفرفر لمن تخلص الحصه ............لاتقولون جاهل ولدي
بسابعه متوسطه يعني .......ولدي مافي عقله اي شيء اي بس يحب
اللعب اكثر من الدراسه ........
فحبايبي ابيكم تفيدوني بدكتوره نفسانيه وابي الرأكم
وبكون شاكره لكم:yaaaaaarb:

 

[M!SS.LOBY]

الله يحفظه لج

وان شاءالله تفرحين فيه

بس ولدج يتدلع ومايبي الدراسة شدو عليه راح يتسنع بداية مراهقته انتبهو له عدل

 

[ريتال العسل]

الله يحفظ لنا عيالنا

فترة مراهقة

اتمني يكون في تواصل بينك و بينه و بين ابوه

ورائع جدا ان يكون فيه تواصل مع الاخصائي الاجتماعي

الصبر والمراقبة بدون انفعال و الحرص

النقاش معه لمعرفة مشكلته


الله يخليه لكم
​

 

[M!SS.LOBY]

يمكن بدأ سن المراهقة عنده

 

[rose2012]

شكو دكتور نفساني مو على اقل شي تروحون للدكتور ترا مو زين للنفسيه يحسس الواحد انه مريض وغير عن الناس و يدمر ثقته بنفسه ويخليه معقد
اخوي بسابع ونفس الحركات بالضبط المدرسين كله يشتكون ماينتبه كله يستاذن و ينحاش مايحب يدرس عادي فتره مراهقه
خليه يماشي ربع شطار يسحبونه معاهم لايماشي كساله

 

[granted]

عادي المتوسط مرحلة كسر القوانين
انا بالمتوسط بديت اطوف الحصص واصارخ على الابلات وكله توقيف بالادارة وتهديد وامي الله يطولي بعمرها كل يوم الثاني منادينها وداقين عليها لعوزتها بنتج وبنتجومستواي نزل عن قبل لان الكلاس كان ثلة فاسدة ياحليلهم. الله يذكرهم بالخير
بس من دشيت الثانوي صرت احسن عن قبل وااايد
اكيد ربعة يشجعونه

 

[نوف الصقعبي]

القسوه والعنف تولد العنف والعناد صادقي ولدج جابلي رافجيه مرحلة وقت ويعقل ولدج مومريض نفسي ترى مافي شي​

 

[Shinexo]

دكتور نفسي ليش ؟

آللي يحب يلعب ومآيحب آلدرآسه هآي شي طبيعي جدآ مآله خص ف آي شي فآلنفسيه

خلي ريلج يمسك ولدج ويفهمه عدل آن آذآ بيتم يسوي هآلحركآت بينحرم من آلطلعه وآلتلفون وآلنت لين مآيستعدل ,

حرآم تكتون فلوس فآلهوآ وولدج مب مستفيد ,

لآزم يتعآقب عشآن يعرف آن كلآمكم بيصير حرفيآ مب كلآم بس ..

آنسي سآلفة دكتور نفسي لآن كلش مآله خص جذي هو بيتم على آي شي يقولج يمآ رآعيني حآلتي آلنفسيه كسيفه

آلله يهدي آلجميع

 

[جوري الصالح]

ولدج يحتــــــــاج حق دكتور نفسي او مرشـــد اجتمــــــاعي للســـــلوك

 

[نعم نعم شنو]

حبيبي دام ولدج بسن المراهقه لازم يطلّع طاقته بشي مفيد دخليه نادي خليه يفرغ كل الي عنده

وصدقيني لما يروح المدرسه يحس نفسه شبعان من اللعب

واهم شي العقاب والثواب

لو تسئلين ناس متخصصه وايد بساعدونج مثل الاستشارية التربوية أحلام خطاب يحطونها على قناة الراي

ذيك المره تكلمت عن المراهقين ببرنامج رايكم شباب وشنو الطرق الي تخلي المراهق يعاند

لازم تتجهين حق مختصين عشان تعرفين شلون تتصرفين بس ما انصحج تاخذينا معاج

انتي روحي بروحج وكتبي كل شي تقوله وطبقيه

 

[فتوشه كويتيه]

خليج متواصله مع الاداره ايدج بأيدهم وهم عاقبيه ومنعيه من الاشياء اللي يحبها وقوليله اذا بتشد حيلك بنييبلك كل اللي تبيه غير هذا ما عندنا