ارجو المساعدة ؟؟؟؟؟؟؟؟؟؟

[لين الورد]

كيفكم يااحلى بنات واحلى امهات ::::: ماطول عليكم انا سويت اختبار حمل وطلعت حامل لان الدورة متاخرة عني اسبوع وانا الحين خايفة ومرتعبة والسبب اني اخذ حبوب كبد الحوت وكمان من كم يوم سويت اشعة اكس لولدي ودخلت معاة لغرفة الاشاعة ....... ايش رايكم بحبوب الاجهاض ؟؟؟؟؟؟؟؟؟؟؟؟؟ وكيف عوارها للي جربتها ؟؟؟؟؟؟؟؟؟؟؟ومين مر عليها مثلي ردو علي بليز ولو بدعوة حلوة .........

 

[ELFAD3Ah]

اذكري الله ياختي ليش حبوب الجهاض ياساتر ناس يتمنون الطفل وانتي تبين اجهاض
انا اقول توكلي على الله وانشالله ما عليه شر الجنين

 

[بنت نااس]

والله حراام عليك تذبحين نفس بيدك

شوفي حبيبتي الله يمهل ولايهمل

اتقي الله

والله حراااااااام

بعدين ماترتاحين في حيااتك ربي يعذبك

وبعدين ليش تنزلين الطفل.....؟​

 

[قلب مغليك]

حرام وراح تاخذين ذنب اسالي دكتور يمكن ماتاثر

 

[Candel in the Desert]

اعرف ناس خذو مضادات حيويه وسوو اشعه والحمد الله الله رزقهم بالذرية السليمهه المعافاه .. توكلي على الله ولا تجهضين ولا شي

 

[الحرير]

راجعي الطبيبة افضلج هذي نصيحتي

وفكرة الاجهاض شيليها من مخج

 

[miss_Ba6oOo6a]

الحمدالله والشكر الله يتممج بعقلج
شكلج تبين الاجهاض بدون سبب

 

[خيشة شكر@]

حبيبتي سوينا اسنانا واشعه ومضادات وسافرنا طياره مع عيالنا علاج مو سياحه وتحملنا كل شيء والله رزقنا الحمدلله بتمام الخلق والخلقه وانت الله يهديج استغفري ربج يغفرلج
والف الف الف مبروووك الحمال

 

[الغـــنج]

عادي مايضر حبيبتي غيرج يتمنون ريحه الياهل اذكري ربك واستغفري بس

 

[لين الورد]

شكرا لكل اللي رد علي .....والله العظيم اني اموت بالاطفال واحبهم بس لو تدرون اشعة اكس خطيره وتسبب تشوهات للاجنه خاصة الثلاث الاشهر الاولى والله اني مرعوبه ولو خليت الحمل وما اجهضته بجلس اوسوس طول فترة الحمل مااقول الا الله يقدم اللي فيه الخير :::::::::

 

[سوسن1980]

الله يرزقك بالطفل السليم المعافى

 

[قطوووة]

حبيبتي اذكري الله ولاتوسوسين

اشعه مرة وحدة ماتأثر مافي الا كل خير

وحبوب زيت كبد الحوت ماتأثر بشي لانها دهون طبيعيه

 

[أعشقه]

استغفر الله .. يعني انتي بتصيرين اكرم من ربك ..
وش له تفكرين بها التفكير .. انتظري استشيري . مهوب الشي من راسك بس
اسالي دكتوره اخصائيه ..
لا تسوين شي بكرى تندمين عليه طول عمرك ..

 

[زين ودلال]

والله حراام عليك تذبحين نفس بيدك ​

شوفي حبيبتي الله يمهل ولايهمل ​

اتقي الله ​

والله حراااااااام ​

بعدين ماترتاحين في حيااتك ربي يعذبك ​

وبعدين ليش تنزلين الطفل.....؟​

حبيبتي اذا ماكو نبض عادي تنزله مو حرام

اذا طاف على الحمل 40 يوم اهني حرام تنزله لان صار فيه روح

 

[نـور الكويت]

استغفري ربج وتعوذي من الشيطان ولا توسوسييين ..

وقولي اللهم لك الحمد ..

 

[&هند&]

حبيبتي ما تدرين وين الخيره يمكن ربي كاتب لج الحمل الحين لسبب بالمستقبل ما تدرين شنوهو ،،،،،​

 

[ابدا يالغالي مانساك]

ذكري ربج يابنت
روحي دشي قسم تاخر الانجااااااب وشوفي شفق البناااااات
واعترف انا منهم
كل متاتخر عنا الدوره عشنا باحلام
وانتي تقتلين نفس
وربي رازقج ذكري ربج
وماراح يصير الا الربج كاتبه
وشوفي دكتورتج وخلها طمنج

 

[لين الورد]

الله يهديكم يابنات حسستوني اني مجرمه وبعدين فيه نبض بس الروح ماتنفخ فالجنين الا بعد الشهر الثالث والله اعلم ؟ المهم انا رحت للدكتورة وهزاتني وقالتلي الاشعه دي خطيرة وتاثر عالجنين وقالتلي ان تاثيرها على حسب كميتها ونسبتها ماادري وش تقصد وما رضيت تصرفلي حبوب للاجهاض تقول انة فية نبض وحجمه طبيعي ......اما دكتور الاشعه كلمته ورعبني زياده قالي انها ممكن لاسمح الله تسبب خلل في انقسامات الخلاياوتطورها في هذي المراحل من الحمل وقالي ممكن تبان التشوهات مع تقدم الحمل ؟؟؟؟؟؟والله لو تدرون بحالي كان تدعونلي من قلوبكم .........استقفر الله واتوب اليه دائما وابدا"""

 

[kookiss]

حبيبتي اذا تاثر من الاشعه ولا غيره وانتي توج حامل وصار فيه شي بينزل بروحه
سوري شقاعد تخربطين حراااااام وحده اعرفها اشعه ومضادات ولعب ومابقى شي ماسوته وتبارك الرحمن بنتها تيييب العافيه تينن
ووحده اجهضت اهيا الي تبي والله صار فيها فشل كلوي الله يبعدنا والثانيه والله مالقت الراحه بحياتها كلها مشاكل لامن اهل ولامن ريا حمدلله والشكر
وترا انتي مو ارحم من رب العالمين سامحيني بس من اسمع هالسوالف اغلي فكري بالله اول اهوا الرحمن الرحيم اوكي اسفه مرا ثانيه انفعلت

 

[لين الورد]

لاتتاسفين ياعمري والله مافي ام بالدنيا الا ودها تشوف كتاكيتها طيبين وباحسن حال ...... وترى كلامكم طمني وريحني وخفف علي .....الله يرزق كل وحدة ردت علي بالي يتمناه قلبها ’’اللهم امين "