...ارجو الرد..؟!

[مرية كوووول]

السلام عليكم حبايبي في مطبخ كويتيات..بصراحه انا استفدت وااايد من مطبخكم..وحيل عجبتني مواضيعه..
حابه اعرف طريقة عمل صينية البطاطس اللي مع جبن كرفت وتكون طبقات واللي نحطها بالفرن ..انا سمعت عنها وحابه اعرف طريقتها..ارجو الافادة وجزاكم الله الف خير على جهودكم المشكورة

 

[انا ام حمود]

ان شالله البنات يساعدونج

 

[dnyay_mll]

حياج الله بيننا
بس الطبق اللي تبينه شنو بالظبط فيه لان ماعرفته والله
سوري

 

[جارة القمر]

تفضلي طلبك::

المقاديـــــر

بطاطس تقطع دوائر
بصل مفروم
لحم مفروم
كزبره فرش مفرومه
ملح وفلفل اسود وكمون مطحونين
جبن سائل قلاص
علبةقشطه
جبن موزاريلا



الطريقــــه

نقلي البطاطس وتنشف جيدا من الزيت
نضع في قدر اللحم المفروم حتى تنشف مويته ونحط عليه البصل نحركه حتى يستوي وبعدين نحط الملح والبهارات وبعدين نحط عليه ا لكزبره ونحركه زيييييين
نجيب الصينه ونحط طبقه من البطاطس والطبقه الثانيه اللحم ونضع طبقة ثانية بطاطس
بعدين نخلط (الجبنه مع القشطه) زيييييين ونحطه على الوجه ويرش فوقها جبن موزاريلا
وتدخل الفرن وتقدم ساخنة مع السلطة



صينية البطاطس الايطالية ..~





المقادير:






5 حبات بطاطس كبيرة مقطعه حلقات مسلوقه نص سلقه
كوب ونص كريمه خفق
نص كوب جبن بارميزان + نص كوب جبن موزاريلا
لحمه مفرومه مسبكه
سمنه او زبده





ومقادير اللحمه :





بصله كبيرة مطحونه خشن
فلفل رومي مقطع مكعبات صغيرة
نص ملعقه ثوم مطحون
نص باكيت معجون صلصه
حبه طماطم مطحونه
بهارات مشكله وملح وفلفل اسود وكمون
بهارات ايطاليه



الطريقه:




اولا نجهز اللحمه المفرومه
بتحميس البصل والثوم بالزيده
ثم نضع الصلصه والطماطم ثم اللحمه المفرومه
ثم البهارات
ثم البهارات الايطاليه ثم الفلفل الرومي
ونتركها حتى تستوي وتتسبك










نحضر صينيه الفرن
وندهنها بالسمن او الزبده











ثم نرص نص كميه البطاطس











ثم نوزع اللحمه المفرومه
ثم نرش كميه من الجبن









ثم نضع الكميه الثانيه من البطاطس











ونوزع الكريمه المخلوطه بقليل من الملح ولفلفل الاسود
ثم نرش باقي كميه الجبن
وتدخل الفرن بدون غطاء
حتى تجف الكريمه وتستوي









وتقدم مع المايونيز والسلطه الخضراء والشطه










منقوووووووووووووووووول

 

[جارة القمر]

المقاديـر :

1_ بطاطس مسلوق

2_ لحـم مفروم

3_خلطة البشاميل المعروفه

4_شرائح جبن


الطـــــــريقه :_

نهرس البطاطس بعد منكون سلقناهـ ع النار ،، وطبعآ ماننسى المــــــلح وانتي تهرسينه رشي الملح حسب المقدآر المطلوب

ملعقة حـليب تذوبينها في الماء وتكبينها على البطاطس وتخليطنهم مع بعض

وتضعين اللحم المفروم على النار وتحركينه لين تنشف مويته

بعدين طلعيه بصحن لحاله ،، وحمري البصل والثوم ورجعي اللحم المفروم عليه ولاتنسين الملح والبهارات على اللحم المفروم قلبيه شويه على النار وبعدين شيليه

وبعدين تسوين خلطة البشاميل المعروفه <<<<< عجازهـ ماتبي تقولها

جيبي الصينيه وضعي طبقة البطاطس وطبقة لحم مفروم وضعي فوق اللحم المفروم قليل من البشاميل وقطع الجبن أي نوع جبن ابشريه ولاقطعيه فوق اللحم المفروم ..




وبعدين طبقه ثانيه من البطاطس وبعدين طبقة لحم وبعدين طبقة البشاميل توزعينها على كل الصينيه وتضعين فوقها شريحتين من الجبن والبقدونــــس

وبس حطيها بالفرن نص ساعه وبــــــس وبالهناء والعافيه يارب

وهــــــــــــــــــــذي الصورهـ النهائيه للطبخــــــه