ارجووو معاونتكم لي في اختيار تخصص مطلوب وقوي :(

[Banoota 3asal]

السلام عليكم ورحمة الله وبركااته

شلوونكم بناات

ابي شوووركم وراااايكم وياريييييييييت ((كلكممممممم)) تردون علي بخبرتكم او
معرفتكم بالوظايف والمعاشات والتخصصات الي لها مستقبل
مابي ادش تخصص واتفاجا لما اتخرج بمحدوودية الوظايف وقلتها

انا ادبي

وان شالله بدش جامعة الكويت بعون الله

والي ببالي لحد الحين 3 كليات بتخصصات مختلفه




1- العلوم الاداريه : ادارة اعمال - تسويق

2- العلوم الاجتماعيه : علوم سياسيه - علم نفس - علم اجتماع

3- الاداب : انجليزي



اتمنى منكم افادتي ولو بالشي القلييييل
ابي ارشادكم ورايكم
بالي تعرفونه وتسمعوونه واذا تعرفون احد متخرج وخالص بالمكان الفلاني ولا العلاني


وانطر ردوووودكم على احر من الجمر
التسجيل 4 يوليو ان شالله فلازم اعرف من الحين شنو الاحسن

وبانتظاااركم وعسى الله يوفقكم وييييييييين مارحتوا ويحقق مرادكم

 

[So MuCh PaIn]

الصراحة اللي اعرفه آداب انجليزي بعدين تصيرين مدرسه اما التخصصات الثانية ما اعرف واتمنى اني فدتج وعسى الله يوفقج يارب

 

[love-latee]

اذا بتروحين علوم ادارية ماعلى المحاسبة
وبالتوفيق

 

[زبــــــــدة]

ادارة الاعمال ...تخصصي

بكل مكان مطلوب ..

ومبرووووووك التخرج ..

 

[فرزاشيهـ]

علوم اداريه تسويق marking موووشي لاا اذا تبين دشي محااسبه او ادارة اعمال هذوول اقوى تخصصين و الاداب وظيفتين بس مدرسه او مترجمه بسفاره ! سوو اذا انتي ماتحبين التدريس انصحج بادراة الاعمال وايد حلو هالتخصص و كل الوزارات يبون التخصص هذا ،.موفقهـ..،~

 

[fri2010]

كل التخصصات اللي اخترتيها حلوه ولها مستقبل

بس انتي شوفي ميولج وين

 

[honey lust]

دشي اداريه محاسبه كل مكان يبوونج نصيحه مني و لهم كادر

 

[مــلاك]

اداره اعمال حلو وماشي بكل مكان واداب انجليزي حلو حق تدريس والله يوفقج

 

[شاعرهـ]

انزين عطيني معلومات عنج شوية وجاوبي عالاسئلة

كويتية انتي ؟؟

تبين وظيفة اختلاط عادي ؟؟

تحبين الانجليزي ؟؟

تحبين التدريس ؟؟

جريئة والا خجولة ؟؟



ومبروك التخرج حبيبتي

 

[قهوه ساده]

مبروك التخرج اختي
ادارة اعمال المرتبه الاولى والمحاسبه ماشالله بكل مكان مطلوبين
الانجليزي اذا تبين التدريس نفس ماقالولج البنات
وخري وابعدي عن الحقوق تخصص قوي لكن للاسف بكل مكان اكتفاء هذا غير الفرق والظلم بالكوادر

 

[kuwaitya-frawla]

شوفي ميولج اذا ودج بالتدريس دشي انجليزي اداب لانه حلوه مميزاتهم عطله 3 شهوووور ومعاش قوي 850


او دشي محاسبه علوم اداريه لانه تخصص قوي ومرغوب


و اخيرا ادارة اعمال هم مرغوب بس شغل وكد

 

[nnie]

علوم ادارية تسوييق صار الطلب عليها مو وايد بس انصحك بادارة اعمال اقتصاد مطلوبة ولها مستقبل وظيفي حلو
و هم اداب انجليزي وايد حلو بتصرين مدرسة او مترجمة
و على فكرة انا بعد ادبي و توني خلصت بدش تقنية معلومات و حوسبة ان شاء الله هم بعد لها مستقبل وظيفي رائع بس انا بس الجامعة المفتوحة لأني مصرية

 

[كشخة عروس]

ادارة اعمال ومحاسبه اقوي شي
بالتوفيق

 

[nonosha]

تخصصات ادارية مطلوبة واييد وهم الانجليزي
بس علوم سياسة وخصوصا بنات ماله مستقبل الا الخارجية وصعب التوظيف هناك مو قاعدين ياخذون بنات وايدد
وعموما تخصصات علوم اجتماعية مالهم مميزات وايد
وبالتوفيق

 

[Banoota 3asal]

اولا عسى الله يوفقكم وين مارحتوا على ردووودكم الي ترد النفس
واسال الله يسدد دربكم


وثانيا :
So much pain

انجليزي معقوله بس سفاره او تدريس؟ مالا مكان بالوزارات ولا شي؟


Lovee Late

المحاسبه شوي صعبه علي لان فيها رياضيات وانا كوني ادبي ماعندي خلفيه قويه فيه
فاخاف اتعثر لاسمح الله
فحبيت اداره اعمال اكثر بالعلوم الاداريه واوخر عن المحاسبه

فشرايج باداره الاعمال؟



زبـــده
وشهد شاهد من اهلها ^^
حيااج الله
هاا قوليلي تخرجتي ولالا؟

بليز ابي تفاصيل التخصص ماعليج امر
يعني شلون الوظيفه والمعاش؟ اقدر بالوزارات والشركات الخاصه بعد ؟ يعني هل المجالات مفتوحه لي؟
وجم المعاش تقريبي؟
وهل ياخذونه تربيه بعد؟؟


فرازشيــهـ
جزاج الله الف خير
التسويق مومطلوب؟ غريبه قالولي حلو ومطلوب؟
عشان جذي انا بتاكد من ناس already هناك وعندهم خلفيه
اداره اعمال شلون صايره وظايفهم؟
والانجليزي ماكو مجال بوزارات ترجمه شي؟


fri2010
والله كلهم اوكي بالنسبه لي
بس ابي شي له مستقبل ومجالاته مفتوحه مو محدوده عرفتي


Honey
اي بس انا ادبي خلفيتي بالرياضيات مو ذات الزود فاخاف اتمشكل بعدين
ففضلت اداره اعمال


ملاك
اي بس ابي اعرف مجالات كل واحد ومعاشهم وجذي
ومشكووره ^^



شاعرهـ
من عيووني ياقلبي


كويتية انتي ؟؟
اي

تبين وظيفة اختلاط عادي ؟؟
اي عادي يعني بس مو الي مسخره


تحبين الانجليزي ؟؟
وايد ولله الحمد

تحبين التدريس ؟؟
عادي بس مابي تخصص يحكرني بس تدريس عرفتي

جريئة والا خجولة ؟؟
اتوقع انا اميل الى الخجل شوي :$ بس عادي يعني اتأقلم ان شالله


ومبروك التخرج حبيبتي
يبااارك بحيااااتج :*



قهوه ساده
ربي يبارك بحياتج
صج الحقوق لا؟ قالو له مستقبل واصير باحثه ومادري شنو؟؟
اداره اعمال اي بس محاسبه ببعد عنها
بس بعرف تفاصيل اكثر عن اداره الاعمال
وانجليزي حلو بس ابي يكون لي خيارات اكثر بمجالات التوظيف


Kuwaitya
اداره اعمال كد؟ شلون؟ بس يسوى ولالا؟
اما محاسبه ببعد عنه كوني ادبي
اما انجليزي حلو بس مابي يحكرني بي تدريس ابي مجالات مفتوحه عرفتي

nnie
اداره الاعمال شلون طبيعه الوظيفه والمعاش ووين؟
وانجليزي يا مدرسه او مترجمه بس؟؟

وعلى البرررركه التخرج
شمعنى اخترتي هالتخصص خل مرغووب بعد؟؟
وربي يوفقج يارب



كشخه عروس
اداره الاعمال حلو بس بعرف وين ممن اتوظف؟


nonosha
الاداريه وين طاليبنها مثلا ابي اعرف المجالات؟

وصج علوم سياسيه ماله مستقبل؟
وشلون علم نفس و اجتماع؟




ومشكووورين وعسى الله يبارك بحياتكم
واتمنى منكم اجابات اكثرررر قبل التسجيييييييييل

:*

 

[nonosha]

nonosha
الاداريه وين طاليبنها مثلا ابي اعرف المجالات؟

وصج علوم سياسيه ماله مستقبل؟
وشلون علم نفس و اجتماع؟



شوفي انا راح اكلمج عن تخصص تمويل ومحاسبة بما اني خريجة تمويل واغلب رفيجاتي محاسبة
باجي تخصصات ادارية ماكنت انتبه على اعلاناتهم وايد الصراحة ...

من تخرجت صارلي سنة وشوي
اللي اطلبوا التخصص
صندوق التنمية (تمويل )
ديوان المحاسبة(تمويل-محاسبة)
النفط (تمويل-محاسبة)
البنك المركزي(تمويل-محاسبة)
ادارة الخبرة (محاسبة)
بنك التسليف (محاسبة)
وكل البنوك يبون تخصصات ادارية
وطبعا الوزارات


وعلوم سياسية مثل ما قتلج مجاله بس الخارجية الللي زين له وصعب التوظيف للبنات
اللي اعرفه بعلوم اجتماعية في تخصص خدمة اجتماعية .. اللي يصيرون اخصائية اجتماعية
وبالنسبة لعلم نفس يصيرون اخصائية نفسية يقبلونهم بالشؤون والله مااعرف واايد عنهم سالي بنات متخرجين احسن
بس اكيد ادارية احسن مايبله كلام مجالات ادارية اكثر

الله يوفقج

 

[Banoota 3asal]

nonosha


عسى الله يوفقج وين مارحتي قولي امييييين

افدتيني والله اول مره اسمع عن التمويل
شلونه؟ يبيله رياضيات؟ لاني ادبي ماعندي خلفيه رياضيات

وشلون معاشات هالاماكن الي قلتيهم؟ وهل اهما حكومه ولا خاصه؟ لان ماعرف وايد بهالمواضيع :\
محتاااجه ارشادج بليز

والوزارات محتاجه هالتخصصات بعد؟


وعسى الله يااااجرج :*

 

[شاعرهـ]

بعد عمري والله


نصيحتي لج ابتعدي عن الادارية مو شي وشغلهم ماراح يكون مريح بنوك دوامين وملل بصراحة



اداب انجليزي وايد حلو مو شرط تدرسين عندج كذا مجال

علوم اجتماعية بعد حلو


ممكن تصيرين اخصائية اجتماعية في مدارس او مستشفيات وشغلهم مريح اذا انت تفكرين بالراحة فالدوام

وعلم النفس بعد نفس الاجتماع اما تشتغلين فمدرسة وبتكونين وايد مرتاحة او تشتغلين فمستشفيات


انا لو يرد فيني الزمن جان دخلت علم اجتماع او انجليزي

موفقة حبيبتي

 

[nonosha]

nonosha


عسى الله يوفقج وين مارحتي قولي امييييين

افدتيني والله اول مره اسمع عن التمويل
شلونه؟ يبيله رياضيات؟ لاني ادبي ماعندي خلفيه رياضيات

وشلون معاشات هالاماكن الي قلتيهم؟ وهل اهما حكومه ولا خاصه؟ لان ماعرف وايد بهالمواضيع :\
محتاااجه ارشادج بليز

مشكورة ما قصرتي على الدعاء
شوفي اول شي بكلمج عن ادارية عموما اذا كنتي يابه بالقدرات زين ما تاخذين تمهيدي رياضيات
بس اذا لا تاخذين تمهيدي رياضيات .. وفي رياضيات 110... واحصاء 1 واحصاء 2
هذي حق كل تخصصات ادارية سواء ادارة اعمال او محاسبة او اي تخصص ثاني

وفي تقريبا 10 مواد اهيا اللي تفرق من تخصص لي تخصص باجي المواد نفسها
وبالنسبة للتمويل فيها شوي احصاء ... والمحاسبة ترا مو نفس الرياضيات كلش
يعني ماله شغل في وايد بنات دشوا محاسبة او تمويل وكانوا ادبي وماكان صعب وايد عليهم لان ترا اهوا حسابات بسيطة بالاله مو اشياء معقدة مو عبالج محاسبة يعني رياضيات
انا عن نفسي دشيت ادارية وما كنت عارفه شنو اتخصص ومااعرف احد قبلي داش
فخذيت المواد اول شي .. ادارة اعمال .. تسويق.. محاسبة .. تمويل .. اقتصاد.. نظم معلومات.. تحليل كمي في الادراة
واكثر شي حبيته تمويل وسالت على الاماكن اللي تقبله وشفت ان زين فعقبها تخصصته


وثاني شي كل الوزارات تحتاج تخصصات العلوم الادراية
والمعاش بالنسبة للوزرات - اللي مافيها كادر
كل تخصصات ادارية بحدود 770
ما عدا محاسبة زيادة 60 يعني 830
بس الاماكن اللي قتلج عليهم تعتبر حكومية بس هيئات مستقلة فماعاشتهم اكثر
يعني ديوان المحاسبة من 1000-1500 معاشات ادارية
النفط بحدود 1000
بنك لتسيلف بحدود 900
وزارة المالية بعد معاشاتهم قويه
وهم البنوك تاخذ وتقريبا معشاتهم 900 وشوي

بس السؤال الاهم انتي وين شايفه نفسج ؟؟؟
وين حابه تشتغلين عقب ؟
وشنو اللي تحبين تدرسينه

موفقة

 

[nonosha]

انا قتلج عن ادارية ... الوزارات البنوك يبونه .. وفوق هذا الهيئات اللي ذكرتلج اياها ..


فانتي شوفي شنو حابه
واي شي تبين عن ادارية ساليني باجي الاماكن مااقدر افيدج وايد
وموفقة
ومو تنسين تستخيرين