ارجوكم ياامهات ساعدوني بنتي ماتاكل ابد؟؟؟

[لورا2008]

السلام عيكم ورحمة الله وبركاته.....

ارجوكم من عندها خلفية عن الموضوع او خبرة تفيدني
بنتي عمرها سنه وثلاث اشهر وماتاكل ولااا شي واذا اكلت تاكل علبة زبادي وتقعد عليها اليوم بطوله وباليل رضعات صناعيه عرضتها على الدكتور وقال يمكن معاها فقر دم بسوى لها يوم الاحد بنات انا من الولاده كنت اعطيها حليب سميلاك وتوه من شهر غيرتها لهاقمت اعطيها حليب بروجرس3 يمكن تغير الحليب له تاثير على الاكل جربت معها كل الاكلات وكل الطرق ومافي نتيجه ارجوكم افيدوني:eh_s(10):,,, ​

__________________​

 

[توته شيطونه]

اي اكيد له تاثير حبوبه لازم اللي استخدمتيه لها يا ه هو اللي تستخدمينه علي طووول ليش التغير مدام الحليب كان زين

وعن انها ما تاكل شوفي حبوبه ساحليها اي بالمساحل راح تاكل انا جذي بنتي كانت ما تاكل بعدين شوي شوي بالمساحل تاكل

 

[ام زهره]

دام تشرب حليب لاتحاتين
دايما الاطباء ينصحون في حليب بديا شور يفتح الشهية
او عطيها فيتامينات عشان تنفتح شهيتها لاتخلينها جذي
صح فقر الدم يفقد شهية الياهل ويخليه عسر بنتي كان فيها فقر دم وماكنت ادري فكانت ماتشتهي ومافيها حيل بس لاتحاتين علاجة بسيط
الله يخليها ان شاء الله

 

[ندو السبيعي]

رد : ارجوكم ياامهات ساعدوني بنتي ماتاكل ابد؟؟؟

هلا حبيبتي حطي لها بالرضعات مشهي وفيتامينات تعوضها عن الاكل كله موجود بالصيدليه

 

[فديت ولدي]

نفس ولدى لاياكل ولايرضع متعبنى الله يعين

 

[جذابه بنت ذيابه]

رد : ارجوكم ياامهات ساعدوني بنتي ماتاكل ابد؟؟؟

اعرضيها على دكتور وسوي لها تحاليل شامله


ودايم شجعيها على الاكل

 

[اوراق التوت]

رد : ارجوكم ياامهات ساعدوني بنتي ماتاكل ابد؟؟؟

هلا اختى انا كنت اعاني نفس مشكلتك والله كنت بعض الاحيان اوصل لمرحلة اني ابكي من قهري عليها بس سمعت نصيحة والحمدلله نفعت معاي انا وقفت لها الرضاعة وصرت اعطيها الحليب بكوب واذا مارضيت له كنت اخد لها حليب كي دي دي او اي حليب للاطفال والحمدلله بعد ماوقفتها صارت تاكل زين

 

[الأميرة جوري]

رد : ارجوكم ياامهات ساعدوني بنتي ماتاكل ابد؟؟؟

سيميلاك وايد زين ..........انا كنت نفسج اعاني بس لاحظت اذا طلعتها برا البيت واو رحنا مطعم وتاكل لانها تشوف وتستانس وتاكل انتى شوفي دمها اذا زين اتبعي طريقتي يعني اقل شي مرتين بالاسبوع علي ماتعود وتتوسع معدتها ... بعدها مو لازم طلعينها

 

[دمـــوع]

انا نفس حالتج بنتي اصغيره 6 شهور والله ماتاكل ولا تشرب الحليب
قمت اعطيها سيليلاك وماكو فايده
حالها صارت اضعيفه
تكسر خاطري وومادري شنو اسويلهااا

 

[UMSAROON]

نفس المشكله اعاني منها, ولدي عمره 4 سنوات وماياكل بس يشرب واضعيف واصفر حتى ابلته بالمدرسه املاحظه انه مافيه طاقه ولا نشاط
ودي اعرضه على دكتور بس مادري وين اروح؟

 

[حظ من عنده انا]

رد : ارجوكم ياامهات ساعدوني بنتي ماتاكل ابد؟؟؟

يمكن بنتج تطلع سنون عشان جذي ماتشتهي

انا كنت مثلج واخر شي اكتشفت انها تسنن

حرام كسرت خاطري وانا بس همي ابيها تمتن

اشتريلها سبروفيتا شراب روعه فيتامينا ومشهي

وبعد شراب زيت كبد الحوت للاطفال روعه

وبديا شور مكمل غذائي قلاص بعد الاكل

 

[لورا2008]

مشكورين بنات فديتكم ماقصرتو وديتها المستشفى وسويتلها تحليل دم حق فقر الدم الحمدالله مافيها شىء بس الظاهر من الحليب لانى غيرته سالت الدكتور قال يمكن من الحليب بس خلاص برجعها على حليب سميلاك او على قولت الاخت حظ من عنده انا يمكن من التسنين لان لحظت انها بعد قاعده تسنن