ارجوكم مساعده بنات حدي متضايقه

[Omhamood]

شلونكم بنات

بقولكم سالفتي الي مضيقه خلقي.

انا بركب تقويم اسنان واخترت اركب الشفاف ماحبيت الحديد كلش

المهم رحت حق دكتور خالد الكندري عقد مدح البنات اول موعد اخذ مني 150

وقالي تعالي الاسبوع الياي اخذ مقاسات اسنانج ورحت وخذا المقاسات عشان يطرشهم برا يسولي القوالب

لاهني اوكيه دق علي رحت قالوا يت النتيجه و رواني خطه العلاج والقوالب الشفافه ووافقت ودفعت 150 عشان

وقالي روحي واحنا ندق عليج متي ماوصلوا القوالب الحين ووين المشكله المشكله سلمكم الله عورني ضرسي من جم يوم

ورحت عشان اسويه وسويته بالمستوصف قالي الدكتور مسوس واهو وجم ضرس عندج لازم تسوينهم وضرس العقل. عندج

لازم له خلع جراحي انصدمت بنات مقدر اشيل اخاف تغير مقاسات اسناني ومايركب التقويم علي

قلت هالحجي حق الدكتور قالي شلون اتركبين تقويم علي اسنان مسوسه سكت ماعرفت شرد ورحت سالت بنت حماي دكتوة

اسنان قالتلي نفس الحجي بنات اشلون عيل الدكتور مانتبه مع انه شاطر والحين حدي محتاره اسويهم وله لا اخاف تغير

مقاسات اسناني ويدفعوني فلوس زياده واخاف اطنش اتفاقم المشكله شوروا علي شسوي بنت حماي قالتلي سويهم يالله

تروحيله وخليه ينصدم انتم شرايكم ومنو مرت بحاله مثلي تفيدي


وبدعيلها من قلب

 

[عتآق الخيل]

قدآمك العافيه
up.~

 

[Omhamood]

ليش ولارد بنات شدعوه عليكم

 

[فيروز خانوم]

غريبه عاد دكتور خالد شاطر
خاف العياده الثانيه بيتربحون منك
انا ذاك اليوم جذي رحت حق عياده وقالولي عندج سوس استغربت لاني حيييل اهتم باسناني اشلون يصير فيهم سوس ولما رحت لعيادتي قال الدكتور اسنانك سليمه ومافيها شي اهم يقصون عليج بياخذون منج فلوس

 

[Omhamood]

فيروز خامن حبيبتي

اسعدني مرورج العياده الي رخت لها حكوميه يعني مومعقوله يتربحرن مني

انتي تراجعين عند الدكتور خالد ؟؟؟ شرايج في اكمل عنده وشنو نوع تقويمج حبيبتي

 

[Omhamood]

وطوف ا البدليات شابكه من الفون

 

[Vous jamais]

انزين ليش ما تروحين حق الدكتور اللي سوالج تقويم

و تحطينه بالصورة عشان عقب ما يلومج

 

[ظبية بوظبي]

والله يا حبيبتي الغلط منه
مب منج
هو المفروض يسوي شيك اب على كل شي فيج واذا فيج اي مشكله يعالجها وعقب يسوي لج تقويم
وهذا نهج كل الدكاتره

عالجي اسنانج وخليه يسوي قالب جديد لج
ومعروف ان الدكاتره لازم يعالجون تسوس الاسنان قبل لا يسون التقويم عشان لا ينتشر و وصل للعصب وتعتفس البقعه
يلا سيده اليوم اول ما تقومين دقي عليه خليه يكنسل طلبيه القوالب عشان يرد ياخذ مقاساتج من اول وجديد
وان حتى سوا القوالب
عادي خليه يسوي واحد ثاني ومن غير لا تدفعين له شي غلطته مب غلطتج

 

[فيروز خانوم]

هلا اختي لا عادي فهمتج بدلي علي كيفج ههههه
انا بصراحه ماعمري راجعت عند دكتور خالد بس اعرف ناس اتراجع عنده وتمدحه وبعدين انا مااثق بالحكومه ولا بفحصهم يمكن دكتور جديد بيجرب فيج
عالعموم انا موراعيه تقويم انا مسويه فينير ومفتكه الحمدلله
بس بعد روحي لدكتور خالد وقولي له ان دكتور ثاني قالي فيج سوس وخليه يتاكد والله يسهل لج

 

[كـــــآترينـــآ]

،.


مآتتغيير مقآسآت اسنانج الا اذا سويتي شلع لضرس العقل
وضرس العقل لاتشلعينه الحين خليه بعد ماتشيلين التقويم
اما السوس والحشوات عآدي سوي حشوات وعالجي السوس
ولاتتضايقين حبوبه ...~



.
.​