ارجوكم شورو علي بليزززززززززززز

[bnt-q8]

السلام عليكم ورحمه الله وبركاته


اخواتي اريد استشيركم في موضوع
انا مطلقه من زمان
والحين تقدم لي شاب عمره في منتصف الثلاثينات ولاكن متزوج وعنده بنت وولد
بس زوجته طالبه الطلاق ولاكن ماتم الطلاق والرجال اخلاقه ماشاءالله كثير ناس مدحو في اخلاقه وصلاته وانا حاسه العله في زوجته مو فيه اهو

ولاكن محتاره يااخوات خصوصا انا مطلقه وماعندي اولاد

حبيت اشتشركم في هلموضوع تنصحوني اقبل فيه ..ومن الحين الي بتقول خليه ايطلق زوجته بالاول فاانا مستحيل اسويها ماحب اخرب بيت .. اذا اهو طلق ولا سلامته
انا استخرت وحاسه اني مرتاحه بس جدا خائفه من زوجته مدري يطلقها والا لا ؟؟ مدري كلامه جد ؟؟ وجدا خائفه من الحياه الجديده .
ارجوكم دلوووووني
واهو من رجال الكويت المشهود له بالاخلاق ماشاءالله

 

[حلوه ولمآحه]

تستخيري حبيبتي الله يوفقج ،~

 

[سارووونه22]

الله يكتب لج الي فيه الخير دام استخرتي وارتحتي توكلي على رب العباد وانشالله ربي يتمم عليج

 

[جديده 1]

استخيري و توكلي على الله .. و اسأليه ليش بتطلق .. ترى بعض الرياييل يقولون زوجتي طالبه الطلاق و اهو جذب بس عشان ترضى اللي بتاخذه فتأكدي من هالناحيه .

 

[ملاذ]

شوفي اختي انا راح اكون معاك صريحه جدا..

اولا انتي مطلقه وطبعا العيب يمكن مو منك من طليقك بس انتي تعرفين اغلب المطلقات والارامل ماياخذون واحد غير متزوج يامطلق وعنده عيال او ارمل او متزوج يعني نادرا المطلقه تاخذ شاب لم يسبق له الزواج هذا مجتمعنا ماندري وش نسوي فيه

الحين البنات وهم بنات مو لاقين زوج ..واللي تقدم لك شكله ماشاء الله عليه حتى يمكن عمره مقارب لك وترى الفرصه ماتجي الا مره وحده ولو رفضتي يمكن مايجيك الا واحد كبيرفي السن لان الشباب مايحبون التعدد ..

وبالنسبه لزوجته يمكن هي قالت طلقني كنوع من التهديد له ,, واذا هي بتخرب حياتها بنفسها كيفها ..كل يدور مصلحته

وبعض البنات اللي بيقولون حرام عليك تخربين حياتها ,, اقولك انتي بتتزوجين على سنه الله ورسوله ماراح تسوين شي حرام ,,لان الزواج لو فيه خراب وتدمير بيوت كان الشرع ماحلله , وانتي استخرتي وارتحتي .خلاص توكلي على الله ..احسن ماتاخذين واحد عنده كومة عيال ,,والمصاريف عنده كثيره ,,وبالتوفيق لك

 

[أم_روضة]

الغالية حطي في بالج انه هو ما بيطلق وحتى لو عاندت حرمته بعد فترة راح اترد الامور عادية وابني هالشي على نفسج يعني بتكونين الزوجة الثانية

اذا كنتي قادرة انج اتعشين مع نص زوج وهذا اذا كان عادل بهالشي واغلب الا اكثر الرياييل مب عادلين يعني بتمر الايام وعادي بيرد لها ويمكن يحبها اكثر

يعني حطي في بالج كل هالاحتمالات

ولا اضايقين نفسج اذا راح اهناك ولا سوا لهم ومن هالسوالف واذا طلع اعياله وغيرها وغيره لا خلي في بالج انج بتعشين مع ريل وعيشي حياتج بدون مقارنات هذا اذا تبين السعادة لنفسج

اما اذا وافقتي وقلتي له طلق ومن هالسوالف ما راح يطلق حتى لو طول وبتمين انتي بصراع مع نفسج ولازم اتموتين الغيرة اللي فيج حطي هالشي في بالج

وصلي استخارة واتوكلي والله يوفقج بحياتج

 

[نفهمها صح]

نفس البنات حطي بالك انها ترجع اوو مترجع
يعني كل الاحتمالات واذا انتي مرتاحه الله يسر امرج

 

[THE HONEY]

بصراحه لو انا مكانج ما اوافق وانطر الاحسن اييني

وموفقه حبيبتي :**

 

[غـرامـي أنـت]

الله يووفقك ويكتب لك اللي فيه الخييير

 

[شقرديه كيوت]

دام اخلاقه زينه وافقي وتوكلي ع الله

 

[! بــدويه وآآيــد !]

،

ويمكن تكون زوجته عايفته وهو مشكلجي ومايبي يطلق ويبي يحر قلبها انه تزوج عليها؟ ويبيج انتي الآله الي يحرها فيها
دام انه زين وحسيته ملاك من كلامج ليش ماطلق وماتم الطلاق ؟
انا اقول الحريم مايخفى عليهم شي روحوا اسألوا عنه من مره لي مره وتعرفون السبب او توصلون لـ نص الحقيقه وتعرفون شسالفته
واذا زين توكلي على الله
الله يكتب لج الي فيه الخير

 

[ام زهقانه]

ما ادري شقول استخيري بعد الفجر يمكن الله كتبلك خير

 

[أم توتو]

استخيري حبيبتي والله يسهل عليج

 

[استاهل الصيت]

الله يووفقك ويكتب لك اللي فيه الخييير

 

[زوجه حبيبي]

حبيبتي مثل ماقالوا البنات استخيري واذا ارتحتي توكلي على الله ووافقي الفرصه مو كل مره تجي للوحده مدامه رجال طيب واخلاق وش يردك وحنا يالحريم نعرف بعض تمام الوحده تهمل بزوجها وبيتها واذا قال بتزوج قالت طلقني احتمال هذا حالها مع زوجها عشان كذا بيتزوج ولكن حطي ببالك انك زوجه ثانيه وتقبلي الوضع
ومدام انك حاطه ببالك انك ماتبني حياتك ع خراب حياة غيرك ان شاء الله ينكتب لك التوفيق والسعاده
حبيبتي ماراح انساكي من الدعاء

 

[الشيخة@]

الله يعطيش مرادش
نفس ماقالوالخوات
الله المستعان

 

[رماد وظل]

ربي يكتب لك الخيرر

 

[bnt-q8]

اشكركم ياااخواتي

 

[bnt-q8]

ااااااب

 

[alhnan]

لاحد يقص عليح ويقولج تعاسة غييرج
عمره تعدد الزوجات ماكان تعاسه لا للاولى ولا الثانيه
اذا زين ومرتاحه له اخذيه توكلي على الله كافي انج مطلقه حمدي ربج جتج فرصه بنات غفي بيوت اهلهم ما انطق بابهم