ارجوكم اني وقعت بين حيره من امري ؟؟؟

[فتون7]

السلام عليكم



شلونكم بنات







بنات انا صارلي داشه خامس سنه زواج وقلت لكم اني مسويه تلقيح صناعي وهذي اول مره اسويها بحياتي بس انا
بصراحه مادري احس اني تسرعت لان احس الام بالظهر موطبيعي وفوق هذا عوار اسفل البطن صوب الرحم والحين صارلي من بداية التلقيح لليوم 11 يوم وباقي على تحليلي 4 ايام وانا بصراحه جبت الشريط وحللت طلعت موحامل واحس اني خايفه اقول لزوجي يتضايق او شي بس الالام لا زالت موجوده والعوار قاعد يزيد وباقي على الدوره تقريبا اسبوع تكفون منو جربت شريط الحمل وطلع ماكو ولما حللت دم طلع اوكي شاركوني وافيدوني بصراحه محتاره ؟؟؟؟؟؟؟؟​

 

[نجوم الثريا]

ان شاءالله انج حاامل بس لاا تحاتين وكلي امرج لله ..

بس اصبري شوي دام باقي على دورتج تقريبا اسبوع نطري اسبوع وحللي دم يبين اكثر وان شاءالله حاامل ..

 

[أم لولووأخواتها]

التحليل المنزلي ما يبين الحمل مبجر .... أحتمال معطيج نتيجه غلط...ريحي ولا تعبين نفسج
وبعد 4 أيام حللي هرموني أضمن و الله يرزقج يا رب ولا يخيب تعبج وتفرحينا إنشالله
ولا تقولين لزوجج إنج حللتي نطري الهرموني أحسن

 

[سارووه الاموره]

ان شاء الله حااااااااااامل

 

[عيون مسقط]

هلا أختي

إنتي لو مالبداية مصارحة زوجج بالموضوع كان أحسن ،لا تسوين شي من وراه وعقب يعرف من غيرج .. وألحين أنا راي من راي الأخوات ، نطري حبيبتي ولا تسوين أي تحليل إلا لمن أطوفين موعد الدورة على الأقل بـ 4 أيام ، عشان تتأكدين من النتيجة عدل ، ولا تضمني كل أنواع التحليل المنزلي لأنه بعضها ما تنفع

أنا همن ما حملت صارلي مدة طويلة ، تقريباً خمس سنين وقبلها كنت أستعمل حبوب منع الحمل وكان زوجي يعرف ، وقفت الحبوب من أربع سنين ، وما يبت عيال من بعدها رحت أتعالج بمكانين وهم أكدولي إن كل شي فيج طبيعي ورحمج أوكي وهمن المبايض إنتاجها ما شاء الله ، يعني ما فيني شي ، حتى ريلي خليته يسوي تحليل وطلع كل شي عنده أوكي ، والدور والباقي علي أناااا ، رغم إني بخير ، فقلت أوقف علاج وما أبي أوصل للتلقيح الإصطناعي بعد ما أقنعني زوجي وقالي خله يي طبيعي وكله خير من رب العالمين والحمدلله إرتحت شوي

عندي بنت وولد والولد الحين كمل 10 سنين وما يبت من بعده والحمدلله على النعمة

 

[مشغول وشاغلنى]

ليش متحسفه يااختي بالعكس انا اشوف انج حيل طولتي

وان شالله انج حااااااااااااااامل يالغاليه وتون الناس علي التحليل انطري بعد اسبوع وحللي هرمون

 

[المزه]

الله يرقج بالذريه قولي آمين

 

[~{.. روج احمر]

يا حبيبتي


تحليل الحمل المنزلي

مودايم يضبط وانتي استعجلتي سويتيه بدري


انطري لين موعد دورتج وحللي



الله يرزقنا ويرزقج يارب بالذريه الصالحه

 

[GuMmy BeaR]

حبيبتي قبل 3 سنين حملت بس اجهضت بس قبل لا ادري انه اجهاض رحت حللت دم طلع ايجابي واستانست وكنت خاشه عندي تحليل البول المنزلي وجربته عقب تأخر الدورة ب 6 ايام وتتوقعين شنو طلع؟ طلع سلبي على الرغم من اني كنت حامل .. لكن للاسف اسقطت عقبه بشهر بس حبيت اقولج لا تتحبطين والبول مو مضمون

 

[فتون7]

يامال العافيه ماتقصرون وربي يرزق كل محرومه انشالله بالذريه الصالحه

بس المشكله فعلا انا تسرعت وجبت التحليل ياعساه مومضبوط بس لو اقولكم شغله بصراحه تو طلعت علامه بنيه بوجهي بين الشفايف والخشم مثل مكان الغمازه بس مستغربه منها يالله تكون فال خير ويرزقني هذي مثل مايسمونها وحمه بس الله كريم ومايخيب ظني انشالله واكون فعلا حامل وابشركم باذن الله ياريت اللي مرت مثل حالتي واللي مستغربه منها ماتروح ظلت مثل الشامه ؟؟؟؟؟؟؟؟؟؟؟؟؟؟؟؟؟

 

[GuMmy BeaR]

ليش يعني اذا طلعو وحمات او شامات بالجسم يعني علامة حمل؟ توني ادري

 

[فتون7]

ليش يعني اذا طلعو وحمات او شامات بالجسم يعني علامة حمل؟ توني ادري

لا موعن انا مستغربه من اللي فيني انشالله علامة حمل اتمنى انا اول مره يصير فيني انا قاعده انطر الدوره تجيني اسوي تحليل بس خايفه بس الله كريم احتمال تكون علامة حمل ادعولي تكفون وربي محتاجه دعائكم ​

 

[غاليه 2000]

ان شاء الله حامل وبشرينى

 

[غيوم الحب]

انشالله تكونين حاامل ...... وتبشريااااااا

 

[GuMmy BeaR]

سألتج لان انا هم طالعتلي وحمه بنيه على ايدي وباقي 5 ايام على دورتي انشالله يطلع صج كلامج صح__‏ انا حاسه بكل اعراض الدوره وايد تحبطت افكر اسوي منظار بطني اختصر العذاب النفسي الله كريم

 

[نكهةالبرتقال]

تبين أطمنج؟

ان شاالله حمل

التحليل أصلا ما تبين نتيجته إلا بعد 12 إلى 14 يوم من حصول التلقيح و هذا موكلامي ،كلام دكتور

و أنتي تو الناس عليج

حللي إذا تأخرت الدورة يوم على الأقل