ارجوكم الكل يدخل يساعدني

[أم شاهين]

السلام عليكم ورحمة الله وبركاته

شلونكم بنات

انا مدرسه تاريخ بالثانوي ماصار لي تقريبا شهرين من درست
رئيسه القسم وقعيني على تدني مستوي اداء وانا خليجيه بسم الله توني صبري علي انا خريجه اداب مو تربيه ماخذيت ميداني وحذفوني ثانوي صبروا علي شوي
المنهاج صعبه تاريخ اسلامي معارك وتحليل وطن عربي منهاج دسمه

اللي ابيه منكم يأثر على تدني مستوي اداء وفعلا اول سنه يكتبون فيني وانا توني
ثانيا ابي احول ابتداءي يصير
لانه الثانوي مناهج صعبه وماقدره اتعمق بالشرح والبنات قليلات ادب يمكن اتعامل معا يهال احسلي


يصير احول متوسط او ثانوي

 

[مطلقه وأفتخر]

وعليكم السلام ورحمة الله وبركاته

ماعندي رد على سؤالج لأني ماعرف بهالامور

بس عندي تعليق إذا أنتي مدرسه وتقولين المنهج صعب الله يكون بعون الطلبه

وبعدين كأستاذه(أبله) المفترض أسلوبج يكون أحسن من جذي بخصوص كلامج بأن الطالبات قليلات أدب ماحبيتها منج خصوصا إنج خريجة تربيه وتعليم يعني التربيه قبل التعليم والمفروض تراعون وتحاسبون على كلامكم لانكم أنتم المسؤولين من بعدنا عن هالطلبه واحنا معاكم متشاركين بتربيتهم



وألف شكر وأعتذر عالاطاله وإن شاءالله البنات يفيدونج

 

[أم شاهين]

اقول اذا مارستي المهنه والمكان وتعاملتي ذيك الحزه تقدرين تحكمين بنات فعلا قليلات ادب طبعا البعض مو الكل

يعني عادي يسبون المدرسات المصريات بالفاظ ياحيوانه يامصخره اسمعهم بأذني يسبون بعض المعلمات المصريات
والمكياج والعدسات وترادد
والقله الادب كل وحده وتربيتها صج لنا دور بالتربيه بس الاهل وينهم البنات ماكو طموح يبون النجاح على الحفه لو وراهم اهل يحاسبون جان صار لهم طموح مو وحده تتخرج من الثانوي نتيجتها مقبول الاهل حفله وسياره وتلفون يعطونها

 

[مطلقه وأفتخر]

المهنه هذي معروفه يبيلها بال طويل لانج مسؤوله عن أجيال وراح تحاسبين عنهم يوم القيامه
وحتى لو البنت قليلة أدب على قولتج المفروض تفهمونها وتشرحون لها

أنا ما أتكلم عنج انتي بالذات كلامي موجه لكل معلمه اختارت هالمهنه انتم مسؤولين عنهم من بعدنا

وصدقيني قلة الادب مو بس من الطالبات المراهقات في بعض من الأبلات مامر عليهم شي اسمه أدب!!!


موفقه خير يارب

 

[eastfem]

مطلقة أختي فعلا بعض البنات ايون المدرسه سوالف وتعلج وتحط عينها بعينج بعد هذي موقلة أدب ؟؟؟؟
ثاني شي المدرسه درست وتعلمت عشان تدرس وتعلم الي اهيا تعلمته ( هذا الشي فقط اهوا الى خلاها تختار المهنه ) لكن الله يهديهم الي قاعدين بكراسيهم الا يخلونه نطلع من طورنا .. سوو ، حطوو ، خلصوو ، دروس نموذجيه ، امتحانات ، تصحيح ، مراقبه ، كنترول ، ورش عمل ،وسائل ، ورقات عمل ، ندوات ، واخر شي يطالبونج تسكرين المنهج !!! وصاحب بالين جذاب ترى حبيبتي ..

صاحبة الموضوع
للامانه الله يعينج لأنج وافده ،، انا عن نفسي مدرسة ونصابي بيصك السقف ومع ذلك سوي و حطي وخلاص من الحين اخذت عهد اني ماراح اسوي شي .. تدني المستوى اعتقد له علاقه بالحصص والتدريس والمنهج .. ممكن هالشي يخليهم ينقلونج اداريه ( هذا الي قالوه لي المدرسات )