ارجوكم ارحموني وردو علي راح ادعيلكم

[-تكفيني الذكرى-]

قبل امس رحت حق الدكتور وقال باكر تخلصين التاسع .. الي اهو اليوم ... ولو ماجاك طلق
راح نضطر عقب كم يوم نعطيك طلق صناعي ... المهم اليوم نزل مني لون غريب نفس (( الكدره ))
مو دم لااااا ... شفتو اذا بغت تطهر الوحده وصار لونه احمر خفيييييف او بدايات الدوره مثله تمااام
قعد تقريبا عشر ساعات او اقل والحين اختفى كلش ... وللعلم مافيني الم ولا طلق ...

ابيكم تخبروني ...

هذا ايش ...؟!
علامات ولده ولا شنو بضبط ؟؟؟
والطلق الصناعي اخذه ولا لأ ... مرررره خايفة

انا بكريه وما اعرف ارجوكم دبروني فهموني .... وش اسوي علشان يجيني طلع طبيعي ...
وفهموني وشو هذا الي نزل معاااي

 

[قـــمـــرهم]

كسرتي خاطري ):

الله يهون علييييييج يااارب ويسهل ولادتج وتولدين

ولاده طبيعيه بدون طلق صناااعي وبسهوله وبسرعه

وتقومين انتي وبالبيبي بالسلاااامه يارب


للاسف ماعندي خبره

انطري البنات يردون عليج

 

[كنوشة 2009]

شوفي حبيبتي اخذي مسهل اهو اللي ينشط الطلق
وشربي جاي دراسين هم يزيد الطلق ولا تخافين من الطلق الصناعي
والله يسهل عليج واذا ولدتي بشرينه
واللي نزل عليج علامة الولادة ان شاء الله

 

[ام غازي 2012]

سهلااات ان شاءلله

بس انتي لا تفكرين وايد
والله يسهل لج امورج يارب
روحي البحر امشي علي التراب المشي زين
علشان يساعدج وقت الولاده ان شاءلله
وكثري استغفارر والله معاج يارررب

 

[ناتشوو]

الله يهون عليج
احتمال اللي شفتيه
يكون دليل قرب ولادة
طيعي كلام طبيبج
اذا حمالج ماشي زين
ووضعالجنين زين
كثري المشي

 

[غلاعبدالله]

الله يهون عليج تصدقي وكثري استغفار

 

[Ms.lool]

حبيبتي احسن شي المشي بالتاسع
واهم شي وضع الجنين زين وراسه تحت
امشي و اكلي رطب و اقري سورة مريم وبشررررينا

 

[-تكفيني الذكرى-]

طيب ليش محد رد على سؤالي الي طلع مني عزكم الله اييييش طبيعي ولا لا علامات ولده ولا لا

 

[تعب-قلبي]

حبيبتي انا مثلج اليوم خلصت التاسع ورحت موعدي وقالي الدكتور بعطيج اسبوع اذا مايالج طلق تعالي اولدج طلق صناعي وقال اذا نزل ماي او دم او يالج طلق تعالي فأنتي لازم تراجعين طبيبج لان احتمال يكون علامات الولاده

 

[سماء الاحساء]

الله يهون عليك بالسلامه وطبيعي البكر تتأخر بالولادة وان شالله سهاله اكلي تمر وامشي

 

[كويتية بروما]

اي اعراض ولاده
راجعي طبيب
الله يسهل عليج

 

[دلووعه حبيبيي]

حبيبتي الطلق الصناعي زين. والله ماله ضرررر

 

[لياحه بنت لواح]

عادي اللي نزل وياج لان الجنين يضغط تحت
وانتي بچر فعادي تتاخرين بالولاده

واللي يساعه
المشي
اكل التمر والرطب
شرب الدارسين
الجماع
سورة مريم*


والله يسهل عليچ وتولدين طبيعي

 

[حبيبيM]

الله يهون عليك عادي اختي ولدت مرتين طلق صناعي تخلص شهرها وزياده
عادي تري لاتحاتين


احيانا يصير الحساب خطا
ماعليك واكثري الاستغفار


دعواتك انا بجر
الله يشفيني ي رب
ويكفيني واياكم شر الامراض والاسقام
اللهم امين

 

[معي احلى]

الدكتوره ايش قالت عن الرحم مفتوح او لا



لما كنت مع صديقتي الدكتوره فحصتها وقالت مفتوح 2 وكتبت لها على خروع من الصيدليه وقالت لها امشي

 

[M!SS.LOBY]

الله يسهل عليج

 

[M!Ss Smart]

لاتخافين والله يسهل عليج يارب وتولدين طبيعي ادعيلي محتاجه دعاء

 

[Flower20]

حبيبتي الله يسهل عليج ادعيلنا بالولادة وقت الطلق
وو اكلي رطب واااايد زين واقري سورة الزلزلة

 

[ام الحلوااات]

اللـــــه يـــســهــل عـــلـــيــج ويـــقــومـــح بــاالــــســــلامــــه

 

[om.7madiiin]

حبيبتي الله يسهل علييينا
حبيبتي يمكن حسبتج غلط ولاشي لاتحاتين متى ما الله اراد
راح تولدين لاتستعجلين ولاتخافين وان شاء الله ماتحتاجين طلق صناعي
وربي يسهل عليج طمنينا لا ولدتي انا بعد الاحد اخلص شهري وماكو طلق ولاعوار ولاشي
الله يسهل
اقري سورة مريم وامشي عالتراب