ارتجاع مرئيي حارج علي طول

[cramela]

هلابنات شلونكم؟
بنات انا توني حامل ماشاء الله وانا اصلا مسويه تكميم وفيني ارتجاع مرئيي من قبل اخذ بروتون للحارج اللي يجيني في احد مثلي قالوا لي مو زين بروتون حق الحمل و 24 ساعه صاير فيني حارج حيل نفسيتي زفت من الحارج اففففففففففففففففف ساعدوني بمعلومه مني مناك سمعتيها الله يعافيج ولك الاجر يارب شكرا​

 

[مسـك]

والله سمعت عن الحليب والخيار للحارج وعلك عند الصيدليه هم للحارج

 

[HoD'HoD]

مبروك الحمل حبيبتي والله يثبته ويتمم عليج يارب

شوفي اختي انا خالي دكتور جراحات سمنة وجراحات جهاز هضمي ومعطي ريلي نصايح حق الحارج المزمن بدون ادوية يمكن تستفيدين منها

اول شي نظمي اكلج خففي من الدهون ووخري عن الحوامض البرتقال والليمون

والمنبهات جاي وقهوة وكاكاو والبهارات الحارة قطعيها لان اساساً مو زينة وقت الحمل خصوصا اول الاشهر

واخر وجبة قبل النوم بساعة على الاقل ونامي على مخدة مرتفعة لا تنسدحين

والوجبات خليها خفيفة على فترات متقطعة طول اليوم وعندج الحليب البارد خالي الدسم يخفف الحارج

هذا اللي اتذكره حاليا

 

[ام مريم ورحمة]

سلامتج اختي مأجورة باذن الله والله حاسة فيج انا اعاني من الارتجاع بالحمل وما اقدر اخذ بروتون او زانتاك بس اصبر واخذ حبوب مضغ موكسال او مالوكس او ريني من الصيدلية صج موطول اليوم بس تريحني بوقت النوم واول النهار عقب الريوق هذي اكثر اوقات اتعب فيها وبعد في فوار اينو من الجمعية انا اخذ اللي بدون نكهات هم يريحني وان شاء الله كلها جم شهر ونرتاح باذن الله

 

[كوكيز بالكريمة]

الف مبروووك اخيتي ربي يتمم عليج

للحارج المزمن انا جربت شراب جافيسكون مريييح حيييل و آمن للحمل و هم شراب المستوصف الحكومي مال الحارج حلو و مثل ماقالت الاخت اللي قبلي النوم على مخده مرتفعه عشان حمض المعده ما يصعد للمرئ .. و سلامتج

 

[boliana_q8]

انا مثلج مسوية تكميم
بس عشان افتك من الحارج ارفع مخدتي وانا نايمة واحاول ما اكل متأخر
الخيار زين والخس والحليب بارد عالمعدة ويريحها
حاولي اكلج مايكون فيه بهار وايد
ياحلو الاكل الخفيف

 

[cramela]

ياربي ياجركم كلكم علي مشكورين والله يبارك بعمركم يارب ويوفقكم ويهدي لكم ويسخر لكم يارب شكرا راح اسوي اللي قلتوا لي عليها شكراا

 

[glby7sas]

روحي الصيدليه قوليله حالتج اهو راح يعطيج حبوب او علج للحارج

 

[شانيل نمبر 5]

انا سمعت موز عالريج ممتاز للحارج...بس ماجربته..

 

[ياهم لدي رب]

حبوبه انا نفسج حامل وفيني حموضه وحااارج وارتجاع مريئي والادويه ماعطوني عطتني حبوب للحموضه وقالت ٣ايام بس لانه خطر وعقب ماتركتهم مت شفت الموت ما احط بحلجي لقمه الا ارجعها حتى الماي وحاااارج كليت ولا ماكليت ذبحني

ما خفف علي غير الحميه بالاكل بس فواكه وماتكون حامضه والرمان عطية الرحمن اكليه بشحمه الابيض وعند العطار قشر الرمان مطحون قفشه صغيره مالت الشكر على فك الريق مع ماي وكذلك اليانسون اكليه حب مضغيه عدل وبلعيه وضروووووري بعد الاكل لمدة اربع ساعات لاتنسدحين ولاااحضي الحارج مايزيد معاج الا اذا انسدحتي انااحط مخاد ورا ضهري والحمدلله خف علي

ملااااااااااحضه:
ترا انا مو مسويه تكميم فما ادري اذا يضرج هلاشياء

 

[cramela]

الله يجزاكم خير بنات والله يبرد علي جبووود كل وحده فيها حارج ويشفي كل مريض يارب شكرا