ارائـــكــــــــم يــــا بـــنــــــات

[نونو سمارا]

مرحبا بنات اخباركم ان شاالله تمام
انا مشتركه بكذا منتدى بس منتدى كويتيات باالنسبه لي غير
احب ارائكم وطريقه مساعدتكم مع العضوات
انا عندي مشكله مضايقتني يمكن تقولون تافه بس انا متضايقه:eh_s(11):

زوجي مسافر بعثه يعني كم شهر ومن سافر ماكلمني بس سوالف باالوااتس بس يكلم امه انا مااقول لايكلمها بس انا اشوف انه لازم يكلمني بنتي عاتبته قال امي ماعندها وااتس وانتم خلاص اكلمكم باالواتس والمشكله اذا سولف معي مايجيب سيره انه كلم امه ادري منها تقولي والله امس ولا من يومين كلم ابو فلان طيب مو المفروض يكلم
ياليت تقولون وش اقوله او ارسله



​

 

[نونو سمارا]

لاله الا الله محمد رسول الله

 

[عبالي حبيبي]

عادي حبوبه لاتكبرين السالفه

جيبيها من باب انج مشتاقتله ولوماتسمعين صوته يضيق خلج ولا تقدرين تنامين

بادري انتي اتصلي ودقي ودزي مسجات

خلج بباله طول الوقت اذاكان موطيب غصب بس باسلوبج

امه ترى مره ولو عندها كيد هم انتي مره وعندج كيد

بس استخدميه بطريقه ايجابيه وخذيها مني نصيحة اخت انتبهي تعاتبينه وتقوليله انت تدق على امك

لاتجيبين طاريها كلش وان جبتيه بالعكس وصيه عليها وقوليه خذ رضاها عشان الله يوفقك وتردلنا بالسلامه مانقدر نعيش من دونك

خلج معسولة اللسان بيصير يفقدج لومر يوم مااتصلتي

المهم سيطري على اي مشاعر سلبيه تجيج من عدم اتصاله وحاولي ماتبيني له الاالشوق والوله وان عاتبتيه عاتبيه بحنان ودلع

وعسى الله يوفقج

 

[صاعقة بيوتي]

عادي حبيبتي يمكن يبي يوفر. بادري انتي واتصلي فيه ولاتعاتبينه او تبينين له انج متضايقه من هالشي ومع الوقت بيستحي وبيتصل.

 

[STILL G L A M ~]

والله مادري بس انتي كلميه وعاتبيه ولا تيبيين طاري امه وانج داريه انه مكلمها ..

 

[sosowaty]

يمكن صج مو قصده

بس انتي حاولي اتفهمينه

ان الواتس اب ما يكفي

او دزيله مسج صوتي و اهو يدزلج

لما خلاص يتعود و يدق عليكم و يكرة الواتس اب

 

[ابدا يالغالي مانساك]

لاتدخلي بينه وبين امه كلمهاا ماكلمهاا هو حر
بالنسبه لج انتي قوليلليه لا سولفتي بالوتس اب
قولي له السوالف ماااتكفي ابي اسمع صوتك وااكلمك
عوديه دايمن لانااااام ولاصحي من النوم يكلمج وصدقيني بيتعووود
ربي يرجعه لج بالسلامه

 

[دلوعة صلوح]

كلمى حبيبتى قوليلة مشتاقة اسمع صوتك خووو المكالمة ابلاش ليش بعد مايتكلم..

الله يردة بالسلامة.

 

[صادقة بكلمتي]

حبيبتي لا تتركين مجال للشيطان يدش قلبج وتقولين ليش امه وحنا لا انتي اتصلي وعوديه صبح وليل بدقين عليه شنو وتساب بس وين احنا مات زمن الرسايل بعدين دام عنده نت ويكلمكم وتساب خله ينزل برنامج فايبر وانتي بعد وكلميه اي وقت تبينه ابلاش الحمدلله على التكنولوجيا بس لا تتركينه بس على المسجات ولا تبتدين معاه بنجره انتي كلميه قوليله ضايق خلقي ولهت عليك ابجي الريايل تتاثر بالدموع وقوليله مالي شغل بكلمك اكثر من مرة ما بزعجك بس الصبح وبالليل لا تعودينه على الجفاااااا تندمين ياقلبي والله يسخركم حق بعض ولا يفرقكم امييييييييييييييين

 

[نونو سمارا]

الله يجزاكم الف خير

طيب مو احسن ارسله رساله ابين فيها انه مقصر باالاتصال ولا وش رايكم ؟

ولو برسله وش اكتب ابغى رساله مؤثره ادري تعبتكم معي بس معليش سامحوني؟

 

[ام كوثر2007]

الله يجزاكم الف خير

طيب مو احسن ارسله رساله ابين فيها انه مقصر باالاتصال ولا وش رايكم ؟

ولو برسله وش اكتب ابغى رساله مؤثره ادري تعبتكم معي بس معليش سامحوني؟

حبيبتي لا رساله عتب ولا مؤثره .

كل اللى عليج تسوينه انج تبادرين انتي بالاتصال واذا استغرب انج داقه قوليله ولهت علي صوتك .. ودقيت ..

وابيك علي الاقل بالاسبوع تكلمني لو مرتين .. لاني اشتاق حق صوتك ..

وهذا كل اللى ملزومه تسوينه .. من غير عتب وملامه . ​

 

[reem83]

المشكلة مو انه كلم امه اشلون ريلج شهر مايكلمج الا بالواتس اب ماتولهين انتي عليه وتكلمينه او اهو يوله عليج حتى لومو يوميا على الاقل مرة باليوم او كل يوم وترك

 

[مناير ...!]

بسيطه دقي انتي

 

[غيــــوض..]

عادي حبوبه لاتكبرين السالفه

جيبيها من باب انج مشتاقتله ولوماتسمعين صوته يضيق خلج ولا تقدرين تنامين

بادري انتي اتصلي ودقي ودزي مسجات

خلج بباله طول الوقت اذاكان موطيب غصب بس باسلوبج

امه ترى مره ولو عندها كيد هم انتي مره وعندج كيد

بس استخدميه بطريقه ايجابيه وخذيها مني نصيحة اخت انتبهي تعاتبينه وتقوليله انت تدق على امك

لاتجيبين طاريها كلش وان جبتيه بالعكس وصيه عليها وقوليه خذ رضاها عشان الله يوفقك وتردلنا بالسلامه مانقدر نعيش من دونك

خلج معسولة اللسان بيصير يفقدج لومر يوم مااتصلتي

المهم سيطري على اي مشاعر سلبيه تجيج من عدم اتصاله وحاولي ماتبيني له الاالشوق والوله وان عاتبتيه عاتبيه بحنان ودلع

وعسى الله يوفقج

كلاااام في السليم ميه ميه......ز :rerrerek::rerrerek:

 

[غيــــوض..]

او احذفي الواتس اب كم يوم وهالفتره بيضطر يدق واجلسي فتره حاذفته عشان يدق وان شاء الله يتعود يدق.....

 

[الشيخة@]

الله المستعان

 

[عبالي حبيبي]

الله يجزاكم الف خير

طيب مو احسن ارسله رساله ابين فيها انه مقصر باالاتصال ولا وش رايكم ؟

ولو برسله وش اكتب ابغى رساله مؤثره ادري تعبتكم معي بس معليش سامحوني؟

اختي تكفين مانبي درامـــــــــــــــــا ورسائل مؤثره:eh_s(16):

دقي اوارسليه :eh_s(9):

وخلي مضمون الكلام انج ملتمسه عذر حق تقصيره وخلي كلامج عسل مبطن بعتاب

يعني قوليله انا عارفه يالغالي انك مشغول بدراستك وغربه الله يعينك بس ترى احنا فقدنا حسك بالبيت

ولانبي نفقده هم بالتلفون ابي اسمع صوتك ينشرح خاطري وارتاح:eh_s(11):

وبينيله انج تنهبلين لوماسمعتي صوته وانج تحلمين فيه وتخافين عليه وتحاتينه:eh_s(2):

دقي قبل لاتنامين قوليله مستحيل يدش عيني نوم قبل لااسمع منك كلمه........اختاري الي تبين:eh_s(22):

خل اتصالاتج غزل وحب ودلال ولهفه وشوق قوليله دير بالك كل زين اهتم بروحك

انتي اهتمي بادق تفاصيله كنه عندج ومومن باب المراقبه انتبهي

من باب الحرص والحب والمحاتاة:eh_s(7):

عقب هذا كله لواستمر بالقطيعه نزلي موضوع ثاني ونشوفلج حل:eh_s(10):

بس انا متاكده لوطبقتي كلامي ولايهون الباقيين بتشوفين نتايج عجيبه مافيه رجل يقاوم الرومانسيه والحنان والاهتمام:eh_s(22):

بس خلي نفســــــــــــــــــــــج طويل :rerrerek:ولامابتشوفين نتايج

موفقه

 

[منال 1986]

خبري امه
عشان يكلمك لأنك زوجته

 

[أم ميميتو]

يمكن المكالمات هناك غاليه عشان جذي يكلم امه اكيد اهي ما تعرف بالمسجات و هالسوالف عشان جذي يتصل يكلمها كل جم يوم عشان ما تزعل و اكيد انتو بينكم سوالف و دزون حق بعض صور و كل شي بس انتي كل جم يوم اتصلي عليه

 

[~ كرز ~]

كلميه فايبر