اذا ولدج انطق من مدرسة شلوون تتصرفين معااهم@@سااعدوني

[ورود خذلتها العاصفه]

انا ولدي دااايم يشكيلي من مدرستة العربي انها تطقهم

والله والله يابناات انا ولدي عااقل وشي طبيعي انه يتشيطن مع ربعه يعني يضحكووون ويتحركون

بس ليش المدرسة تطقهم وكل ماسالته تطق منو قال تطق فلان وفلان وفلان وفلان يعني مافي احد ماتطقه

واليووم صدمني يقولي ماما الفراشة طقتنا بعصاية طويلة انا حدددددي منغثه من هالسالفه ابيكم تشوروني شسوي معاهم

ولدي ثانيه روضه ويدرس باكسفور الباكستانيه بالجليب



بنات واللي يرحم والديكم ارفعولي الموضوووع ابي الناس تعرف خياااسهم

ولا تقصروون معااي بالردود

 

[ورود خذلتها العاصفه]

شدعوة بنااات 5 مشاهدات ولا وحدة رفعت الموضوع

 

[ورود خذلتها العاصفه]

اب اب

 

[هي انا]

حبيبتي روحي حق الاخصائيه الاجتماعيه وتفاهمي معاها مو لدرجه توصل ان الفراشه اطقهم !! هزلت عمى يعميهم

 

[ورود خذلتها العاصفه]

واخيرا احد رد علي

انا خاايفه تحقد على ولدي

 

[أم عبووووود]

هلا فيج حبيبتي
انا من رايي انج تراجعين المدرسة وتكلمين الادارة او انج تنادين الابله وتتفاهمين معاها وبالنسبه للفراشه بلغي مديرة المدرسة لان مو بكيفها تطق الصبيان

 

[ورود خذلتها العاصفه]

تسلمين ام عبووود على الرد

بس تهقين راح تحقد لمدرسه على ولدي


بناات عطوني تجاربكم

 

[رحيل المرافيء]

والله المدارس الباكستانية سامعة انها مو شي
خاصة مع الكويتيين
انتي روحي لهم او كلميهم تلفون وسألي عن السالفة
الابلة تطقهم كله واحد بس الفراشة شكووووووو

 

[ورود خذلتها العاصفه]

انا ودي اروح بس خاايفه بعدين تحقد على ولدي

انا ولدي خواااف

 

[ورود خذلتها العاصفه]

اب اب

 

[ورود خذلتها العاصفه]

الذين تشاهدون محتوى الموضوع الآن : 2 ( الأعضاء 2 والزوار 0) ‏بنت ابو خالد 85, ‏De3La^85

 

[أم عبووووود]

تسلمين ام عبووود على الرد

بس تهقين راح تحقد لمدرسه على ولدي


بناات عطوني تجاربكم

شوفي بالنسبة للحقد هذا على حسب كل مدرسة وتقبلها للموضوع

اذا خايفه لاتحقد على ولدج دقي عليهم بالتلفون واشتكي عليها دام انها تطق كل الصف او اغلبهم انا صار لي نفس الموقف تقريبا بس ماكانت المدرسة طاقه ولدي بس كان تصرفها خطا اذا عصبت على اي ياهل تحذفه بالقلم وحاذفه ولدي بس مو حايشته هي جذي بتخرع اليهال دقيت عالوكيلة وبالصدف المدرسة الاولى كانت موجوده وقلت لها جان تقول الابله محبوبه من الاولاد وشاطرة قلت لها ولدي مايجذب وعيالي عندكم من المتفوقين بس عالابله مادري اشفيها واول مرة يشتكون عيالي من ابله بهالقسم

وبس من يومها الابله ماعادتها كللللش لي يومج هذا وكانت بعد الاخت تدخل الصف وتسولف بالبي بي او اللاب توب وقلت لهم عنها

شوفي حبيبتي طول ما المدرسات يشوفون متابعه من اولياء الامور راح يكشون

فدقي وقولي صف ولدج وشكوتج عالمدرسة وقولي لهم انا هالمرة دقيت بس المره اليايه راح اييها

والفراشات انا اقول لج روووحي اشتكي بالمدرسه لانهم مو بكيفهم يطقون عيالنا اكو ادارة يشتكون فيها اذا غلطوا لا وبعد بالعصايا

اتمنى اني اكون فدتج من تجربتي

 

[ورود خذلتها العاصفه]

ام عبووود تسلمين يامشرفتنا

شكلي بسووي جذي معاااهم

 

[ورود خذلتها العاصفه]

لما ادق عليهم اقولهم اسم ولدي ولا لأ

انا عندي رقم الابله اللي طقته برايج اكلمها

 

[ورود خذلتها العاصفه]

اب اب

 

[رنين]

ثانية روضة....... و مدرسه خاصه و ينطق..مو مره و لا مرتين و آخرها الفراشه بعصاة...و لي الحين ساكته؟؟؟؟؟!!!!!

تحقد عليه لين تشبع نقليه من صفها و اشتكي
و اذا ما تجاوبوا معاج هدديهم تكبرينها لي اكبر راس!

ياهل توه بعمر الي لازم يحب المدرسه مو مجتهده تدرس و تطق!!!!!!
مالها مقاقه تتحمل يهال بها العمر تستريح تقعد ببيتهم ما تمسك عيال الناس و تكفخ فيهم كل يوم


لو اكبر او مدرسه حكومه او حتى مره بالغلط اقولج طوفي لكن ياااااهل بالروضه شكو تطقه!!!!
و مو بس الابله حتى الفراشه؟؟؟ و الله مهزله!



من جم يوم بالثانوي شباب شكبرهم و لما طقهم كفخوه و تالي اشتكوا و انطرد المدرس

يعني فوق ما انهم كبار داقعوا عن نفسهم هم انطرد لنه ممنوع الطق بالمدارس
فما بالج ياهل بالروضه حياتي و الله حرام تخلينه تحت رحمتها يتعقد!

 

[in style]

من صجج ليش تسكتين مو بكيفهم يطقون اليهال انا ولدي انطق و اشتكيت و فنشوها شنو اتطق ياهل

 

[تاج الافراح]

شوفي أختي اقولج تجربتي بالمدرسة اكسفورد الباكستانيه بالجليب بنتي وبنت اختي فيها روضه ادبحوا بنتي بالطق مالت عليهم
الابلات الباكستانية ماعندهن رحمة واشتكيت عند المديرة غزالة ماكو فايدة والحين بناتنا قاعدين والسنة الجاي ابتدائي حكومة
وسلامتج

 

[miss lulu]

السلام عليكم
انا مدرسه وترا انتو مو عايشين الوضع والله قهر لما تكونين مندمجه بالدرس وتقريبا كل الصف مندمجين يطلع لج واحد ويخرب ضبط الصف وترا المدرسه مو معقوله تسلط على واحد مني والطريج وانا عن نفسي ما اطق بس اخذ مسطرة اطقها بالطاولة اذا كلش كلش وانا اسوي هالشي من حرتي عليه ابيه ينتبه والا اقدر اقوله اوقف ورا ولف ويهك وما اخليه يستفيد ولا ينتبه معاي
وكل الاهالي يقولون ولدي هادي وولدي غيرالله يهداهم ما يشوفون عيالهم مع الي بعمرهم وترا الابله بحسبة امهم ما ترضى عليهم, انتي تعالي كلميها بهدوء والله انه في ولية أمر ولدها مطلع عيني يت وكلمتني واسلوبها راقي وشوي شوي تغير الولد
اما الي تيي وتحط انه الابله اهي الي فيها وولدي ملاك اكيد بتحقد ترا بالاخير المدرسة انسانة ولا مضغوطة بعد

 

[miss lulu]

توني انتبه انه بثانية روضه
روحي كلميها بهدوء لانها ان حقدت بتطقه وراح يخاف الولد ويتعقد
عندنا ولد بثالثة ابتدائي وما يتكلم خير شر والسبه انه انطق من مدرسته لما كان بأولى بأول يوم يداوم
اهي من جنسية عربية المعلمة