اذا مرت عليكم هالحالات ..... قولولي شسوي !!!

[fri2010]

السلام عليكم اشلونكم بنات

طبعا هذي ثاني سنه لي كمعلمة

المهم العام كنت اول اسبوعين بس شادة عالبنات وبعدها رخيت وكنت وايد طيبة معاهم

وطاح الفاس بالراس

الكل قام يتمادى

هالسنه اللي كنت ادرسهم بعاشر يو صف حادي عشر

وعلى بالهم اني على نفس وتيرة العام

وهالسنة حيل شاده وناشفه ما اعطي وي والخز والنبرة الحاده طول الحصة

فعاشر اول مره يشوفوني فملتزمين معاي

اما حادي عشر لأ لاني درستهم العام وعلى بالهم اني نفس العام

المشكله مهما انبه مهما ارفع حده صوتي مهما اهدد بالدرجات ماكو فايده

محد هامه شي

الى درجه قام يسون فيني مواقف تفشل جدام رئيسة القسم :eh_s(1):

غير جذي المتأخرات اقول لها قومي اوقفي ورا تعاندني وتقعد بمكانها ولا كأني قلت

لما ارفع حده صوتي

يقعدوني يقولون ابله لا تصارخين بنزره !!!

وكلمت رئيسة القسم ولا سوت شي لان هالمجموعه من العام مشاكلهم مشاكل

واهاليهم مو قادرين يحلون المشكله معاهم

وانا كل يوم اطلع من حصتي مشلوع قلبي

ماني عارفه شسوي ويا البنات

غير جذي في بنات الاربعا ماكانو متواجدين بالصف كانو بمختبر الحاسوب ولما صارت حصتي ما يو

وغلطتي اني ما بلغت الاداره

وما ادري اشلون اخوف البنات من سالفة النحشة من الصف

:eh_s(2):

شسوي شور علي

 

[omaseel]

السن هذا بالذات لا ينفع معاه الصوت او التهديد
لابد من المعاملة اللينة
اول شي ابدئي بتشجيعهم وانا كل طالبه ملتزمه يتم تقيمها مثلا هتكون هي رائدة الفصل لاسبوع
حاول الطالبه الملتزمه انك تهديها وسام معين او هدية صغير
حتي يحصل الغيره بينهم ويتسابقو جميعا من تكون المتميزه في نظرك

 

[ناعمه بملامحها]

أذا هم كبار ثانويه مايصلح معاهم لا رائده صف ولا هديه لو متوسطه يمكن ..
الحل : لاتصرخين ولا تعصبين خوفيهم وقولي اللي تتأخر بسجل اسمها وانزله للوكيله وهي تتصرف معها
وطبقي هالشي اذا شاغبو أو تأخروا

 

[أم روض]

قوليلهم برفع فيكم تقرير للادارة وبيتم استدعاء ولي الامر
او تجاهلي ازعاجعم وقووليلهم بنسوي مسابقة
بينشغلون معاج

 

[VET-Nour]

قوليلهم بكتب مخالفه حق الي تسوي شغب وله تتأخر و اذا اتكررت المخالفه 3 مرات راح افصلكم

 

[PuPa^^SWeeT]

من غيير كلااااااااااااام معاااهم



بعد الحصة سيييدة رووحي الاخصائية



و اتصلي باهلهم و بلغي الاخصائية انج تبين اسدعاءهم


ما نفع




اليوم اللي يتشاغبون فيه مرة ثانية



سيدة روحي الوكيلة خليها تستدعيهم جدااامج



و قعدي بسطي و هدي اعصابج وياهم

 

[mi corazon]

النرفزه ماتنفع كثر ثقتج

اهم درسوج خلاص وعرفوا انج ماتقدرين تضرينهم

من يسوون إزعاج عطيهم تنبيه اول انج بتوقفين الدرس ووضحيلهم انج مؤ ملزومه تشرح لأشخاص مؤ مستعدين ينتبهون

لو عادوها مره ثانيه بنفس الحصه وازعجوج وقفي الشرح وقوليلهم درس اليوم مشروح وكوني هاديه وجاده اهم شي ... وقوليلهم باجر اختبار قصير درجته بتدخل بالشفهي

ومن تطلعين روحي الاخصائية وصكيهم كلهم تعهد وخل الاخصائية تيبهم كلهم عندها وقوليلهم الصفحة القديمه انطوت وعطيتكم ويه وعاملتكم أنكم كبار لكن من اليوم ورايح كل واحد يباخذ قدرة وماراح اتساهل .. كل وحده تفكر بمصلحتها

وقولي للاخصائية جدامهم ( المره اليايه ابي فصل ومابي مناقشه بالموضوع حتى لو فيها حرمان من اختبارات)

بس حبيبتي الموضوع لا يوصل للناظره من اولها لأن هالشي يقلل من نظرتهم ونظرتها لج .. كوني سيدة الموقف

جربي هالطريقة لو ما نفعت بقولج الخطه البديله

 

[fri2010]

للأسف ممنوع تنقال كلمة بوقف الدرس وخلاص انشرح
لان ممكن طالبه ملتزمة معاي بتقعد عند ولي أمرها هذي الابله ما اشرحت الدرس
و بتوصل شكوى للمدرسه عقبها عاد الناظرة و الموجهة ورئيسة القسم بتستلمني
وخاصه مدرستنا بصف الطالب

 

[PuPa^^SWeeT]

^^^^


لا شرحي و لاتوقفين شرحج




بالعكس قثيهم بالشرحح زيادة و بالغي بعد لووووول


شوووفي انا بس مرة وصلت موضوع طالبتين للوكيلة بس لانه مو بروحي انا


كل ابلات الصف اشتكو من هالبنتين

حتى ام وحدة فيهم ياية محتدة اتقول الخدم مايبون يقعدون والسبة بنتها هذي



الوكيلة ما يوصلها الا اخر شي



انا ادرس تاسع شوي قراب منج


اتعامل معاهم بلين و حزم


ما يخفى من بعض الابتسامة ( after all im a human being (


بس وقت الشرح تحترم نفسها و تقعد




بس بعطييج طريقة حلوة


لي تعبتي منهم


طلعو ورقة وقلم


و كتبووو هالسؤال هذا


و خليهم يجاوبون عليه ( و يفضل اخر عشر دقايق من حصتج )



اللي ماتخلص من السؤال

لاتاخذين ورقتها

و كتبي هالبنات اللي حلوو صح و عطووني بعطييها بونص درجة

 

[fri2010]

للأسف حتي الامتحان المفاجئ ممنوع

 

[mi corazon]

حبيباتي انتو أدرى بطالباتكم

هالطريقه أختي سوتها وانا نصحت فيها صديقه والوضع مشى معاها عال عال

مسألة أوقف الدرس هاذي مؤ مسألة مسموح او غيره أهي طبعا مؤ مسموحه نفس ما الشغب مؤ مسموح

لو احد كلمج قوليلهم شلون اشرح والصف إزعاج والطالبات كبار ما ينطقون وبنفس الوقت مؤ ملتزمين ومن مؤدبات

والدرس اللي ما انشرح حبيبتي عادي ينشرح من باجر المهم تطلعين بنتيجه والبنات لما تسوين جذي راح يخافون ويلتزمون

الكلام تخويف وعلشان المشاغبة محد يعطيها ويه اذا بتضيع عليهم الدرس

ومسألة الامتحان المفاجئ مسموحه منو قال لا

اذا انتي شارحة الدروس ومنبهتهم من اول السنه يدرسون بعد شيمنع أقيس مستواهم

عادي قوليلهم امتحان ولو احد سألج من الادارة قوليلهم هذا عندي اختبار مستوى علشان أخليهم يدرسون اول بأول

غريبه سالفة الممنوع ..!!!

عالعموم أكيد انتي أدرى بإدارتج وصفج

الله يهديلج إياهم

 

[mi corazon]

^^^^


لا شرحي و لاتوقفين شرحج




بالعكس قثيهم بالشرحح زيادة و بالغي بعد لووووول


شوووفي انا بس مرة وصلت موضوع طالبتين للوكيلة بس لانه مو بروحي انا


كل ابلات الصف اشتكو من هالبنتين

حتى ام وحدة فيهم ياية محتدة اتقول الخدم مايبون يقعدون والسبة بنتها هذي



الوكيلة ما يوصلها الا اخر شي



انا ادرس تاسع شوي قراب منج


اتعامل معاهم بلين و حزم


ما يخفى من بعض الابتسامة ( after all im a human being (


بس وقت الشرح تحترم نفسها و تقعد




بس بعطييج طريقة حلوة


لي تعبتي منهم


طلعو ورقة وقلم


و كتبووو هالسؤال هذا


و خليهم يجاوبون عليه ( و يفضل اخر عشر دقايق من حصتج )



اللي ماتخلص من السؤال

لاتاخذين ورقتها

و كتبي هالبنات اللي حلوو صح و عطووني بعطييها بونص درجة

حبيت طريقة السؤال الاخير

 

[PuPa^^SWeeT]

ليش مو مسمووح الاختبار المفاجئ


انا ما اقووولج فجاة اختبريهم



بس اخذي درجة اللي اتحل و خليها بونص

 

[ام رينـاد]

حبيبتي اذا سولفو بالحصه

ييبي وحده وحده تحط عند اسمها صفر ..وقوليلهم ان كل وحده فيكم ماخذه صفر بالشفوي وبالسلوك

او اعطيهم استدعاء ولي أمر

 

[PuPa^^SWeeT]

فراي


شلوون الوضع وياج

 

[fri2010]

ماكو فايده جربت معاهم كل الحلو وهم مافي فايده

اختربتهم اختبار قصير صعب ومن بين الاسطر وبوزع عليهم الاحد بشوف ردة فعلهم

 

[تحت ظلك]

امممم ميخالف حاولي بالتفاهم معاهم واللين شوي وأحتويهم أحتواء لأن لو حسو أنج معاهم مو ضدهم وتسوين لهم مشاكل
بيمشون معاج زين