اذا كنتي فوق الثلاثين وعايشة مع امج في بيت ورثة؟ تفضلي

[Lameez]

اذا كنتي فوق الثلاثين وعايشة مع امج في بيت ورثة تفضلي

السلام عليكم،

انا هدفي من هالبوست اني اعرف اذا كان في بنات اهني مثل حالتي.

انا فوق الثلاثين، مو متزوجة وعايشة مع امي في بيت العايلة وهو بيت ورثة.

انا ساكنة في بيت العايلة وهو اصلا بيت ورثة بس مخلينة علشان امي. لكن في يوم من الايام أكيد البيت راح ينباع ولهالسبب احب أسأل لو في بنت مرت بهالموقف وشلون تصرفت فيه. علما ان الزواج مو حل وارد لأسباب خاصة والسكن مع اخواني ايضا مو وراد.

شكرا

 

[Koko7taty]

الله يعينج ويحفظ امج ويطول بعمرها

ان شاء الله البنات يفيدونج

 

[الاحساس]

سمعت بوحدة نفسج بس ماكانت بروحها اهيا واختها واخذو لهم شقة تمليك

فإذا موظفة اشتري لج شقة تمليك والله يحفظلج الوالدة ويطول بعمرها

 

[ام هيا العلي]

أختي إذا راح يطلع لج مبلغ حلو من الورثة اشتري شقه ملك أو استشيري محامي في هالامور خلفيته تكون أكثر معرفه واعتقد انتي تعديتي السن القانوني خلاص يعني أكيد لج حق بالاختيار والله يكون بعونج أختي الكريمة

 

[اسطورة نجد]

الله يطول بعمر امك ويخليها لك
حاولي تلقين لك وظيفه منها تضيعين وقتك وتتعرفين على ناس جدد
ومنها تستفدين ماديا واصرفي جزء منه والباقي بالبنك راح يكون عندك مبلغ كبير ان شاءالله
وتقدرين وقتها تشترين شقه او تسوين لك شغل خاص او اي شي
وماراح تحتاجين احد ان شاءالله

اهم شي تكون خطواتك مدروسه ولاتستعجلين باي قرار

 

[بنت الامارات-]

ما اقدر افيدج اختي لن عندنا بالامارات منقود نبيع
بيت الوالد لو الكل متزوج ومحد فيه كيف لو كانت عندهم
اختهم فيه وعموها الدوله تعطي منحه لغير المتزوجات بس مااعرف
على اي عمر اسألي عندكم اكيد دولتكم تعطي منح لكم وربي ييسر لج
امرج

 

[بنت الامارات-]

ما اقدر افيدج اختي لن عندنا بالامارات منقود نبيع
بيت الوالد لو الكل متزوج ومحد فيه كيف لو كانت عندهم
اختهم فيه وعموها الدوله تعطي منحه لغير المتزوجات بس مااعرف
على اي عمر اسألي عندكم اكيد دولتكم تعطي منح لكم وربي ييسر لج
امرج

 

[رشا الهواء]

الله يطول بعمر الوالده ولا يحرمكم منه بس الاحتياط واجب وبعض البشر ماله ضمان اخذي الحذر

 

[ظبية بوظبي]

المفروض امش توصي ان البيت ماااا ينباااع لو ايش ما صار لان ممكن لو وحده صار وتطلقت وين بعدها تعيش
ولو واحد اصلا من اخوانش طلق وين بيحط عياله
اكيد المره الثانيه بترفض تربيهم
فيخلون البيت الكبير ابرك لهم قبل لش

 

[برنسيسة2007]

اختي شلون بيت ورثه? اهو بيت حكومي ؟؟ يعني الحكومه معطيته ابوج بعد ماقدم عليه؟

انتي كويتيه؟
لان اللي اعرفه اخوانج اللي تزوجوا وقدموا على بيوت مالهم حق بالبيت
بعدين البيت بعد الوالد اتوقع يصير لامج
اذا الزوج طلق زوجته الحكومه تقسم البيت بينهم شلون اذا توفى الزوج!!!

حبوبه اذا مازلتي عزباء البيت من حقش بعد عمر طويل لامج لكن تاكدي

وكلامي اذا كنتي كويتيه والبيت حكومي وامجًكويتيه

 

[ظبية بوظبي]

مشكوره برنسيسه انا حتى طمنتيني جزاش الله خير

 

[attoosh]

البيت هذا بيت ورثه إلا اذا كان الوالد قبل لا يتوفى سجله باسم والدتج ، في حال اذا كان بيت ورثه مو باسم احد اخوانج يقدرون ابيعونه باي وقت حتى لو عندهم بيوت خاصه فيهم لان هذا البيت يعتبر ورثهم من ابوهم يقدرون ابيعونه باي وقت في هل الحاله تاخذين نصيبج انتي وامج بعد لانها لها الثمن يعني النصيب الاكبر وتشترون سكن خاص فيكم وتحطينه باسمج لانه اذا كان باسم الوالدة راح يورثونها اخوانج بعد عمر طويل يعني عادي باجر ابيعونج السكن اللي شريتيه انتي معاها وبنك التسليف حاليا اقدم قروض لمثل حالتكم انج مو متزوجه وطايفه الثلاثين مع امج يعطونج قرض مع نصيبكم بالبيت حاولي تشتون سكن شقه تمليك او بيت حسب مقدرتكم وارد واقولج خليه اكون باسمج مو باسم الوالده والله ايسر امرج

 

[كومفرت]

الله المستعان

 

[ظبية بوظبي]

احترنا الحين