اذا كان الرجل يشرب

[pink suger]

من خلال تجاربكم بهالدنيا
هل اللي يشرب ينعاش معاهى ؟؟
ترضين تعيشين مع واحد يشرب ؟ مع انه يصلي ويعرف ربه بس مرات يشرب اذا متنرفز او عنده مشاكل بالدوام
واذا كلمتيه يقول انا مو ملتزم عشان ابطل شرب
انا بظل اشرب
يعني تقريبا احس انه عناد

 

[ايمان 24]

الله يصبرره على ما بلاااه ...

حمدالله اللذي عافانا بما ابتلاهم به وفضلنا كثيرا من خلقه تفضيلااا

 

[G!RLooNa]

حلوه يصلي و يعرف ربه و يشرب !! شلون يعرف ربه من اي ناحيه !!!

و لا ما ينعاش ويا اللي يشرب لان حتى لو ما يشرب وايد و انلحس مخه بليله ماتدري شبغبر فيها و بعيالها و كافي ادري ان يشرب ويع شلون تشتهي حتى تبوسه :|

الله لا يبلينا يارب

بعد لو يقول بحاول يمكن معني كلش كلللللش مو مع ان الوحده تسكت عن اللي يشرب لكن بكل قوات عين يقول ماني قاطع!!!!

 

[هذا مزاجي]

لا حول ولا قوة الا بالله
الله يشفي المدمنين ويعافيهم

 

[سكوتي بذوقي]

استغفر الله

يصلي ويشرب حلوه

إن الصلاة تنهى عن الفحشاء والمنكر

صلاته مامنعته عن الحرام يعني

هذا واحد ماينتعاشر مستحيله الحياة معاه

الوحده تاخذ لها واحد يخاف من الله

 

[فلنتينو]

ذكرتيني برفيجتي كانت تدرس وياي
مو كويتيه وريلها كويتي عسكري

كله تيي تشتكي وتبجي من سوء معاملته
انصدمت مره قالت انا ريلي يشرب كل يوم يجي سكران :0bee2e8d89:
تقول المشكله يقرب من صوب ولدها والولد عمره 3 سنوات يبي يلعب مع ولده
تقول دايما اخذ ولدي ماخليه يشووف ابووه

قلتلها انتي شلوون عايشه معاااه
تقوول الظرووف جابرتني اني اعيش وين ارووح انا وعيالي

مسكيينه :eh_s(2):

 

[خجل Ksa]

الله يشفيه مما ابتلاه بس انتي انصحيه لان انا سمعت والله اعلم ان مايصح الزواج من شخص يشرب

استشيري احد عنده علم واسع ب الدين وانتي عليك النصح يمكن الله يهداه علي يدينك

 

[sosowaty]

لا حول و لا قوة الا بالله

 

[سنيوره101]

الله يهديه ،، انشاللله

 

[Al-RoRo77]

يصلي ويشرب!!
مو عذر حتى لو عنده مشاكل انه يشرب هذا اكيد فيه نقص بالوازع الديني!
والوحده اذا الظروف جبرتها تعيش مع ريال من هالنوعيه تحاول تنصحه وتسمعه اشرطه دينيه واذا جافت مافيه أمل اتوقع الافضل لها
انها تنفصل حرااااام تضيع عمرها مع هالنوعيه وتعيش بخوف ورعب وتخلي عيالها يجوفون ابوهم بهالمنظر يمكن ايي يوم يخورها ومثلاً نرفزته بكلمه الله يستر ساعتها شيسوي بأهله او اي احد من عياله حتى لو ماله ذنب!
واستغرب من اللي تدري ان ريلها يشرب وتعتقد انها اذا يابت ياهل بيتوب اذا ماتاب الحين تبينه يتوب لمن اييله ياهل؟!!
وتقعد تربط نفسها اجباري معاه بسبة الياهل اللي ماله ذنب.
الله يهدي هالنوعيه يارب

 

[ام كوثر2007]

الشرب ابتلاء من الله سبحانه ويعتبر من المخدارات اعوذ بالله ..

وهذا مرض والمفروض ندعي للمريض بالشفاء والهدايه ..


صبري عليه حبيبتي .. واهم شي انه يشرب وما يعصب او يطق او يمد ايده او يفصل


لانه الناس اللى تشرب انواع في منهم اللى يطخ ويهداا وفي منهم يستجلب حشا السامع ..


واذا كان ريلج من النوع الاول اللى اهو الهادي الوديع لا شرب صبري عليه ,,, واحتسبي الاجر عند الله سبحانه

اهو الحين ما يشرب يوميا وهذا شي تمام يعني في امل انه يقطعه مره وحده لكن من غير ما تحنين عليه ..


لكن حاولي بطريقه حلوه ومو بشكل يومي يعني لا تخلينها حنه ورنه .. لا مره هاتيله قصه واحد صار فيه جذى من الشرب مره ابتكريلج سالفه حوسي بالنت عن القصص اللى تخص الشرب والدمار اللى يصير من عقبها وسولفيله .. وقوليله مالي غيرك ومابي افقدك ولا اتخيل نفسي يوم اعيش من غيرك ..


عشان جذى انا خايفه عليك تعاليله من الناحيه الصحيه لانج لو بتدخلين بالدين وقال الله وقال الرسول راح يحاول يتهرب واييلج منيه ويطلعج مناك ..


اسلوبج اهو اللى بيخليه يا يستمر او انه يتركه ويكون انكتب لج الاجر بالشي هذا ..

وعسى الله يهديه ويسخره لج يارب . دايم ادعيله لا تنسين .. وتصدقي لله بنيه دفع هالبلا عن ريلج .. وان شاءالله ما راح اتشووفون الا كل خير من رب العالمين .

 

[AL-DMERA]

ماعليه انج تصبرين دامه يصلي ,,
واذا مو ادماان ومن فتره لفتره هذا مقدوور انج تغيرينه ان شاء الله ,,
ومثل ماقالت كوثر بقوله ,,
الله يعينج انا زقاااير وقاعده احاول فيه لأن جد اكرهم وريحتهم خايسه ,,
موفقه ,,

 

[نـعـومـه]

حلوه هذي يعرف ربه ويشرب عشان مشاكل

احنا مسلمين اللي عنده مشاكل يقرا قرآن يذكر الله

لاطبعا ماعيش معاه اسامحه مره ممكن اي اذا تاب بس اذا كررها لااااا

 

[دنيتي تهواك]

الله يهديييييييييييييييييه

 

[صادقة بكلمتي]

كفت و وفت اختي ام كوثر الله يهديه امين ويسخرله لها ويرده لعقله وربه ودينه

 

[[[ عيون جابر ]]]

ربي يشافيه ويهديه ماينقعد معاه لما يبطل شررررب

 

[جنون الهوى]

الله يشفيه ويهديه​

 

[دلوعة أبوهآ]

شلون يعرف ربه ويصلي ويشرب
لو عنده خوف من الله كان مافكر يشرب ..
هذا مرض وادمممان


الله لايبلآنا ..

 

[جذابه بنت ذيابه]

الله يهديه ان شاء الله



انتي بنفسج بعد الله تقدرين تخلينه يقطع هالشي ..!