اذا كان البيبي راسه تحت

[njoom1]

قوه بنات

بنات اذا البيبي بالشهر الثامن تحسينه نازل وراسه تحت لي درجة تتأذين بالقعده واي حركه تصير صعبه
هل هذا يعني ان انشالله الولاده تكون اول التاسع ؟؟؟

 

[دآنة آلرشآيده]

والله ماعندي فكره
الله يهون عليج يارب

 

[.،:"$الـعـوبــــة$":،.]

رد : اذا كان البيبي راسه تحت

معناته باذن الله فيك بنت ،،
البنت دايم يكون حمالها بالحوض تحت ، حتى الوروك تنفك من حمال البنت ،
وتحسين راسها حييييييييييل تحت ونغزات على طول !!
لدرجة انك لو مشيتي شوي تحسين انها خلاص بتطلع !!
بس مو معناته انك راح تولدين أول التاسع ،، ماله شغل ،،
عالعموم الله يسهل عليك يارب ،​

 

[(أم نونو)]

رد : اذا كان البيبي راسه تحت

انا في بجري اول ما دخلت شهري اول مراجعة للدكتورة قالتلي راس الجاهل تحت حيييل ريحي نفسج على الاقل تاخذين 10 ايام من شهرج لكن ولدت بعد 3 ايام من المراجعه لاني اخر الثامن ماريحت نفسي تعبت نفي حييييل بالحركة

 

[njoom1]

رد : اذا كان البيبي راسه تحت

داانه مشكوره حبيبتي
العووووووبه ... عاد قالتلي الدكتوره ولد انا مجهزه كل شي ازرق لا لا لا لاتفاولين تكفين قولي انشالله ولد لووووووووووووول
ام نونو يلاا انشالله اولد مبجررررر لان الراس وايد متعبني لوووول

 

[Wi-Mi]

الله يهون عليج

 

[ZajiL]

مو شرط تولدين باول التاسع

انا بكل عيالي راسهم حيل تحت واحس يدز ويضغط جنه بيطلع
بس الكبار يبتهم على اخر اسبوع بالتاسع ولاثنين الصغار بنص الثامن
الله يتمم عليج يارب ويثبته ويهون عليييج

 

[q8 knosha]

رد : اذا كان البيبي راسه تحت

بجريه ومادري انشالله البنات يفيدونج

 

[سموره 87]

الله يهون عليج ان شالله
موشرط ان البنت يكون راسه بالحوض

 

[njoom1]

رد : اذا كان البيبي راسه تحت

مشكوريييين ماقصرتوااااا

 

[hneen2]

ان شالله ربي يهون عليج

 

[ام كوشه منكووشه]

رد : اذا كان البيبي راسه تحت

انا بجري كان راسي البيبي تحت وولادت بنفس الموعد اللى حدودوه لى بالضبط

الله يسهل عليج وتوالدين بالسلامه ان شاءالله

 

[njoom1]

رد : اذا كان البيبي راسه تحت

مشكورين بنااات
الله يسمع منكم ويسهل ولادتي

 

["*آآآنؤؤؤقهـ*"]

رد : اذا كان البيبي راسه تحت

الله يهون عليج


موشرط تولدين اول التاسع


انا في بنتي تندح من تحت لدرجه تضرب حييل وماولدت الا بالعاشر ولا قيصريه بعد

 

[هوازن العتيبي]

رد : اذا كان البيبي راسه تحت

معناته باذن الله فيك بنت ،،
البنت دايم يكون حمالها بالحوض تحت ، حتى الوروك تنفك من حمال البنت ،
وتحسين راسها حييييييييييل تحت ونغزات على طول !!
لدرجة انك لو مشيتي شوي تحسين انها خلاص بتطلع !!
بس مو معناته انك راح تولدين أول التاسع ،، ماله شغل ،،
عالعموم الله يسهل عليك يارب ،​

هلا حبيتي مو شرط بنت انا فيني ولد وراسه تحت وناااازل بالحوض واوروكي تتفكك

 

[brettey]

رد : اذا كان البيبي راسه تحت

اي عادي وضعج طبيعي لازم راس الياهل ينزل من السابع
الله يهون عليج وعليي يارب

 

[tho tho]

رد : اذا كان البيبي راسه تحت

وضع البيبي جذي طبيعي
بس مو شرط تولدين اول التاسع في ناس يحسون بجذي و يكملون
الله يتمم عليج حبوبه

 

[.،:"$الـعـوبــــة$":،.]

رد : اذا كان البيبي راسه تحت

نجوم ان شاءالله يارب ولد متعافي وكامل خلق وأخلاق يارب ،،
وبنات انا اقول عن تجربتي ،،
في بنتي الأولى والأخيرة استغفرالله وربي اخاف اتربع مرات !! احسها بتطلع ؟؟
ووروكي تنفك تلقوني اسحب رجولي سحب !!!
أما بولدي ،، ياحلو حماله ، خفييييييييييييييييف ،، وكان عندنا عرسين ،، اروح واجي وارقص رقص الناس تسحبني تقعدني !!
أما في بناتي زين مني اروح الحمام تكرمون !!!​

 

[njoom1]

رد : اذا كان البيبي راسه تحت

مشكورييييييييييييييييييييييييييييييين
كل من ردة عالموضوع

الله يسهل على كل حااااااامل ويرزق كل محرومه

 

[Zen&7ala]

رد : اذا كان البيبي راسه تحت

نجوم ماله شغل اذا نازل وايد بنت

انا فيني بنت و بنتي ما قلبت الا بالتاسع كان راسها كله فوق

ماله شغل حبيبتي

الظاهر و الله اعلم ان وايد ترهقين نفسج و على فكره كل ما نزل البطن و نزل البيبي يعني راح تولدين مبجر لان

اذا نزل البيبي بالحوض وايد تكون اخر عمليه للولاده و بس يبقى ان ينفتح عنق الرحم و الله يسهل عليج يا رب