اذا في وحده مناشبتج دها تعرف شاللي بطنج ... شتسوين معاها ؟؟؟

[Zaina-al-zaina]

​

قوه حبيباااتي

انا بحملي الاول في وحده ماتت بس بتعرف بشنو حامل انا

مع اني حامل بنت بس ماقلت لهاااا!!!

انا في البدايه تعجبت بتعرف شاللي بطني وانا اول حملي وتزن ع راسي استخدمي المنتجات
مثل البوكس عشان اعرف ولد والا بنت وبعددين كل شوي تسالني راجعتي او لااااا ؟ وشنو جنس الجنين ؟؟؟

واخر شي قلت لها انا معاهده زوجي مااقول لاحد !!!

وولدت وتعبت بحملي ولادتي !

والحين انا حامل ودقت تسال بكل براءه عن جنس الجنين ؟؟ هذي ماتابت ؟!! وبصراحه خرعتني !!!
وخلتني اخاف على نفسي والبيبي ! خصوصا انها مايابت الا بنات ! والنعم بكل البنات وانا عندي بنت

بس ليش جذي مناشبتني ؟ لدرجه صار ويها احمر مرا لما امي قالت بضحك بهالمعني ( الله يعين اخو بنتج )
وامي ماتدري شنو اللي بطني بس ليش ويها قلب !!!!

البلشه انا اضطر اشوفهااا من فترا لفترااااا !!!!!!


بالله عليكم شلون اتصرف معاهاااا !!!!!!!!!!!!!

 

[معاالي]

قولي لها لما سويت سونار قلت حق الدكتور ما ابي اعرف جنس الجنين ابي اخليها مفاجأه

 

[حظ من عنده انا]

قولي لهدرجه يهمج تعرفين اللي ببطني ؟؟

وقولي ماادري ماسالت او ابيها مفاجأه


اكره النوعيات هذي الملاقيف اللي تبي تعرف كل شي عنج مو حب فيج لا بس جذي

 

[عطر الدوحه]

حدها حششريه

قوووولي زوجي موصيني ما اعلم

 

[miss_Ba6oOo6a]

عادي قولي وفكي روحج
لين اصريتي وماقلتي العيون تصير اكثر ماتبي تقول واتعرف وما تقول ومن هالحجي
يابنت يا ولد شنو بيكون مافيها شي

 

["*آآآنؤؤؤقهـ*"]

سمي بسم الله وخلي ايمانج قوي بالله واقري وحصني نفسج دايم


وكيفج بتقولين قولي ماتقولين لاتقولين هذا شي راجعلج بس حاولي انج اذا سألتج

اللي يجي من الله خير وبركه وانا وحده احب المفاجات ماحب اعرف اللي بطنييي


الله يسهل عليج ويهووون عليج

 

[Zaina-al-zaina]

البلشه مالي خلق اشوفها مرا ثانيه !!! اهيا تي بيتنا من فترا لفترااا ):

ولما اسالتني عن جنس الجنين اخر مره قالت لي الراس اي صوب ! عشان تعرف اذا بنت او ولد 

علبالها ماافهم بهالسوالف، اخ بس ، شكلي باخذ غسولهااااا !!!!! ):

 

[بنتي نور عيني]

قولي لها مردج بتعرفين لاولدت لاتستعجلين ...
احرجيهاا
شدعوه شهاالبشر ...
انا بحملي في بنتي كنت كله اقول مابين ومحد يدري الا زوجي وامي بس
وان شا الله الحماله الجايه مراح اعلم الا امي حتا زوجي ماراح اقوله ....

 

[Zaina-al-zaina]

انا عادي اقول ، بس شفت لقافتهاااا وخفت !!!!! مو لهالدرجه !!

 

[ضحاوي الديره]

اففففففففففف ياكثر هالاشكال صج يبطون الجبد
مادري اهما شكوو مادري شنو بيفرق معاهم ..!!!
صج صج مأزمين لي حياااااتي
والمشكله ويووووهم منجب مهما تدقرين ماينفع معاهم
لاتقولين ولاتبردين حرتهم خليهم يسألون وانتي سكبي بأمٍ يابتهم

اخخخخخ قلبي متروسه

 

[Toggi]

ابعرف ليش جذي عقليات الناس يعني علشان عندها بنات خايفه تطقج عين حمدلله والشكر انا بنت ولا ولد ماعندي مشكله اعلم يعني شنو بتجيبين يابنت ياولد وبعدين مافي غيرج حامل بلعايله علشان تناشبج وتبين تاخذين من غسولها

 

[english muffin]

عادي قولي
الي ايمانها بالله قوي مفروض ماتفتكر لهالامور

بنتي نور عيني
اعوذ بالله حتى ريلج مابتقولين له!!!!!!!!!

 

[حرم_الغلا]

يــاحليلهاا هذي تــسأال ســؤال مباشر,,,
خوفج من اللي تصدمج....وتقوول...اللي بطنج ولد صح.....تبي توهقج...
شهالنوعيه..أستغفرالله..
الله يهون عليج..
وقوليهاا توهقت الحكومه كلاااام والخااص كلااااام خخخخخخخخخخ ماينفع معهم الاجذي​

 

[&هند&]

اعوذ بالله اذا الوحده خاشه حملها ناشبوها واذا حامل يناشبونها على جنسه شنو هالحريم اعوذ بالله ، حبيبتي عوذي نفسج على طول وارقي نفسج ولا تقولين لها قولي للحين مو مبين مره يقولون ولد ومره بنت اهم شي سلامة البيبي وبس والله يكافيج شرها ،،،،

 

[فـراوله]

مالهم شغل ما أعلم الا أهلي وأهل زوجي وفي من أهل زوجي
مو كلهم بس الباقي ماله شغل

واذا أحد سالني أقوله أدري شنو للي بطني بس مابي أقول كيفي هالاشكال
ما ينفع معاهم الا جذي


​

 

[Zaina-al-zaina]

ابعرف ليش جذي عقليات الناس يعني علشان عندها بنات خايفه تطقج عين حمدلله والشكر انا بنت ولا ولد ماعندي مشكله اعلم يعني شنو بتجيبين يابنت ياولد وبعدين مافي غيرج حامل بلعايله علشان تناشبج وتبين تاخذين من غسولها

حبوبه انا عندي بنت واحب البناااات
بس كل شوي تسال وادق وتقول راجعتي او لااااا
شنو اللي بطنج ، هذي شسوي فيهاااا !!!

 

[ام ساره 4]

عادي ما فيها شي يعني شنو بيطلع أكيد يا بنت والا ولد والله في بنات إشكثر مايعلمون لغاية مايولدون والحمدلله فيني طبع ما أحب أسأل الوحده شنو فيها لو شنو والحسد مو فيني كلش مع إن عندي أربع بنات بس ما ادري ليش الناس تفكيرهم اللي عندها بنات تحسد اللي عندها صبيان واللي عندها صبيان تحسد اللي عندها بنات مع إن الحمدلله عمري ما مريت بهالشي بنت والا ولد كلهم خير ونعمه أهم شي الصحه والعافيه

 

[متوترة]

قولي مو مبين بالسونار
توه الله يجيبه سالم

ولا اقولج خذي الموضوع باستهبال قولي ببطني عشر بنات وعشر عيال الله يجيبهم سالمين واضحكين

وخلاص ولاكررت السؤال اسحب عليها وبينتهي المووضووع

والله يسهل لج يارب

 

[زين ودلال]

اقولها لا ولدت ان شاء الله بتعرفين

 

[حنووونه25]

بالنسبه لي عادي اقول يعني شنو بيطلع طرزان يا بنت ولا ولد
والناس عندهم بنات ولا اولاد ماراح يطلع شي ثاني
يعني الي ابطني مو معجزه
شي من الله رازقني اياه والله الي بيحفظه
انا علي ألتزم بذكر الله واسمي على بطني
والناس اول وتالي بيعرفون اذا مو انا حامل درو لما اولد بعرفون
فأنا اليً يسالني اقوله عادي ولا احط ابالي
وفي قول الله تعالى بما معناه لان ماابي افتي واقول شي مو اكيد
لو اجتمعو الناس كلهم ان يضروك ماراح يضرونك الا اذا الله كاتب هالشي والعكس لو اجتمعو الناس كلهم على ان ينفعونك ماراح ينفعونك الا لما الله يأمر وبذالك
وشكرا صايره حدي قرقه ماادري ليش
الظاهر من الفراغه