اذا فقدتي انسان عزيز عليج ومتي من الضيقه .. شتسوين !!

[al39laa]

السلام عليكم ..

بنات انا فقدت انسانه عزيزه على قلبي بشكل مو طبيعي توقعتها خوش وحده بس طلعت من تحت لي تحت وماتوقعتها جي

اعتبرتها مثل اختي وزياده

الله كريم انشاءالله يعوضني برفيجه احسن منها

بس والله حدي متضايقه خصوصا تهاوشت معاها اليوم وقالتلي كلام موزين وانها تتكلم عني ومسويه سوالف

شنو تسوون اذا تضايقتوا من انسان امنتيه على حياتج واسرارج اخير شي طلع تكرمون زباله

 

[brettey]

صارت معاي مع اقرب وحده لي بالدوام بس سبحان الله كلش مو مهتمه مع ان ايام الثانويه وحده باعتني وتضايقت وتازمت وهم وحده ثانيه كانت من اعز صديقاتي بالثانويه والمتوسط تهاوشت معاها من جم سنه وتازمت بس هالمره مادري ليش هالي معاي بالدوام تضايقت شوي ما تاثرت لان الحمدلله احس ابتعادي عنها خييييره سبحان الله اهي باعتني عشان وحده فضلتها عليي وهالبنت الي فضلتها عليي حبوبه وانا علاقتي فيها وااايد زينه وحتى القراب الي معاها بالقسم نصحوها انها تبتعد عن الي كانت كلوز معاي واختلفت معاها وقلت لهم خلوها باجر بتنقرص مثلي


حبوبه اخذيها نصيحه مني وانا اختج طاااااااااف لا تشيلين هم ولا تتضايقين الي باعج بيعيه وخلي مبداج الي مايعدني راس مال ما اعده فايده
ادري صعبه بس الواحد خلاص كرامته الزم ما عليه

 

[al39laa]

انا جذي اقول وقلتلها الله يسهل لج دربج وتوكلي !! وبينت لها مو هامني

بس والله قلبي يعورني ومتضايقه

مشكووره حبيبتي

 

[mazoon]

(((مااااتعـ رف قدري لآن تجرب غيري))​

 

[منو انت]

ماراح اسوي شي تدرين ليش لان مو نهايه الدنيا ياقلبي بعدين دام انج زينه وعارفه انج ماقصرتي معاها يعني الخلل فيها واهي الخسرانه بعدين ليش يضيق خلقج الحمدالله لا انتي اول وحده ولا اخر وحده بعدين الخير جدام دام خلق الله تغيرت راح تمر عليج بلاوي (( العن ام التحطيم ادري راح اسبب لج عقده ))

بس هذا الصج يعني تعتقدين انتي اول وحده او اخر وحده مر عليها هالموقف
بالعكس فكري فيه من الناحيه الايجابيه انج بعدتي عن وحده مو كفو ومفروض اهي اللي تندم عليج مو انتي ترى مر علينا هالاشكال باختصار عندنا وعندج خير

بس الحلو بالمواقف هذي تخليج شوي تنتبهين اكثر بعلاقاتج بشكل عام

 

[ياحُبِي لِلكويت]

ادري قوويه وتسبب لج صدمه انسان قدرتيه وفتحتي قلبج له بعدها يقلب عليج وتلقين السبب تافه ؟؟ بس تأكدي الانسان يقدر يجامل الا بالطيبه مع الايام تبان وكلن ومعدنه تلقين من زمان اهي جذيه بس لانج تعزينيها اطوفين ... نصيحه من اخت سرج عطيه امج او اختج غيره نادر تلقين اللي يحتفظ بالسر ... دام انتي مقتنعه انج ماسويتي او تسببتي لها فمشكله فعادي الله وياها وان شالله تلقين اللي احسن منهاا ^_^

 

[al39laa]

مشكوورين حبايبي

الله كريم

 

[ترانيم القصيم]

صارت معي ,, مع أخت اعتبرتها أكثر من أخت ..

و حبيتها من كل قلبي محبة صادقة لوجه الله ,, و كنت أئتمنها على أسراري و آللي بخاطري أقوله لها

فجأة قلبت علي بين يوم و ليلة و كل شي بيننا من أسرار أفشته ,, و يا ليتها استحت من تصرفها و اعتذرت ,,

لا ,, أخذتها العزّة بالإثم ,, و قالت : صار آللي صار ,,

و ما زالت تتعامل معي بالأسلوب القاسي و شككت فيني و أساءت لي و خلت صديقاتي كلهن يكرهوني ..

السالفة صار لها سنة .. عمومًا قطعت علاقتي بها ,, صح تألمت , بس خلاص ربي عوضني بآللي أحسن منها ,,

اذا فقدتي انسان عزيز عليج ومتي من الضيقه .. شتسوين !!

لا ما أموت و عندي رب عادل ما ينساني و لا يتركني

و أنـا واثقة إني ربي ما بلاني بهالإبتلاء إلا لحكمة يعلمها ,,

أنـا واثقة إني ربي ما قدّر لي أصادق وحدة زي كذا إلا لمصلحة لي و فائدة لي ,,

و الحمد لله بعد المشكلة آللي صارت لي : التمست فوائد عظيمة و أشياء كثيرة طيبة صارت لي ,,

لدرجة إني أفكر و أقول : أتوقع لو ربي ما ابتلاني بهذي المصيبة ما كنت صرت كذا !

بس المصيبة على الرغم من وقعها الشديد علي إلا إنها غيّرتني تغيير إيجابي و لله الحمد

بارك الله فيك ,, قولي الحمد لله على كل حال ,, و ما تدرين وش الخيرة فيها ,,

الله يزيح همك و هموم جميع المسلمين

احترامي و تقديري

ترانيم القصيم

 

[سحابة امل]

الله يعينج مالومج والله

صحيح شي يعور القلب ويقطعه بس حاصل وشي واقعي وكلنا نواجهه في حياتنا

اللي انصحج فيه عيشي حياتج لانها ماراح توقف على شخص واحد ابد

انسي والهي بحياتج واذا حصل بينكم مواجه خلي بينكم مجامله وسلام بس



موضوعج فتح جرررروووووووح كانت مسكره :<

 

[أغداً القاك]

صارت معاي للأسف ومااحترمت اسراري وخصوصياتي .. بس هذي الدنيا
في الزين وفيها الشين .. والحياة دروس نتعلمها
والحل بسيط .. شيليها من حياتج
مسحي تلفوناتها وايميلها وخليها تولي
وقعدي تفرجي على افلام كوميدية وطلعي واستانسي ولا تفكرين فيها كلش
لانج بتغثين عمرج وتحرقين اعصابج على وحدة ماقدرتج ولا احترمت صداقتج

وبتلاقين الي احسن منها مليوووووووووووون مرة​

 

[noni_q8]

Uppp


Uppp

 

[نجداويه نجد]

شوفي أقولك الصراحه .. أنا شخصيتي غريبه جدا .. يعني مااثق بأحد يعني كل وحده ممكن تعتبريني صديقتها لكن انا لاء أمشي فيهاوقتي لا اكثر .. انا اتعلم من غيري حتي لو ماجربت هالمواقف يعني مثل موقفك الحمدالله ماصار لي لكن اتعلم اني مااثق إلا بخواتي وأمي وبس هن صديقاتي غيرهن اضحك واتسلي وياهن لكن مااثق فيهن بتاتا او مااخليهن كاتمات أسراري ومااتعشم فيهن بالعربي مااحب تجيني وحده تشكيلي وتفضفض لي بسوالف انا مالي دخل فيها أحب اكون دايم مستانسه وماابي اضيع عمري مع بنات تجي تسولف لي حماة سوت وخالتي فعلت وزوجة أخوي سوت وغيرها من البربره الفاضيه عندي مشكلة مع احد او ابي نصيحه عندي امي وخواتي وبس ... علي قولة أمي الله يشفيها ويخليها لي اللي يظهر من الراس يوحونه الناس ..

 

[دموووعي امواج]

اول شي احمدي ربج عرفتيها على حقيقتها وانج ماطحتي معاها باللي تسووي
هالاشكال مايتحسف الواحد عليها صج العشره ماتهوون بس حاولي تنسينها ترا كلنا مرينا بهالمواقف وتجااوزناها وانتي احسن مني تدرين ليش
انا فقدت اعز الناس توام روووحي وللحيين الذكرى تذبحني فقدت اعز الناس فقدت بنت خالتي توفت الله يرحمها وارتاحت من هالدنيااا والله الحين صارلها سنيين مو قادره انسااها :eh_s(16):
الله يرحمها ويرحم اموات المسلمييين :eh_s(11)::eh_s(11):
لا تضييقين خلقج الدنياا ماتسووى :eh_s(16):

 

[al39laa]

مشكوورين حبايبي

فديتكم والله رفعتوا معنوياتي

وانا والله ادري ربي يحبني ويبيلي الخير وانشاءالله خيره يارب

والله يسامحها

دموعي امواج :: الله يرحمها ويوسع قبرها حبيبتي :**

 

[نورري وبس]

اختي لاتتضايقي وربي انا وصلني كلام من وحده
اعرف وش المعرفه يعني قرابه فقلت ما اتغير بعلاقتي معها
بس احذر منها وانتبهي لاتدعي عليها
كرري ربي اني مظلوم فانصرني
والله ترتاحين تحسين انك وكلتي امرك لربك وارتحتي

 

[ملح على الجرح]

الله يكون بعونك المشكله انتي تحبي شخص تشوفيه يعني قد شفتيه

بس انا احب شخص ماقد شفته وفراقها اثر فيني مره ومستحيل انساه

يارب لطفك يارب بس

 

[ضيوانه]

انا انخدعت بي اعز انسان عل قالبي وغدر فيني وش ترجين من ادنياء الحين عمي اخو أبوي ماثق فيه والحمدلله طبعي ماعطي سري لمن يكون الحمدلله مشكوره عل الموضوع والله عبرت بي الي في قلبي

 

[al39laa]

والله اني مادعيت عليها كلش

واثقه ربي يبيلي الخير ولو البنت موزينه جان الله مابعدها عني

وكلا اقول يارب انا مظلومه واتيبلي حقي

مع اني اقدر اسويلها بلاوي بس الله داري اذا لي حق عندها راح ايبه لي

وحبايبي الله يعوضنا كلنا انشاءالله برفيجات سنعين وكفو :**

تسلمون عالمرور

 

[اميره بعيونه88]

مع الاسف صارت معاي:
وكل اللي سويته بجيت وبعدها مسحت ادموعي ومسحت ارقامهم وايميلاتهم ومن حياتي واعتبرتهم صداقه مصالح وما راح اكررها وما اثق بالناس


عادي الحياة تجارب وكل طرق بتعلومه ما راح توقف حياتي بدونهم ...........

 

[PuPa^^SWeeT]

انا اذا الانسان عزيز علي

اطالع صوره


اذا حسيت بجرح الخيانة احرق صوره علشان ما اشوفه ولا اتذكر