اذا صارت لك مشكلة او غلطة في عيادة او مستشفى خاص .. دخلي

[شيهانه]

السلااااااااااااااااااااام عليكم ..










بنات مع زيادة العيادات الخاصة والمراكز الطبية ( كل عمارة يديده صارت مركز طبي ؟؟)

وبعد المستشفيات الخااااااااااصة الي صارت معاملتهم سلاق بيض من الضغط عليهم لان محد يروح للحكومة ..


اذا صارت لوحده منا او اهلها او عيالها مشكله او غلطة :

مثال : تشخيص غلط - دوا غلط - التهاب - تركيب غلط - تلاعب في الدوا .. الخ


وين نروح نشتكي ؟؟؟؟؟؟؟؟


منو نلجا اليه علشان ياخذ حقنا ؟؟؟

واذا نبي نسال عن دكتور تجميل او جراحة شكثر اغلاطة وين نروح بعد ؟؟


منو عندها هل المعلومات تفيدنا ..

 

[*دبدوووبه*]

هلا والله شيهانيه
لو كان في احد بياخذ حقوقنا
جان انا اول وحده
انا بغلطه صغيره
من تحليل بالهادي
سويت مناظير وعمليه
ندمت بحياتي كلهاا

شكثر رحت مسشتفيات كلمت ناس
قالولي ربج يحاسبهم

وياريت البنات يساعدوني
ويعرفون

 

[ii DareeN ii]

ماشاء الله عليج اليوم كنت افكر اكتب موضوع بهالخصوص في اداره اسمها اداره التراخيص الطبيه مكانها بالسالميه اي شكوى ضد طبيب بالقطاع الخاص تقدمين شكوى يحولونج حق طبيب مختص بحالتج مثلا يعني اذا عندج طبيب تسبب في مشكله في مثلا اذا طبيب تجميل يحولونج حق طبيب تجميل جراحه يكتب تقرير عن حالتج وما اذا الطبيب كان علاجه صح او غلط
طبعا هذي الاداره تابعه حق وزاره الصحه ومكانهم في السالميه بس وين بالضبط مادري بس تقدرين تتصلين في بداله وزاره الصحه ويعطونج رقم اداره التراخيص عشان تعرفين الاجراءات

 

[الكويت حياتي]

عمتي صار لها موقف كانوا مستشفى الهادي ماخذين منها تحاليل ووحده مره بعد نفس اسم عمتي ماخذين منها تحاليل

المهم عمتي كانت بتسوي عمليه لصدرها طالع لها الياف والمره الثانيه كانوا بسوون لها عمليه ثانيه ما اذكر شنو صراحه المهم ان تحاليل عمتي ودوها لدكتور المره والعكس وكان نفس اليوم مال العمليه وربج ستر تدرون الطريف في السالفه منو اللي اكتشف الخطأ ابوي وهو ريال كبير تخيلوا يعني لو عمتي مسوين لها ذيك العمليه والعكس !!!!!!!!

 

[بيتي بوب]

حسبي الله ونعم الوكيل لي هالدرجه ارواح الناس لعبة

 

[يمّه مني]

اليوم رفيجت امي تتصل اتسولف عن عملية بنتها
اتقول لها اشفطت بالسلام من شهرين وكل ماتروح يقولون لها عادي مع الوقت يتعدل وهي شافطه قبل هالمره فعندها خبره جان اتقول لها اشفطو مكان اكثر من مكان لمه تيي تلبس بنطلون جهه صاكه عالفخذ وجهه لاء والبنت افقيره بعد شهر عرسها ولاعارفين شيسوون هذا غير البقع اللي صارت وشافطين لها من ضهرها اتقوول ليلحين نفسه ماتغير شي
الحين بقول حق امي اتقول لها عن التراخيص الطبيه
عاد كنت امفكره اسوي شفط بس المشكله يقولج الدكاتره خصوصن جنسيه عربيه مكتسحه عندنا
مجال التجميل شيسوون ؟ لازم يتركلج غلطه عشان اتردينله وتدفعينه حق عمليه يديده

 

[نووووونا]

:eh_s(14)::eh_s(14)::eh_s(14):

 

[نووووونا]

عيل انا وليدى مسكين طاح واهوه يحبى على (( مقعدته ))

وازرقت (( مقعدته )) لان ماادرى ان صارت مثل الكدمه

ولو صار بالليل قام يصرخ مسكين وانا ادور فيه بالصاله !!!!!!!

وديته طبيب الاطفال بالهادى قالى هذى طيحه مافيه شى !!

رحت البيت بعدين مع الغيار ححس فيه ورمه صغير تروح وترد !

راجعت بعد اسبوع قال ماكو شى ! قلت له حولنى جراحه فى ورم

حولنى جراحه فحصه قال هذى دمل وتجمع صديدى (( يكون يعرف يشخص الطيب))

عطانى مرهم ومضاد حيوى ومراجعه بعد اسبوع وراجعته قال خلاص شوى شوى تروح ماله داعى افتح

بعد شهرين وشغالتى تغير له قالت لى ماما شوفى هذا مثل ابره !!!!!!!!

اخترعت وورديته سويت له اشعه (( واسطه )) لان هالايام احنا نشخص

احسن!!!!!!!!!! ولقوا ابره موجوده استخفيت اشلون متحمل ياقلبى!!

ودينا على طول حق المواساة شالوها

لله الحمد والمنه على فضله العظيم .

 

[قمر من شافها طمر]

ياربى اشكثر اعانى من وصفات غلط+تشخيص غلط

غير المعامله اللى مش ولا بد بس حق مص الدنانير من جيوبنا

بس شنقول غير الله وكيلنا ويحاسبهم ان شاء الله

 

[شندوخه]

انتوا من طبيب خاص صار معاكم جذي
عيل اللى طبيب حكومه شيهبب ؟

 

[^DanaH^]

لاحول ولاقوة الا بالله ... الصراحه المفروض مانسكت لأن جذيه يغلطون ومايخافون أن وراهم أحد يحاسبهم !!!! مايصير نرفع عليهم قضيه ؟؟

 

[شيهانه]

هلا والله شيهانيه
لو كان في احد بياخذ حقوقنا
جان انا اول وحده
انا بغلطه صغيره
من تحليل بالهادي
سويت مناظير وعمليه
ندمت بحياتي كلهاا

شكثر رحت مسشتفيات كلمت ناس
قالولي ربج يحاسبهم

وياريت البنات يساعدوني
ويعرفون

قطيعه تقطعهم الهادي نفس الشي سووا حق امي المسكينه اسووا فيها بقوا يسوون لها عمليه والتحليل غلط واهي هونت يوم العملية والله ستر ويوم راحت الحكومة طلع ما فيها الا العافية .. اخيييييييييييييييييه من الهادي

 

[شيهانه]

عيل انا وليدى مسكين طاح واهوه يحبى على (( مقعدته ))

وازرقت (( مقعدته )) لان ماادرى ان صارت مثل الكدمه

ولو صار بالليل قام يصرخ مسكين وانا ادور فيه بالصاله !!!!!!!

وديته طبيب الاطفال بالهادى قالى هذى طيحه مافيه شى !!

رحت البيت بعدين مع الغيار ححس فيه ورمه صغير تروح وترد !

راجعت بعد اسبوع قال ماكو شى ! قلت له حولنى جراحه فى ورم

حولنى جراحه فحصه قال هذى دمل وتجمع صديدى (( يكون يعرف يشخص الطيب))

عطانى مرهم ومضاد حيوى ومراجعه بعد اسبوع وراجعته قال خلاص شوى شوى تروح ماله داعى افتح

بعد شهرين وشغالتى تغير له قالت لى ماما شوفى هذا مثل ابره !!!!!!!!

اخترعت وورديته سويت له اشعه (( واسطه )) لان هالايام احنا نشخص

احسن!!!!!!!!!! ولقوا ابره موجوده استخفيت اشلون متحمل ياقلبى!!

ودينا على طول حق المواساة شالوها

لله الحمد والمنه على فضله العظيم .

وااااااااااااااااااااااي يا قلبي قلبه حسبي الله عليهم يعلهم انشاء الله الخداي فوق الخداي الي فبهم

 

[نووووونا]

مشكوره حبيبتى شيهانه عالتفاعل ,,,,,,,

وعسى ربى يحفظ عيالنا وعيال المشلمين جميعا من الامراض والاسقام

 

[نووووونا]

عفوا قصدى المسلمين @@

 

[*دبدوووبه*]

انا ماكلتها من الصوبين
والله العظيم
قسما بالله
بمستشفى رحت
والله العظيم والله العظيم
انا اركض ورا الدكتور
اقول له انا من 8 موجوده الحين ساعه 12 ونص
يهدني ويمشي
لين وصلت مكتبه
ولا طق مطاااااااااااااااااااقق عند الباب
واخر شي
اطريت اروح مسشتفى ثاني