اذا ريلج قالج بروح الدوانية و لا القهوة هل تنفسين ؟ و لا عادي

[Lourdez]

قووة بنات شلونكم

اليوم طرى ببالي هالموضوع و قلت اسألكم اذا ريلج يوميا يروح القهوة و لا الدوانية شتسوين هل تنفسين شوي و لا عادي

يالله بنات نبي مشاركاتكم

 

[آلـغـنــد]

انا يطلع كل يوم. وعادي اهم شي اذا ابي مشوار يفضي نفسه يوديني ولا يدبرني يعني كلها ساعتين اللي اشوفه فيها باليوم ومبسووووطه وفالتها بعد

 

[كليـ دلعـ]

اي حبيبتي عادي ومافيها شي يالغاليه

الريال لازم يطلع ويكون له حريه اغلب الرياييل

يطلعون يومياا ودواوين ويمعات ربع عاادي جدا

وسهالات شنو تبين تبينه لازق بالبيت٢٤ ساعه


مايطلع جنه مره!؟ وييييييع ماحب اللي جذي كلشش

الريال يطلع للدواوين وساعات يسهر بدوانيه مالته اييونه

ربعه وسهره ووناسه عليه بالعافيه يغير جو ويسولف

ويفرفش عادي حبيبتي الظاهر توج متزوجه كلنا جذي

بالبدايه تالي نعقل شكو نسلب الريال حياته وحريته!؟

اصلا بالعكس احس يكبر بعيني اذا كان له عيال عم

وربع ودوواووين ويمعاا!

شتبين فيه يجابلج !؟ حق الحنه والرنه؟!

احنا نتزوجهم موونتملكهم جنهم اكسسوار والا ترجيه

نحطهم بالكبت ونقفل عليهم!!

عادي ولاتنفسين ولاشي بس اللي ماحبيته موضوع القهاوي

هذا ماحبه كلشش لانه قهاوينا خيااس وفساد وشبهات

هذي مااحبهاا ولا اسكت عنها اذا راح مع انه موراعي

قهاوي وبسس فديتج

اتمنى اكون فدتج،،!

​

 

[granted]

اي اكيد انتي بعد بتروحين السوق بتروحين لهلج بتسوين حمام زيت جلسات استرخاء حمام بخار مو طول اليوم طردي ورى الريل بعد

 

[Patcholli]

خل يروح بس مو بشكل يومي هم بيت وعياله واهله لهم حق عليه

انا ريلي تقريبا 4 ايام بالاسبوع ديوانيه ويوم لاهله ويوم لاهلي ويوم طلعه

 

[جوري الصالح]

:bbbiu:الــــــريال يحــب يطـــلع طبـــع فيــــهم الاغـــلب
خـــــليه عالراحــــــته لا تصيريـــــن نحـــيسه

 

[زوجة عزيز]

عاد كل يوم لاصعبه خليه يخصص لكم يوم او يومين بالاسبوع يطلعكم ويقعد معاكم الريال موحلو كله بالبيت ولا حلو كله طالع ومايدري عن بيته ومرته

 

[نـعـومـه]

انا ريلي مايروح كل يوم دوانية بس كل يوم طالع يعني مرات قهوه مرات دوانيه مرات مشوار مرات عند اهله بس اذا بنطلع عادي مايروح مكان وانا عندي عادي بس اهم شي موكل يوم ماشوفه الا الفير يعني بإعتدال

 

[سمو ذاااتي]

اي

لازم كل يووم ولا المود يعتفس ونفسيه تصير x

 

[يستفزني غلاك]

يومياااااا يطلع للدوانيه اشوفه شي طبيعي

 

[Broy]

عادي الله معا خل يروح دوانيه قهوه مطعم ماشوف فيها شيء

 

[الأميرة جوري]

اذا لبي كل طلباتي عادي واذا لا نفييييييييييسه اصير لووووووووووووول

 

[Perfume]

اي عادي
بس ما يوعدني ويخلف وعده بالطلعة

 

[al-musk]

اي شي بالاعتدال زين .. يعني ساعتين كل يوم مايظرون بس مو يروح يسنتر هناك 6 ساعات

 

[مذهلة2013]

عادي يروح بس المهم مايكون مقصر بالبيت ولا بزوجته

 

[زين ودلال]

عادي

 

[تبطي عظم!]

بالنسبه لي عادي عليه بالعافيه خل يطلع ويرووح شبي فيه كل شوي بوجهي

خل يطلع بعد انا بشوف نفسي بتدهن واهتم وانظف الشقه والبق مو كله مقابلني مااعرف اسوي شيء وهو موجود
ومرات يطلع واطلع انا لاهلي ونرد بنفس الوقت



ع العموم عمري مانفست على طلعاته بس هو ينفس اذا قلت له بطلع ههههههه

 

[نبضي لك]

إذا يوميا إيه بنفس

وبعد يعتمد على الناس اللي بيطلع معهم

إذا يخافون الله او لا

 

[امـ خــزامـى]

بالنسبه لي يوميا يرووح لمدة ساعتين
واوقات اكثر اهم شي مايتاخر عن 12 بالايام العاديه

اما الويك اند اخر حد 2


واوقات انفس واعصب اذا ابي شي ورفض عشانه بالديوانيه

 

[ايام وردية]

انا بيتوتي واي يرفع ضغطي

مايطلع الا اذا عنده مناسبه ونادر بالاسبوع مره او مرتين


اطير من الوناسه اذا شفته قاعد يتكشخ بيطلع