اذا ريلج جذي سوا انتي شتسوين ؟؟؟

[ktkoota90]

صباح الخير حبايبي

بقولكم موقف وابي ردت فعل كل وحده فيكم ؟!؟!
كنتي طالعه مع ريلج وقاعده اتسولفين معاه وتضحكين وشفتي بنت مرت جدماج عادي ولفيتي ويهج علي ريلج وانتي تضحكين علي السالفه ولا اشوفين ريلج يخز البنت واهي ماشيه ويلف ويها عشان يطالعها تنصدمين وتقوليله شدعوه ليش جذي اطالع يقولج"" شفت شي جذبني مااطالع ""
مع انه البنت كانت حيل عاديه لابسه نظاره شمسه وجينز وبدي وشكلها بسيط وعادي ورايحه بحالها مالها شغل باحد
شتسوين وانتي غاثتج نظرته حق البنت وهم رده لج ماكان عاجبج ؟؟؟؟؟!:eh_s(14):*

 

[Dancing^Queen]

لو انا اكفخه علي راسه واقوله رده فعل طبيعيه شسوي ماقدرت امسك نفسي

 

[mannawy]

ههههههه dancing عجيبه ردة فعلج لازم استخدمها

بصراحه انا بعد انزعج وساعات اطنقر من صجي وساعات اداحره بالله شنو شفت؟ شنو الشي اللي شدك عشان افهم انت شلون تشوف؟ جذي لين تلوع جبده وانسي اقلد اللي عجبته على طول لااااااع بمزاجي
اذا عجبتني وجهة نظره وعجبني الموضوع اغير من نفسي شووووويه مو وايد عشان مايلاحظ وذا لاحظ اقوله هذا طبعي من زمان بس انت عمي

 

[شادن33]

هههههه والله صارلي هالموقف وأحنا قاعدين في السياره ما ادري شنو ننطر
جان تمر وحده نفس اللي قلت عنها جينز وبلوزه قطن بس ماعلق اهو أنا علقت قلت هذولا قطع شلون يمشون جذي لانه صدرها كان ملفت بألبلوزه القطن ههههه
جان يرد وانتي شعليج منهم وكلمه مني وكلمه منه. ..... ويعه تهاوشنا وخربت ألويك اند مالي

مع ان ريلي ماعلق مسكين يمكن بعد ماانتبه بس أنا ملقووووفه يبت البلا لنفسي ههههه
الحين أشوف واسكت ولااييبلي عوار راس

 

[شادن33]

بس اذا ريلج جذي اسلوبه عشان يقهرج لاتعطينه فرصه كل مره يعلق سوي روحج ( لاحيااااه لمن تنااااادي) ينقهر وينططططم

 

[الشهد كله]

عادي أرقعه بأكبر ما عندي​

 

[sh_mashael]

اتوقع طاف

او لمن يمر واحد تمقلي فيه

 

[خوخة 90]

عادي اكفخه اطقه كيفي ردة فعل
لو انه اسوي مثله اهو ما راح يرضه

 

[فوفو22]

طبيعي لانه الرجل مخلوق بصري

لو النظره كانت عاديه

لانه بيني وبينج حنا يا البنات تطير عيونا

على البنات والشباب الملفتين للنظر

ولكن ما تتعدى مرحله نظره فقط لا غير

فوفو

 

[مـوني آلحلووة]

هههههههههههههههههههههههههههههههههه
اقوله لاوالله روح وياها بعد

 

[كويتيه شماليه]

اكيد بزعل ولا اطلع معاه مره ثانيه

 

[راح حبيبي]

انا التفت اطالعها معاه واذا واحد التفت معاه بعد مشكلتي ريلي يخز الكل ويتلفت وايد رقبتي عورتني معاه ههههههههه

انا اقول طنشي لا تعطينه فرصه يقهرج لانه بيكررها وايد وبتتناجرين معاه وحياتج بتصير جذي وطلعاتج نكد بنكد الرياييل بالهم طويل بتعكير المزاج

 

[الأميرة جوري]

احط نفسي ماشفته وجن شي ماصار ليش اييب لنفسي مشاكل

 

[صاعقة بيوتي]

عادي اخليه يطالع اللي يبي بالاخير اهو اللي بيتحمل ذنب اهم شي مايتعدى النظر

 

[بطوووطة$بيضة]

انتي المفروض اطوفين

اصلا احسها فشله اقوله انته ليش اطالع

مادري احس هالكلمة جني مو واثقه من نفسي

 

[dalo0oa121]

طبعا راح احس نفسي ناقصة او مقصرة معاه واذا رحت البيت
بصيح لانه ادري الغلط مني مب منه او اني مب بالمستوى المطلوب
انا عن نفسي ماتزوجت لكن لو تزوجت بصيح ليش يطالع غيري
احس اني اقل منهم

 

[السنافر]

يمكن فيه شي عجبه فيها ويبيني اصير مثلها ويبيني احس على شان احتر واتعدل
سوالف الرياييل جذي ساعات

 

[mi corazon]

جان طلعتي فيها اي عيب

الريال يشوف الشي ككل ما يركز عالتفاصيل نفس المره

جان قلتي ويييع امبيه لاعت جبدي ... شفت الحنه البيضه اللي يم خشمها؟ ويع حسيتها بتنبط بويهنا

 

[-فلانة-]

أووووووووووووووه يا كثر ما تصير هالسالفة معاي..
إذا بالسيارة عادي أطقه على راسه و ساعات قفاه..اللي أقدر أوصله أطقه..
إذا بره جدام الناس أخزه خزة تكرهه عمره ينصدم حسباله مو شايفته و يتعومس..
لا تكدرين خاطرج حبيبتي..
ساعات البنت تكون جذابة خلقة و الحريم يلتفتون عليها قبل الرياييل..
وإحنا بعد يالبنات إذا مر واحد حلو يلفت نظرنا..هذي فطرة بالبني آدم..
مادام المسألة ما تتعدى النظرات فعادي..
خلي روحج مرحة و لا تزعلين..​

 

[تمنيـتگ]

طاف اقووم واخليه يولي