اذا رحتو السينما شلون مع الكتاكيت

[موني^^]

سلام عليكم

شلونكم ياأمهات

انا احتمال اسافر وباخذ ولدي معاي عمره 6 شهور وبدخل سينما بس شلون

اخاف ينزعج ويصارخ واذا نام بيتخررع

انا رفيجاتي قالو لي اشتري شي مثل سماعات الراس اطفال تكون كبيره ومثل الفرو

بس مادري وين يبيعونها

وانتو اذا بتروحون السينما شتسوون مع عيالكم

 

[elzain^kella]

ما أودي بهالعمر .. أتأذى وأأذيه وأأذي الناس .. ووايد دول ما تسمح بدخول الأطفال إلا بأعمار معينه وأفلام مناسبه .. الله يسهل أمورج يارب

 

[همي رضى خالقي]

احس صعبه خاصه اصوات عاليه وفجاه يخترع الياهل

 

[Aloe Vera]

مايصير تدخلينه تزعجين الناس و يمكن ممنوع

 

[لذه السكر]

توه صغيير

والله انا كنت احجز فلم متاخر عال11 جذي يكون نايم

واخليه عند خالتي ام ريلي والخدامه معاهم واذا ويك اند اقطعه على امي وخواتي ما يقصرون


اول مره وديته عمره سنتين الا شوي وديته فلم السنافر حده استانس حبيبي بس اخر الفلم مل من القعده

 

[Q8_QT]

هالعمر وايد صغير على السينما حرام يخترع من الظلمة والصوت العالي

 

[♥MaSteRiyA♥]

الله يخلي أمي وخواتي :eh_s(7):

صارلي أربع أشهر من ولدت وليلحيني عندهم

مدلعيني وآنا مستمتعة عالوضع ​

 

[M.O.F]

انا اول مره اخذ ولدي بالسفر كان عمره ٧ شهور

كنت اضطر اتنازل وماروح اماكن معينه لانها ماتناسب وجود طفل فيها

فانصحج يا تحطين له بيبي ستر وتخلينه بالفندق لانه كلش ماينفع تاخذينه معاج
او تجربين سالفه السماعه يمكن تلاقينها بالديره اللي بتروحين لها

 

[نجمة_الكون]

بو 6 شهور ما ينفع معاه سينما اذا بجا فشله

 

[Nokia N95]

يمكن ما يدخلونج السينما معاه

 

[M!SS.LOBY]

الله يحفظه مو زين حقه الاصوات العاليه

 

[baa6aa]

عادي دخليه معاج و نفس ماقالولج اذا تبين تشترين اللي جنهم سماعات
تلقينهم بكل مكان اذا سافرتي

واذا تبين تشوفين يستنكر الوضع او لا وانتي بالبيت وانتو قاعدين كل شوي علي التلفزيون جم درجة عشان تشوفين شنو الوضع
انا جذي سويت و اكتشفت ان اشوه متقبله حتى اذا حطيت فلم و عليته ماتنتسكر
واذا نامت اغطيها عشان ماتفز من الاصوات حيل

 

[فيلجاويه كيوت]

مو لازم سينما دام معاج طفل بهالعمر

 

[Pink_Roses]

اذا بتروحين اوروبا او امريكا حاطين شرط العمر يعني في افلام حق 16 سنة وفوق او 18 وفوق الاطفال مسموح يدشنو بس افلام الاطفال يعني ماراح يدخلونج

 

[fofowa_q8]

بهالعمر صعبة لا انتي بتتهنين بالفلم ولا ريلج

والبيبي بينزعج ويتأذى حرام

حاولي تعوضين باماكن ثانية غير السينما

 

[انتيكا]

6شهور اذا مو مضطره تاخذينه خليه عند امج او ام زوجج مايفهم وبيتعب بالسفر اما اذا مضطره لاتدخلينه سينما حرام بيتضايق وانتي اصلا ماراح تستمتعين

 

[شندوخه]

لااا حرام عليج يزر عقله من الصوت
ومهما كان السماعات ماتعزل الصوت كامل

واصلا ماراح يدخلونه السينما

مو لازم وانتي مسافره تدشين سينما مو شي اساسي بالسفر .. السينمات مكوده عندنا بالكويت