اذا خالتج سافرت او صار عندها ظرف ... تقعدين؟؟؟

[muhrat uboha.]

بناااات ابيكم تجاوبوون بصراااحه
اذا خالتج سافرت او صار عندها ظرف كبيير وما تقدر تقعد بالبيت
و حموينج صغاار تجاابلينهم تقعديين معاهم؟؟؟
تهتمين فيهم ووتشوفين نااقصهم شي ولا
تروحين بيت اهلج ولمن ترجع ترجعين
او تكملين حياتج ومالج شغل فييهم؟؟:rgewrg:

بنااات حييل مقهوووره امي مسافره مع خالي رحلت علاااج
واخوي مسافر وراهم على طوول عنده شغل
تخيلوو اول ما سافر ثاني يوووم زوجته راحت بيت اهلها
وانا نص يومي بجامعه واخوااني الصغار اعمارهم 7 و 8 مادري عنهم
بحكم اني اقعد لي بليل بجامعه
وامس اخوي رد من السفر اهيه قبلها بيووم رجعت
عشان تبينله انه شوووف تراني قاعده معااااهم ومهتمه فييهم
واااي حيييل مقهووووره انا البيت كللله كاان علي :rgewrg::rgewrg:
يعني جد حررركه بااايخه طبعا مو اول مره تسويها
كل هاذا بس عشان مالها خلق مسووليه
​

 

[ناتشوو]

تبين الواقع ؟
الواقع يقول
ان مرت الولد
مو مسؤوليتها اهل زوجها
نعمة اذا فكتهم من شرها ولسانها
وبالنسبة لمرت اخوج
هل انت طلبت مساعدتها وطنشت
بصراحة الواحد يحس يالله يتحمل نفسه
وردتها لبيتها قبل اخوج بيوم
مو قصدها تراني ماقصرت
بس اكيد علشان يمدي ترتب بيتها وتنظفه
ومهما كان تظل هي بنت اهلها
وانت واجبج تشيلين المسؤولية بغياب امج
الله يردها بالسلامة

 

[Patcholli]

لا طبعا مرت اخوج اهي مرت اخوج بروحه مو حق البيت كله ^_^
عندها بيتها وزوجها ويمكن عيالها وهاذي مسؤليتها بس
اخوانج مسؤليتكم انتو (( الام - الابو - الاخوان - العمات - الخالات - اليده ))
مرت الاخو كلش كلش كلشششششششششش مو شغلها تقعد وياكم
ان قعدت فهاذا من طيبها وعمل تشكر عليه
وان اطلعت فهاذا شي طبيعي وعادي جدا بعد خصوصا اذا اخوج مو موصيها تقعد وياكم
يمكن انتي تحسين بالظغط عشان جذي تبين احد معاج ومافيها شي لو طلبتي مساعدتها
والله يرد امج بالسلامه يااااااااااااااااااااارب

 

[ReD&FoSHia]

ما يستاهل الموضوع كل هالزعل
يمكن انتي مضغوطة بس هل انتي سالتيها واهيا جاوبت بروحتها
اهو المعروف انها مالها شغل فيكم
لو ساعدت يبين معدنها الطيب
بس شكلها قالت شلي بالمشاكل و المسؤولية فراحت اتريح بعد تستانس
تراهي مو غلطانة وال7 و 8 على قولتج ترا يعتمد عليهم و لازم يشيلون مسؤولية نفسهم

 

[قـــمـــرهم]

الصراااااحه ..

انه مرت اخوووج مالها شغل باخوانج !!!

انتي المسؤوله عنهم واذا ماتقدرين ..



وين خواتج؟

حتا لو متزوجات مايضر تقعد اسبوع اسبوعين شهررر


في بيت اهلها لين ترد امج ..



وبالنسبه لج يعني لي متى بتقعدين بالجامعه!!!

لي المغرب !!!

اخوانج الصبح مدرسه يردون ع ال2

الخدامه تكون مجهزتلهم الغدا يتغدون يناموناو يتابعون التي في

لين تردين ..

وانتي تابعيها بالفون كل شوي دقي ع البيت والخدامه جيكي عليهم ..


ومرت اخوج مسؤوله عن عيالها وبيتها بسسسسس

اذا بتقعد عند اخوانج جزاها الله الخير بس محد يقدر يجبرهااا ولا هي ملزومه

فيهم ...


وسالفة انها رجعت قبل رجعت اخوج بيوم عاااااادي شالمشكله

ردت تنظف شقتها وتضبط وضعها وتستقبل زوجها

 

[orange blossom]

حبيبتي صعبه تحملين مرت الأخو مسؤولية اخوان زوجها
الا اذا اهي بنفسها قالت
و بعدين قبل لا امج و اخوج يسافرون كان المفروض ان يصير اتفاق على اليهال
منو راح يجابلهم اذا انتي عندج جامعه
و الله يشافي امج يارب و يردها بالسلامة

 

[مسؤولة تعيين]

صج امركم غريب يالحموات
هي شكو تقعد وريلها مسافر؟؟؟؟
لا والله اروح بيت اهلي واستانس واغير جو وارجع فريش
والصراحه لو مهما كانت زينه وبنت حلال هم ماتقعد تجابل اخوانج وانتي بالجامعه وامج مسافره ؟؟؟
يعني تبين الغريبه تجابل بيت اهل ريلها وانتي البنت تبين تروحين الجامعه على راحتج ؟؟؟شايفتها صح

 

[Shinexo]

لو آبوج محد و آخوج ومآلج خوآت

وهدتج فآلبيت ورآحت :\

جذي مآتستحي ولآ تخيل على ويهآ

آنآ آفترض من هآلسينآريو يعني ~

شلون تخليج آنتي بنت تتحملين مسؤولية بيت ويهآلين وخدم

صح مب مسؤوله بس مثل مآتقعد فآلبيت و تنخدم تصير سنعه و تقعد ويىج شكو تروح عند آهلهآ خآيفه آلبعبع يآكلهآ ؟

بس آذآ لج خوآت آو شي هم مآله دآعي تسآفر ترى آنتوآ فآلبيت يعني مفروض يكون هم بيتهآ

لو آنآ ! مرآح آطلع دآم في يهآل و بنيه في آلبيت ع آلآقل سبحآن آلله يصير شي ولآ شي آنآ آكون موجوده آللي مفروض آلمتزوجه آلعآقله , وهم بعتبره بيتي دآم عآيشه فيه مآله دآعي آطلع ..

 

[رسيل المطيري]

بصــــــــــــــــــراحه لو انــي بمكااانك استاااانس اذا راحت لاهلها
كاافي مسؤووليه اخوااني مو بعد مقاابله زوجه اخوي
ومـــاا لها اي دخل في اهل زوجها لو جلست وسااعدتك ^^ طبعا فيه تجلس وتبي احد يقاابلها ^^
هذا من طيبهااا

والله يعينك انا اكبر البيت وحاااسه في معاانااتك
وان شااء الله ترجع الوالده بسسسلامه وتقر عينك حبيبتي

 

[أميرة-]

ممممم

اهي مسئووله عن زوجها وعيالها بس حموانها لو كانوا صغار فهم مو مسئوليتها لو طلع منها شي فهو طيب منها

 

[muhrat uboha.]

معاااكم حق كلكم انه اهيه مالها شغل فينا بس يووم تيي جدام النااااس وزوجها انه شوفووني انا شايله البيت كللله وانا الي مو مقصره معاهم عادي؟؟ ​

:eh_s(10):

بنظرري كلللش مو عادي وهاذا نفاااق ​

 

[انثى عاشقة]

مو مسؤليتها اخوانج !!
هي متزوجة واحد ومسؤولة عنه وعن عياله

هذي مسؤوليتج انتي
بنت الناس ماغلطت ريلها مسافر اكيد بتروح لاهلها هذا الوضع الطبيعي
مالج حق تزعلين الصراحة !!!

 

[انثى عاشقة]

بالنسبة لردج الثاني
يمكن هي كلامها تقصد انها مهي مقصرة مع اخوكم وعياله
وهذا واجبها وبس
مهي ملزومة بكل البيت
هذا الحق مايزعل وانا اختج

 

[دلوعت عيود]

لا شكوووو

الحين خالتي تسافر ماقعد عندهم انا


عندهم خواتهم الكبار


انا امر اسلم بو نص ساعه او ساعه

بس بس اني اجابلهم لا


انا ليمن استمرض مايفقدوني


الحين اقعد لا اخواني اولى باهتمامي و انا متزوجه اخوهم مو اهم

 

[دلوعت عيود]

و تكفين الزوج بروحه مسوؤليه مايمديني اخلص طلباته الا منهد حيلي

 

[دلوعت عيود]

بس اخوانج مسوؤليتج انتي مو اهي مهما كانت اهي غريبه عنكم

و ماراح تتحمل كثر

و كافي طلبات زوجها و اعيالها


و انا بالبدايه قلت عن نفسي لان خالتي سوت فيني هالحركه بس انا مو مسوؤله عنهم عندهم خواتهم و اخوانهم انا اللهم زوجي و اخواني

 

[دلوعت عيود]

وصدقيني مو كره هالشي بس هذا واقع و حق

 

[Patcholli]

حبيبتي بخصوص ردج الثاني ماله علاقه بالموضوع الاساسي
انتي كان سؤالج الجنه تقعد ولا لا ..

وبعدين غيرتي الموضوع وقلتي تتشيحط جدام الناس ..

موضوعين مختلفين المفروض كنتي تقولين جذي من البدايه

حبيبتي كل واحد يحب يطلع روحه زين جدام الناس بس بالنهايه الناس شايفين
يعني مو معقوله ريلها مايدري انها عند اهلها مستحيل
واذا مايدري اكيد انتو قايلينله ..

ومنو بعد باجي الناس انتي تقولين اهي ثاني يوم راحت بيت اهلها يعني مامداها تشوف احد من اهلكم وتتشيحط جدامه ..؟

 

[دلوعت عيود]

الحين لحظه مرت الاخو تقعد تجابل البيت

و اهم طالعين


وعاد تدرون سويتها مره قلت بصير سنعه حمواتي وحده كبري ووحده عمرها ١٩ كبار قلت بقعد عندهم لان خالتي مسافره و اساسا انا بشقتي بروحي و اضطريت انام عندهم قلت حرام خواتهم لاهين مع رياييل و انا هامله زوجي عشانهم انصدم يطلعون و انا كاني مزهريه ويخلوني و اللي ذابحني مايفكرون يقولون امشي انا معاكم قاعده عشانكم

بس عقبها بو لباس خلاص اقدر و مايقدرون اوك وحده منهم مريضه اروح اتطمن خالتي مسافره امر اتطمن بس انام و اجابل نو وي انا ليمن استمرض مايفقدون الحين انا حامل و قاعده بيت اهلي عبالكم احد فقدني ولا احد يابوووي

 

[دلوعت عيود]

الموضوع الاول مو راكب مع الثاني


تتشيحط خلاص كيفها تبي تطلع بالزينه يدام زوجهاا