اذا تمنيــتي استرجاع فتره من فترات حياتج ..فأي فتره تريدين استرجاعها ؟

[عذوووب85]

اذا تمنيــتي استرجاع فتره من فترات حياتج ..فأي فتره تريدين استرجاعها ؟


هناك فترات كثيرة في حياتنا قد مضت
فترات صعبة...
وفترات جميلة...
وفترات نتمنى لو نستطيع إسترجاعها

نحن البشر نتمنى عدة أشياء
ولكن ماذا نفعل ما باليد حيلة ؟

ولابد من التجديد والتغيير هو أكثر الثوابت في حياتنا التي نحتاجها
باستمرار كاحتياجنا للماء والهواء ...

السؤال هو :
إذا تمنيتي إسترجاع فترة من فترات حياتك

فأي فترة تريدين أن تعيشيها مرة أخرى؟


منقووووول

 

[طمــوح]

هلا و الله عذووووبه


و الله ما احس اني ودي ارد اي فتره من حياتي .. أول كنت أحس بهالشعور خصوصا لما احس ان الأيام اللي أول كانت أونس و أحلى و ألحين متضايقة .. بس لما افكر ان كله فتره لها حلاوتها و ميزتها و ان الحياة بسمة و دمعة و ان اذا كان اليوم بسمة باجر دمعة و اذا اليوم دمعة باجر بسمة ..

لأن هاذي الدينا يوم لك و يوم عليك و لازم أرضى بكل شي فأعيش حياتي بابتسامه و ضحكه و احب كل شي فيها و اتوكل على ربي عشان ارتااااح


مشكوووووووووووره حبيبتي عالموضوع الحلو

 

[^SwEeTa^]

والله موضوعج وايد حلو حبوبه .. و موضوع ذو شجون الصراحه

ايــــــــــــــــــــــــــــــه .. قلبه متروووووسااااه

انا أبي أرجع حق فترة طفولتي .. ما كنت أشيل هم شي غير ألعابي و شوية من ملاقة صديقاتي اهئ اهئ اهئ

أبي أرجع لسنة 1987

أو أرجع سنة 2000 .. أيام الجامعة .. هم ما كان عندي شي أفكر فيه غير لبسي و مكياجي

يلا .. الحمدلله على كل حال .. الحيااااااه حلواااه دررررم

 

[عذوووب85]

بالنسبة لي


ودي ترجع أيام الجامعة والدراسة لأني تخرجت وللحين ما توظفت زهقاااااااااااااااااااااانة حدي

بنات تكفون ادعولي عسى الله يوفقني في الوظيفة اللي قدمت عليها شهر 4 المقابلة ان شاء الله

اللهم آمين

 

[أعقل هبله ^_^]

يسلمو على الموضوع الغاوي

بالنسبه لي


احسن فتره هي اكيد فترة الطفوله لانك تكوني طول الوقت مبسوطه ومافي شي يشغلك وحياة كلها براءه

 

[مـ سهله ـو]

لاااااا انا ودي ارد فترة 2 ثانوي انا الحين رابعة وتعرفون هالسنة تتحملون اللقافة والشطانة لازم هدوووء والله ملل وانا اغصب حالي على اللقافة والثقالة 2 ثانوي محد يكلمني لعب بلعب


مشكوووورة حبيبتي على الموضوع

 

[جنان الورد]

ارد ايام الثانويه واحلل كل لحظه فيها

ليت الزمن يرجع ورى ولا الليالي تدور
ويرجع وقتنا الاول وننعم في بساطتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا

 

[أمونه الأموره 2007]

واااااااااااااااااااااااااااي ودي ارجع لفترة الطفووله الله ياااااااااااحلاااتها
والله أيااااااااام أحلى أيااااااااام حيااتي

الله يساامحج احس ودي ابجي

 

[spanish-girl]

صباح الخير

الصراحة لو حاصلي جان رديت ايام الثانويه احلى ايام

 

[فوفه]

آآآآآآآه يا قلبي ودي ارجع حق آخر ايام الطفوله

سنة 1987

صج صج احلى ايام

:0bee2e8d89:

عوار قلب


ها بجيتكم

:krkrkr:

 

[الحب الخالد]

انا كله مرحله بعمري له ذكرى طيبه وذكرى مؤلمه بس الواحد يقول الحمدالله

بس اتمنى اتمنى اتمنى ارجع اعيش طفولتي مره ثانيه وااااااااااايد كانت حلوه واتونس وايد مو اشويه
احلى شي اليمعات مع بنات واعيال الخالات والعمات وناااااااااسه

ميرسي على الموضوع

 

[عرموشة]

بصراحه ما ودي ارجع لي فترة بس ودي امسح فترة من عمري

 

[عذوووب85]

العفو ،،، على تفاعلكم مع الموضوع

 

[Tangled]

من غير تفكير ارد ايام المراهقة والثنوية واااااااااااااي ده كان زماااااااااااااان اخيه ارد هالايام لأن للأسف كان بخاطري ألت جم وحدة كف افر ويوههم فيه بس للأسف وقتها كنت حاطة حساب حق وايد ناس لو ترد هالايام الكف اييلهم من غير حساب حق اي احد

 

[فطومه الحلوة]

اي والله انا بعد ودي ارد ايام الثانويه صج كانت ايام حلوه و كل لحظه فيها عزيزه علي

 

[q8**girl]

ابي اررد قبل 3 اسنيين واصلح غلطتي وغبائي

 

[برشلونيه]

ولا فتره من فترات حياتي اتمنى اردها


وانشالله الفترات اليايه تكون احسن واريّح من الحين


شكراً ع الطرح

 

[عذوووب85]

 

[3arostk ana]

يونس الموضوع دخلت عليه على طووووووووووووول

ايه ابي ارجـــــــــــع



الــــــــــــــــــــثانــــــــــــوي


احلى مرحله بحياااااااااااتي


ياليتني ارجع لو يوم واحد منه

 

[!!wawie!!]

ابي مرحلة الروضه..واي جان زين ارد لو يوم