اذا تقدم لج واحد جذي ترضين ؟؟ تكفون رايكم

[soso-87]

السلام عليكم شلونكم بنات شخباركم
ماراح اطول عليكم
بس رفيجتي تقدم لها واحد تقريبا كل شي فيه زين وتقول الاختلافات بسيطه وممكن نتفق عليها يعني سالفه لا تحطين مكياج وهالسوالف
بس المشكله الولد عمره 32 واهي 24 .. بالبدايه قالت عادي ما همها

لمن بعدين امها وابوها يقولون لها الصبي كبير ما تبينه .. ورايحين رادين يقولون الصبي كبير والصبي كبير واهي محتاره .. تقول حطوا السالفه ببالي وحيروني

شنو رايكم .؟؟ تقبلون تاخذون واحد اكبر منكم ب 9 سنين ؟؟؟؟؟؟؟؟

واهي الصراحه تقول اخاف باجر صج يصير ماله خلق يربي عياله .. وهم من الناحيه الجنسيه تقول يكبر بسرعه وانا بعدي صغيره .. فتبي مشورتكم ... اللي ريلها كبير خل تفيدنا

وشاكرتلكم

 

[Stylista_Q8]

خآلتي تزوجت وإهي صغيرة بعد وفرق بينهآ وَبين ريلهآ ١٠ سنين

ويمووت عليهآ مآشآلله ومآفرق عليهآ وآيد

فَ مو شرط يعني

ورفيجتج مو صغيره بعد ٢٤ سنة يعني إنسآنة وآعية وَفآهمة .،

فَ خل تستخير ومآعليهآ من العمر . .

والله يجدملهآ اللي فيه الخير إن شآلله

 

[law love]

ما عندها سالفه لو انا اوافق

بس خل المتزوجات يقولون رايهم اهما ادرى

 

[Moi belle]

اممممم عن نفسي ما اقبل خل يتزوج وحده من عمرا مو بعد ماطاف علي سن الزواج اي حقي جدامي العمر كلا ان شاء الله بي الاكبر مني بشوي وخيها ع راي امها وابوها لان والله مافي احسن منهم علشان يختارون حق عيالهم ودورولهم الزين ووان شا الله ايلها واحد ولا احسن منا ومن عمرها انا اقول جذي لان خالي عمرا 32 واحس جيلا وتفكيرا غيررررررررررر عني بتاتا

 

[soso-87]

مشكورين عالرد

وننطر المتزوجات

 

[blue diamond]

بالعكس مو كبير عليها ولا شي
اذا كان الريال اكبر منها ب 15 سنه ذيك الساعه تقول كبير مو ب 8 سنين ​

 

[مسك الاثاره]

بالعكس تاخذلها واحد كبير وفاهم احسنلها من واحد بعمرها
بعدين يعني 30 مو كبير وااايد
اذا الريااااال زين خل تتوكل عالله وتوافق

 

[نجاة80]

عادي حبي

انا ريلي اكبر مني ب8 سنين

 

[Gatwa]

والله مادري
!! ماحبيت ما ارد على الموضوع
الله يكتب الي فيه الخير
بس يمكن الكبير احسن من الصغير !!ويكون قد المسؤليه

 

[دغبووجه]

خل تتوكل على الله والسنين اللي بينهم مو وايد

واشتبي بواحد بعمرها باجر يعلها ولا يفهم بالمسئوليه ولا شي

بهالوقت الشباب صايرين خرطي بين الف تلاقين واحد يفهم شنو يعني بيت وزوجه

وترى عمر خطيبها احلى عمر بالنسبه للرجال عمر النضوووج والعقل

الله يوفقها

 

[ترانيم القصيم]

إيــه أوافق ,,

أحسن لها تآخذ واحد ناضج بما يكفي و عاقل ,

مرة العمر مناسب و ما به شي ,,

 

[لميس نفسي]

خل تصلي استخاره

وبعدين ترى الفرق مو وايد كبير

انا رفيجتي عمرها 20 وزوجها 31
ورفيجتي الثانيه عمرها 21 وزوجها 30
والثالثه 21 وزوجها بعد 33

وكلهم مستانسات ماشاء الله

وبعدين الررريال حلاته كبير ...

والله يهنيهم ويكتب اللي فيه الخير . ..

 

[باربية الكوووويت]

ايه اوافق فرق مو كبير واهي مو صغيره ام 16 ولا 17

 

[LuLiTa]

خل تستخير و الله يكتب اللي فيه الخير ,,,

 

[soso-87]

مشكورين حبيباتي عالرد
ما قصرتوااا

 

[انا لحبيبي .]

صاحبتك مو صغيره حبيبتي ، والشب كبير سنه منيح الها

الله يتمملها على خير ​

 

[روح مغليهآ]

رفيجتج 24 مره مو صغيره

والريال 32 عز الشباب

وكلها 8 سنين حسستيني انهم 15 سنه

الريال اذا زين خل اتوافق الفرصه اتيي بالعمر مره وحده طبعا بعد الاستخاره وشور الاهل ,,

 

[Om_Ksha]

شدعوه مو من كبره .. زين 31

وبعدين الريال مايبين عليه الكبر نفس المره ,,

 

[Miss McDonald]

رفيجتج مو صغيرة!!!
وفرق العمر مو كبير خل توافق وتتوكل علا الله والله يكتب لها الخيررر

 

[M!SS MAY]

لو اني بمكانها حمدت ربي وتزوجت..
مايهم العمر كثر ماتهم الاخلاق وقدرته على تحمل المسؤليه