اذا تقدملج ولد عمج و رفضتيه.. شنو موقف اهلج منج..؟؟

[Lulu_Perla]

السلام عليكم بنات..

شلوووونكم شخباركم..؟؟؟


من العنوان..
متقدملي ولد عمي..
و انا هالانسان اكرهه من الله ما احبه كلش ملش
و مو هذا السبب الوحيد
هو مطلق و دخله جدا محدود و ماعنده شهادة و جداً عصبي لدرجة التصرقع

انصدمت صراحة انه مفكر فيني..!!!

لما رفضته و حتى بدون اي تردد و تفكير
و بعدين عرفت انه من صج يبيني و انه هو اللي مختار بنفسه
و انصحوني بنات عمي ((مو خواته)) اني استخير..
و فعلا استخرت.. و الجواب كما هو ما تغير..

بس بعدين..
حسيت ان اهلي منصدمين من ردي..!!!!
شلون ترفضين ولد عمج و تخلين الناس يتكلمون فينا..!!!!!!!!!!!!!!!!!!!!!!!!!!

شنو هالتفكير الرجعي جداً..؟؟؟؟؟
احنا ماعندنا سالفة مالج الا ولد عمج
و اغلب الشباب و البنات عندنا ماخذين من برة العايلة

بس اللي شفته منهم اني اتخذت قرار غلط.. و اني ماكان لازم ارده
و ولد عمج واولى من الغريب..!!!

و عمي الل اهو ابوه عريس الغفلة مشين النفس علي..!!!
و عريس الغفلة اذا صادفته صاير بس يخز فيني ..!!


معقولة يكون قراري غلط..؟؟؟؟
معقولة يكون من صج يبيني..؟؟؟

بس انا اكرهه مابيه..!!!!!!!!!!!!!
و لا تسئلوني ليش اكرهه..!!
من اشوفه بالزوارة اقول اووووووووووووووووووووووووووف..!!
من انا اياهل ما احبه..

اللي صدمني راي الاهل بالسالفة..!
مادري ليش كانوا متوقعين موافقتي و مو حاطين في بالهم اني ارفض لانه ولد عمي..!!!

الزوارة اليوم.. و مالي خلق اروح و السبة هالسالفة


شرايكم انتوا ..؟؟

 

[آطخمـُ عنزيـهِ]

رد : اذا تقدملج ولد عمج و رفضتيه.. شنو موقف اهلج منج..؟؟

نفس الشي انا تقدملي ولد عمي ورفضته لاني اعتبره مثل اخوي مو اكثر

مع اني كنت عارفه انه يحبني والكل عارف وهالشي كان باين من نظراته لي

ورفضته بس موقف اهلي عادي ماتضايقوا ولاشي

بس خواته مع انهم مقربين مني حيل زعلوا علي بس الحين عادي

...........

بس موقف اهلج غريب شكو يتحجون فيكم الناس

شمسويه انتي

قوليلهم الزواج قسمه ونصيب ومو غصب

حتى لو شفتيه بالزواره تصرفي معاه بشكل عادي

الله يعينج

 

[((المزيونه))]

حبيتبي هاذا قرارج والمفروووووض محد يزعل لان هاذي ما فيها مجامله هاذي حياااه

وعااااادي روحي

واذا انتي حابه تفكرين مره 2 استخيري

والي ربج كاتبه بيصير

 

[مليت من الاسامي]

عااادي واذا ولد عمممج
هذا النصيب ليش اهلج كذا
وخاصة انج استخرتتي خلاص قولي لهم استخرت اكثر من مره ومارتحت وهو مو من نصيبي

 

[بـ سـ كـ وتـ ة]

رد : اذا تقدملج ولد عمج و رفضتيه.. شنو موقف اهلج منج..؟؟

والله حبيبتي روحي الزوارة ومالج شغل

الزواج مو غصب ومحد يجبرج على شخص ما تبينه

الزواج عشرة عمر مو يوم ولا يومين

عالأقل المفروض يكون في بينكم ألفة

وبالنسبة لتعاملهم هالشي الوقت كفيل بإنه يصلحه

باجر إذا الله عطاه بنت الحلال وارتاح معاها كل الأمور بترجع طبيعية

لا تحاتين ولا تشغلين بالج



​

 

[Lulu_Perla]

يعطيكم العافية بنات..

حاولت اتخيل اني قاعدة يمه على الكوشة لاعت جبدي ويـــــــــــــــــــــع
مستحيل اتخيله زوجي..

اقولهم هو يحبني كيفه بس انا ما احبه...!!!!!
و قلت لهم هذا قسمة و نصيب..
و انا استخرت و كل شي
بس نظرتهم تحسسني اني حدي شريرة..!!!


حسيت معاملة عمي مو مثل اول
و قمت اتجنب اشوفه
و هذاك يطالعني جني بايقة حلاله..!!!!

انا حدي انصدمت و مو عارفة اتصرف
ابوي كلمني لين اقتنع اني من صج مو موافقة و مخليني على راحتي..
بس انا اتكلم عن البعاد شوي

 

[ليمونه حلوه]

الزواج ايجاب وقبول .. وخير ياطير ولد عمج .. مو مجبوره توافقين اذا انتى مو مقتنعة فيه ..


واذا على الاهل عاادى حبوبه باجر يطخوون ..


رووحى الزواره وخليج طبيعيه .. واذا مالج خلق لاترووحين ..


دايم الاهل عندكم فكره ازليه ان ولد العم اولى فيج من الغريب .. حتى لو فيه عذاريب الدنيا .. هم اولى لوووووووووووول

 

[شندوخه]

رد : اذا تقدملج ولد عمج و رفضتيه.. شنو موقف اهلج منج..؟؟

دام انتي كارهته ولا تطيقينه وهذي تصرفاته
صراحه انتي مو مجبوره تجاملين خاصه بمساله الزواج هذا عمر مو يوم ولا يومين
لاتجاملين اهلج على حساب حياتج
وشكو الناس يااما بنات ارفضو زواج الاقارب شي عادي

 

[noo7a]

يزعلون يوم ولا يومين
احسن من تاخذينه و يصير بينكم شي لاسمح الله و تنفصلون
و يزعلون العمر كله

 

[ذاب قلبي لربي]

رد : اذا تقدملج ولد عمج و رفضتيه.. شنو موقف اهلج منج..؟؟

جوووووووفي انا انخطب 3 من عيال عمي عاااااااااااااااادي تري الزواج قسمه ونصيب


رفضتهم مره واحده علشان لا ازعل احد :$

 

[فز^الخفوق]

رد : اذا تقدملج ولد عمج و رفضتيه.. شنو موقف اهلج منج..؟؟

الله فكج يخزون وحاقدين بس عشان رفضتيه زين انج ماوافقتي

روحي الزواره وفرفشي واضحكي ولا تهتمين له

وخليهم يحترون هههه والله

وكأن الشي ماصار انسى واهم مردهم بينسون


والزواج قسمه ونصيب:d

​

 

[LuLiTa]

الزواج ايجاب وقبول .. وخير ياطير ولد عمج .. مو مجبوره توافقين اذا انتى مو مقتنعة فيه ..


واذا على الاهل عاادى حبوبه باجر يطخوون ..


رووحى الزواره وخليج طبيعيه .. واذا مالج خلق لاترووحين ..


دايم الاهل عندكم فكره ازليه ان ولد العم اولى فيج من الغريب .. حتى لو فيه عذاريب الدنيا .. هم اولى لوووووووووووول

صااجه ,,, هذا زواج مافيه مجاملة ! :rgewrg: حياتج و انتي حرة فيها

 

[عاشقة_الجمال]

عادي حبيبتي

انا تقدملي ولد عمي ورفضته واهلي عادي

بعد الوحده ما يصير تعيش ويا واحد غصبن عنها بس ليش ان ولد عمها

وين قاعديننننننننننننننننننننن !!!!!!!!!!@@@@@@@@@@@!!!!!!!!!!!!

 

[يمة يادلبي]

الي يبي يزعل مايشوف شر
خو هذا زواج مو يوم او يومين او ثلاث سنييييييييييين وبنييييين يبونج اتعيشين معاه على ابو ان مجاملة ؟؟؟؟

 

[ماسيتي]

((وعسى ان تكرهوا شيئا وهوا خيرا لكم )) صلي مره مرتين استخاره وشوفي يمكن خيره واهلج ماعليه يمكن ينظرون انه ينفعلج اكثر من غيره عرفتي اخذي الموضوع بهداوه وروحي الزواره ورفعي راسج

 

[Spoildish]

بما اني وحده اصلا ضد زواج الاهل وماحبه لمن تقدملي ولد عمتي رفضته و 2 من عيا خالاتي وبعد رفضتهم عادي الوضع مثل ماقالوا بعض البنات الزواج مو غصب
:e3:

 

[Lulu_Perla]

انا مثلكم مستغربة و كل شوي قلت شكووووووووو و وين قاعدين..!!!!!!!


مشكوريــــــــــــن حبيباتي ما تقصرووووون
رفعتوا معنوياتي
:*

 

[what's up]

ههههههههههههههههههههههههههههه
انا بعد تقدم لي ولد عمي بس ابوي ارفضاه حتى ما عطاني خبر لنفس اسبابج تقريبا
انه ما عنده شهاده ولا وظيفه
بس عاد انتي ادهى فوق كل هذا عصبي لا يا معوده فتكي
يوم ولا يومين بعصبون بعدين بينسون السالفه
شلون تبين تاخذين واحد انتي كارهته
و فوق هذا مطلق
لا تتاثرين باحد
و بلزوارة خليج عادي تبسمي و تكلمي في برود

 

[FeShinGoOo]

رد : اذا تقدملج ولد عمج و رفضتيه.. شنو موقف اهلج منج..؟؟

قوليلهم العيب مو فيه واهو ولد عمي والنعم بس انا مابي مطلق ..
بعدين عادي هالنظره بس عشان يجبرونج عالزواج .. انا ولد خالتي كان خاطبني وامي تقول خالتج تزعل وهذا ولد خالتج احسن من الغريب .. قتلها حاله حال اي ريال ثاني يمكن يكون زين ويمكن يكون شين ولد خالتي مو ملاك ..
وامي زعلت وعصبت وكانت تحن .. للعلم اهو ظل يخطبني من عمري 16 سنه لين كملت ال 23 ..
وانا دايما ارفض .. وامي تزعل ..
كاني الحين اتزوجت ومستانسه ويا زوجي محد غصبني على انسان مابيه واهلي راضين علي بس كانو يزعلون حزة الحزة بس ينسون بعد اسبوع ولا اسبوعين حدهم

 

[om-3wenat]

انا تقدملي ولد عمي اووول ما تخرت من الثنوية انصدمت
ما توقعتة يفكر فيني
خصوصا اني اكرهه و مبين هالشي علي
اهلي من النوع اللي روح بعيد و ارجع سالم
ابوي ما كان موافق اصلا
بس قالي الراي رايج اذا تبينة ما اوقف بطريجكم

استغربت من ردة فعل اهلج الله يعينج
حاولي تفهمينهم ان كل شي قسمة و نصيب و انتي استخرتي و ما ارتحتي
اللي بيسمع كلام الناس بيتعب و يضيع
و ماكو شي بغالصب !!