اذا احد لحقج تقولين حق ريلج ؟

[in style]

اهلين بنات


اذا كنتي بمكان و واحد لحقج او صار موقف مثلا بالدوام واحد معجب و قطلج كلام هل تقولين حق ريلج او لا
؟؟


طبعا انا كنت ضد ان اقول لان بالنهايه مو مهم لاني مابي اضايق ريلي بهالكلام

لكن

احس ساعات تصير موااقف وددي اقوول عشان يغار لووول مادري بس امسك نفسي ومااقوله

يالله شاركوني تقولون او لا

 

[عيون القرناس]

رد : اذا احد لحقج تقولين حق ريلج ؟

بصراحه مو حلو تقولين له لانه بيحتر عالفاضي حرام واللي يلحقون ويغازلون هذولا امراض نفسيه اتحاشاهم واصدهم ولا اشيل همهم حق زوجي

 

[ام محمد الشمري]

عادي شالمشكله الحمدلله واثفه بنفسي واثق فيني

 

[in style]

واذا باط جبدج وصاير ماكو احساس

 

[سارووونه22]

اي اقول له

 

[امواج الكويت]

اي اقوله عادي

 

[missnohaa]

اول كنت اقول الحين لا والف لا

مره تحرش فينى واحد وكان ريلى بعيد عنى

الريال مابغى اللى عمره

والله ياو السكيورتى ملوت المول وشالوه من ريلى جان الحين الريال ميت وريلى بالسجن

لالالالالالا ديروا بالكم يامتزوجات تقولون حق رياييلكم

 

[مس كرز]

رد : اذا احد لحقج تقولين حق ريلج ؟

يمه حدي خوافه من هالمواقف اقول واقول لانه الصراح اساس الحياه السعيده الله يخلي لي

 

[chanel N22]

حسب الموقف

 

[G!RLooNa]

احس ماله داعي عاد غقد الرياييل يمكن يقولج خلاص ماتطلعين بعد الا معاي و يحكرج ليش عاد تخربون على روحكم

 

[in style]

مشكورين عالمشاركه

missnooha اهوا صح كلامج بس انا لان باط جبدي ماكو غاريه صاير لول ما كان جذي فودي اقوله

 

[نشيج الروح]

على حسب ريلج وشخصيته وردة فعله ...

 

[فاقده ابوهاااا]

رد : اذا احد لحقج تقولين حق ريلج ؟

عادي قوليله خلي علاقتج مع ريلج علاقه ثقه واحترام ولا تخافين من شي بس اذا واحد تحرش بالطريج نفس الي يصير كل يوم هالشغلات العاديه لا تقولين بس اذا في الدوام وكل يوم بتتعرضين لموقف قوليله واهويتصرف انا صارلي نفس هالموقف بالدوام وريلي ما قصر معاه وليومكم هذا حتى سلام يخاف يسلم علي نصيحه قوليله لا تخلين احد يتمادى معاج

 

[KOKO_284I]

رد : اذا احد لحقج تقولين حق ريلج ؟

انا اقوله عادي . بالعكس ريلي يعلمني اشلون اتصرف بجذي مواقف

 

[قـہۈه فـرنسيـہ™]

ليش مجنونه أقول له ؟؟


شنو بستفيد ؟؟؟؟؟؟؟؟؟؟؟؟؟


يا بتصك هوووشه كبيره ....
أو بتنحكرين ...ويقعد يحاااتي انه كل طلعه لازم يتحرش فيج أحد ...



السالفه مو سالفة ثقه وصرااحه ...


السالفه ما تقولين له عشااان تحافظين عليه وعلى نفسج ...

 

[missnohaa]

مشكورين عالمشاركه

missnooha اهوا صح كلامج بس انا لان باط جبدي ماكو غاريه صاير لول ما كان جذي فودي اقوله

اها ماكو غاريه هذا شىء ثانى

بس بعض الخوات قالوا الصراحه حلوه وخلى ثقه بينج وبينه

وانا اقولهم اذا ريلى دمه حار ومايعرف امه من ابوه بالمواقف هذى اضيع ريلى من ايدى علشان واحد بالمول تافه

 

[q8 knosha]

رد : اذا احد لحقج تقولين حق ريلج ؟

اهوا كل مره يقولي ان ماقلتيلي ياويلج
بس انا ما اقول خخخ اخاف يصير بينهم حجي وبعدين اهواش

 

[فاطمةhz]

عل حسب الريال في ريايل عندهم هل الصراحه تخليه يحس بالثقه بزوجته اكثر
اما بعض الريايل وريلي منهم لو اقوله

















مااشوف عتبه الباب بعد. راح يوسوس اكيد احد لحقها ولا كلمها
لا مو لازم خل تقعد وتطلع بس معاي
فابالنسبه لحالتي. No way

 

[in style]

مشكورين بنات

بس صح ترا علي حسب شخصيه الريال

 

[DooLy88]

طبعا اقول له واقول له خصوصا اذا الوضع مستمر
اولا عشان يوقفه عند حده ويعرف هالشخص من يقعد يغازل
ثانيا عشان لو صار ماصار يكون بالصورة وعارف كل شي ويرتاح اني ماخش عليه شي

دام زوجي واثق فيي ومتفهم ليش ماقول له - سندي فديته