ادور الطريقة عند السنعات بغيت طريقة البصل المحمش مثل مال الكشري يصير حالي و محمش

[العاطفية]

ما عليكم امر يا حريم ويا بنات اسنع السنعات..بغيت طريقة البصل المحمش مثل مال الكشري يصير حالي و محمش شلووووووووووووووون؟

 

[مراحب بالغلا]

رد: ادور الطريقة عند السنعات

ما أعرف حبيبتي بس إنشالله يردوا عليكي البنات دخلت علشان أرفعلك الموضوع تحياتي

 

[جارة القمر]

تفضلي طلبج

http://q8yat.net/showthread.php?t=424874&highlight=%C7%E1%DF%D4%D1%ED

 

[أم عزيـز]

ما يبيله شي حبيبتي
قصصي البصل جوانج وقليه في زيت غزير على نار وسط مع الاستمرار في التقليب

 

[<< أزيان >>]

فعلا حبيبتي

بصل قطعيه جوانج واقليه بزيت مثل البطاط لحد مايشقر لونه وشيليه بس

 

[$ رتاج $]

قصصي البصل شرائح بعدين رشيه بملح ناعم وشوي سكر اذا تبين فيه حلا وفي ناس ماتحب السكر
المهم افركيه عدل بيدج بعدين اقليه بزيت الين يصير لونه اشقر
وبالعافيا

 

[شيهانه]

في ناس تحط ملعقة طحين بنص التقلي يطلع مقرمش ..

 

[كويتيه78]

انا احطله طحين واقليه يطلع مقرمش وحالي ماتشبعين منه

 

[((((البطوطة))))]

أحسن طريقة إنج اتحطين البصل بالطحين طبعاً بعد التقطيع
وبعدين تقلينه مثل البطاط بدهن غزير
يطلع روووووعة ولذييييييييييييييييذ

 

[ريمه الكويت]

انا شفت برنامج فتافيت يسون الكشري يحطون عليه البصل الاحمر المقرمش يحطون مع حمسه البصل رشه شكر انا جربت احط نتفه من العسل الاسود( عسل القصب) يخليه احمرررر ومقرمش

 

[النوري]

أنا أسويه نفسهم .. طحين .. بس لا تحطين قبلها بفتره لا ..

رشي عليه الطحين .. وقليه على طول .. لان لو إستراح راح يطلع البصل مايه وراح يصير جنه عجينه فوقه ..

والبصل أصلا خلقه حالي.. لا تحطين شيره ما تشوفين لو تحمسينه .. يتكرمل .. ويصير لونه جنه كرمل ..من السكر اللي فيه ..

بس قتلج طحين وكافي ..
وعوافي

الطهن لازم غزير. . وحار

 

[ALyaNa]

ما قصروا البنات ،،

 

[منى قلبها ابيض]

مشكوووووووووووووووورين ــــــــــ

 

[نوووووسه37]

مراحب بس انصحج نصيحة مجرب اقليه بزيت غزير ورشي بالزيت شوية نشا نفس ماسويها انا تجنن*****