ادوات تمويج الشعر ( ويفي )

[وردة حبيبها]

هلا بنات
اذا ماعليكم امر عندي مناسبه وحابه اسوي شعري ويفي نفس بالصوره
وابيكم تساعدوني شنو استخدم لشعري قبل ماشتغل عليه علشان يثبت الويفي ؟؟؟

ولما استخدم موس مايخلي شعري جامد ؟ لاني حابه يكون شعري فري و مايخرب مع الوقت

ساعدوني بنات :eh_s(2):

 

[غروري بطيبتي]

حاولي تحطين فوم وان شاءالله يضبط
ولما تستشورينه استشوريه بالخفيف لاتملسينه حيل عشان ماينزل بسرعه
وبعد كل لفه بالجهاز ثبتي التموج بماشه وغرقيها سبراي
ولما تخلصين كل شغلج هم غرقي شعرج سبراي
<<~~ مافهمت الموس يكون نفس الفوم قصدج؟
غيري الماركه جربي ويلا زوينه للشعر

 

[وردة حبيبها]

انتي شنو قصدج بالفوم ؟؟؟ ههه

الموس اقصد فيه الرغوه هو نفسه الفوم ؟

يعني قصدج اول ما استشور شعري احط الفوم او الرغوه وبعدين اسويه ويفي صح ؟؟

 

[منار البربرية]

هههه الموس ايه الفوم موجود بصيدلية بوتس حتى
علبته ورديه واكيد في من الجمعيات

تبللين شعرج فيه علشان يثبت

واليكي الطريقه :

طريقة عمل الكيرلي بالصور


الخطوة الاولى

بعد ما نسشور الشعر ناخذ الرغوه وهي موجوده بالصيدليات
ونبدا تمسك خصله خصله ونرش عليها

الخطوه الثانية

بعد مانحط الرغوه نبدا ندمجها مع الشعر.. مثل الصوره ..الى ان تختفي الرغوة بالشعر..

الخطوه الثالثة
نجففها بالاستشوار الى ان تصير شبه ناشفه مثل الصورة

الخطوه الرابعة

نبدا بالفير نمسك خصله خصله ونلفها مثل الصور وهكذا كااامل الشعر..

​

 

[منار البربرية]

عندج من لوريال الموس ومثل ما قتلج من صيدلية بوتس تلقين كل شي تبينه او من اغراض الصالونات النسايم والامريكي ​

 

[وردة حبيبها]

يعطيج العافيه حبيبتي فديتج
و انشاءالله يضبط معاي

 

[غروري بطيبتي]

ورده اي الموس نفسه الفوم :krkrkr:
شكرا منار للتوضيح
وان شاءالله يضبط معاج ولا تنسين السبراي اذا شعرج بسرعه ينزل

 

[أنفاسي دخون]

ما قصروا البنات