ادعولي يلقوووون حيوانات منوية لعملية _ بعد العلاج اصبحت صفر

[عسولةريلي]

السلام عليكم ياخواتي ،،،
ارجوكم لا تنسوني بالدعاء اليوم سوينا لمره الثانية خلال اسبوع تحليل العينة لانها اطلعت صفر من بعد ما كان عددهم مابين 7 و3 حيوانات والنتيجة صارت صفربعد 3اشهر من العلاج والابر وباجر راح امرهم علشان اذا في اذكرهم علشان يجمدونهم لعملية ،،،
علشان اذا صارت النتيجة صفر راح نسوي بعد اسبوع عملية الخزعة لريلي :0bee2e8d89:​

اعذروني مو قادرة اجمممع لاني تعبانة قاعدة احاتي النتيجة ومريضة بعد فلونزة حادة فيني :eh_s(14):​

ربي لا تذرني فردا وانت خير الوارثييين​

وإن شاءالله راح اكتب قصتي كاملة لكم مع العلاج​

 

[ام تركي2008]

يارب ياكريم ارزق اختى عسولة ريلى الذريه الطيبه التى تقر بها اعينهم
ربى لاتذرنى فردا وانت خير الوارثين

 

[WaChoCha]

عسولة ريلي .... الله يطمنج على ريلج ويسر لكم اموركم ...رب العالمين معاج ومع ريلج ان شاء الله وانتو في اختبار عسى الله لا يردكم خايبين ويهب لكم الذرية الطيبة الصالحة ...اللهم رب الناس اذهب الباس اشفي زوج اختنا عسولة انت الشافي لا شفاء الا شفاءك شفاء لا يغادر سقما

 

[yooyoo]

يا الله يا رب يلاقون و تفرحين بشوفت ضناج يا رب

 

[عسولةريلي]

مشكوريين كل من ام تركي 2008 وwachocha وyooyoo ويعطيكم الف عافية ياالغالييين على اهتمامكم فيني والدعاء لي

 

[ألمأأس]

عسوله ريلي عسى الله يوفقج انتي وزوجج ويرزقكم بالذريه الصالحه عاجلا غير اجل يااااااااااااااارب

 

[بنت حمايل]

حبيبتي في حبوب للرجل لتكثيف المنويات عنده اسمها يمكن هيومن شي جذي انا حذيتهم لزوجي
من صفر الى نص مليون نعمه صار

 

[عسولةريلي]

مشكوريين ياخواتي الغاليين
واشكر كل من دعالي ،،،
اختي بنت حمايل مشكورة بس ريلي من بعد العلاج اللي خذاه وانعدمة حيوانات المنوية عندة ماراح ياخذ اي نوع من العلاج مرة ثانية ،،،
وآلحين قاعدين ننطر نتيجة باجر ،،،
إن شاءالله يلقون علشان العملية وراح اقولكم النتيجة اشصار عليها!!!

 

[أم سعود الشمري]

الله يرزقج الذرية الصالحة حبيبتي عسولة ويرزقنا وياج ،،، آنه صار لي 9 سنوات متزوجة وناطرة الفرج من رب العالمين ،،، الحمدلله على كل حال ،،، أهم شي الرضا بقضاء الله سبحانه ،،، كلنا صابرين ،، بس مو كلنا راضين ،،، الرضا مرتبة وايد عظيمة وماهي سهلة على النفس بس بفضل من الله قدرت أكون قناعة إن اللي الله كاتبه راح يصير ،،، وما على الإنسان إلا بذل السبب والإجتهاد بالدعاء والله كريييييييييييييييييييم ،،، آنه أول سنوات زواجي كنت أتضايق حيييييل لأني أموووووت باليهال وكنت كل شهر أنطر موعد الدورة وكنت أبجي لما أسمع إن اللي تزوجوا بعدي حملوا وآنه لما الحين ،،، ما بقى طبيب إلا ورحته بالكويت حتى إني فاتحه ملف في مركز طفل أنبوب من سنة 2001 وسويت محاولة حقن مجهري وسحبوا مني بويضات سنة 2004 بس مالقوا شي في السائل المنوي فتوقفت العملية ،، العام سنة 2007 (ومن قبل هالفترة بمدة الحمدلله نفسيتي وايد هدأت وكأن نزلت علي سكينة من الله ورضا بالقضاء والقدر ولله الحمد والمنة ) سافرت أمريكا من باب المحاولة لاأكثر لكن في داخلي يقين إن اللي الله كاتبه بيصير ورجعنا بدون استفادة وحتى علاجنا وقفناه من نفسنا لأن كثرة الإبر تضر ما تنفع ،،، واحنا تاركين الموضوع على رب العالمين ،،، إذا العيال فيهم خير ربي بيرزقنا وإذا فيهم شر ربي بيبعدهم عنا ،،، واحنا مالنا إلا الدعاء والإستغفار والصدقة والله سبحانه كريم رزاق وهاب " يهب من يشاء الذكور ويهب من يشاء الإناث ويجعل من يشاء عقيما " والحمدلله آنة راضية بنصيبي يكفي إن زوجي يحبني وآنه أحبه وكل شي يهون ،،، وعيال اخواني وخواتي هم عيالي ،،،، وآآآآآآآآآآآآآسفة على الإطالة

 

[MISS_3BE6A]

عسولة ريلي_ ام سعود الشمري(عسى الله يا ربي يرزقكم بالذرية الصالحة ويعطيكم مرادكم وانشالله دعوتى لكم تكون بمرة ملك ويستجاب الدعوة انشاء الله وباذن الله والله يعطيكم مرادكم ومن صبر نال والصبر مفتاح الفجر وان الله قريب يسمع دعوة الداعى اذا دعاة ويستحى منة ولا تخفون الله معاكم واكيد فى يوم من الايام راح يستجاب حق دعوتكم ولله يا بنات انى قاعد ادعيلكم منقلبي وامنىلكم الخير مع انى ما اعرفكم بس بدعيلكم بكل صلااة ان لله يناولم مرادكم يا رب ويوسع صدركم ويشرح لكم امركم انشاء الله
لا اله الا انت سبحانك انى كنت من الظالمين دايمن قولوها وادع ونشاء الله منة الاستجابة

 

[&ريــــمــــاس&]

الله يرزقج اختي عسوله وتجيبين دراااااااازن >>>مافي شي جايد على ربج ولاااااازم تكون عندج ثقه بربج

وتذكري ان اللي كاتبه الله بيصير واحنا ماعلينا الا نبذل السبب والباجي على ربج

والله يرزقنا بالذريه الصالحه

 

[أغصان]

عسى الله يرزقكم يارب وتشوفون النتيجه اللي ترضيكم اللهم آمييين
بشري ياقلبي ان شاءالله لقوا شيء اليوم ؟ عسى الله يشفيه يارب ويسهل لكم اموركم ويرزقكم بالذريه الصالحه يارب

 

[عسولةريلي]

جزاكم الله الف خير
(((اعذروني موعارفة اشلون اشكركم اواعبر عن شعوري وانا اقراء ردودكم ودعائكم لي مشكوووووورين ؛؛؛؛ يارب يرزقني ويرزقكم بالضنا باسرع وقت وانا عندي امل بالله كبير إن شاءالله احمل بدون عملية ولا علاج نفسيت ريلي اتعبت من العلاج ،،،

’’’ واليوم رحت من الصبح لمركز طفل الانبوب حسب كلامهم لي امس علشان اشوف النتيجة ونسيت اقولكم رحت بروحي ريلي عيا يروح معي !!
بس لللاسف كان مسكر الباب مافي احد أظاهر ناسييين ان اليوم اجازة ما خلوني انام كل ساعة اقعد اطالع الساعة علشان اروحلهم !!ليش يسووون فينا جذي!!!:0bee2e8d89:

اعذروني ما اقدر اكمل ريلي لما يشوفني شابكة يناديني مادري ليش صاير وايد حساس اي شئ اسوي يقول انتي تغيرتي ما تهتمين فيني بس والله العكس انا اموووت فيه واحب الارض اللي يمشي عليها!!!؟؟؟’’’باااي

 

[أغصان]

ياقلبي ياعسوله الله يهونها عليكم يارب اي والله اليوم اجازه الله يهديهم المفروض قالولج
ميخالف ياقلبي طمني زوجج وقوليله ان الطب تطور وهذا اختبار من رب العالمين يختبر فيها صبرنا ان الله اذا احب عبدا ابتلاه
وخليج مع زوجج يمكن مايبي يحس انه بروحه عسى الله لا يفرقكم ويرزقكم بالذريه الصالحه يارب

 

[strawberryq8]

عسا الله يرزقكم الذرية الصالحة يارب

 

[الجوري2008]

الله يسههل عليش ويوفقش يارب واللي فيه خير وصلاح الله يسويه أن شاء الله

 

[ام يوسف القمر]

عسى ربي يرزقج ياعسولة

وعسى ربي يشفي زوجج ويشفي كل المسلمين والمسلمات

وان شالله هالمرة الياية تطلع حيوانات منوية وايد وترا مو شط يسحبون المرة الاولى مايلقون ساعات يلقون على حسب النفسية صدقيني انا زوجي جذية خلي نفسية ريلج عال العال وان شالله يارب ترتفع الله قاد صدقيني واللحين لازم تشربية ماي زمزم لانة ماي زمزم وايد زين لانة شفاء


وام سعود الشمري اسل الله العظيم رب العرش العظيم ان يشفي زوج عسولة ويشفيج ويشفي المسلمين والمسلمات

وان يرزقنا الذرية الصالحة المعافاة يارب يارحيم قادر على كل شي يارحمن

 

[sanfora]

اللهم بحق فاطمة وابيها وبعلها وبنيها والسر المستودع فيها ان تصلي على محمد وال محمد وتشفي ريل عسولة ريلي
وتفرج كربتهم ياارحم الراحمين يارب

 

[βνĹĂĢŔĨ-Q8]

يالله ياكريم يارزاق انشاء الله ترزقهم الذرية الصالحة بعزتك وجلالك ياذه احسان والاكرام وبعدين حبيبتى هذا شرك انج تدعين بغير الله

 

[om_jsoom]

يااااااااااربي ياااااااااااارحيييييم
يااارب يلقووون حيوانات منويه ويفرح قلبكم ويبشركم بالنتيجه الزيينه
بشريناااااااااااا مو تنسيييييييين
ان شاء الله خييييير