ادرس بجامعة الكويت وابي اشتغل بارت تايم !!!!!

[cuta.19]

بنات بليز ابي اقدم على بارت تاااايم .. وين اريح مكان دلوني ؟؟ مليت ابي أسلي نفسي شوي .. ابي بنوك نفس اللي يقعدون بس يعطون ارقام مادري شيسوون او اي مكان يكون زين و شغله زين اي شركة بس ماتكون بعييدة .. و ابي تقولولي متى يبدي الشغل و كل شي بليييييييييييييييز

 

[frawlah_83]

رد : ادرس بجامعة الكويت وابي اشتغل بارت تايم !!!!!

كيووته اخاف الشغل ياثر على دراستج تالي ماراح اكون عندج وقت تدرسييين يعني انتي سنه ثالثه ومابقى شي لازم تشديين حيلج

عموما هذا شي راجعلج .. شوفي روحي سالي البنوك قبل كان في بارت تاييم يوم كان في دوام العصر بس اللحين مو كل الافرع تفتح عصر فمادري اذا ليلحين عندهم بارت تايم اولا يعني اذا شتغلتي في بنك دوامج بكونج تقريبا من 5 لي 8 ..

عندج مركز سلطان اوظف بارت تايم 4 ساعات باليوم بس مادري كل يوم او 3 ايام بالاسبووع دقي على الشركه واستفسري منهم اكثر..

وهم عندج لوياااك في بارت تاايم في موضوع اهني بالمنتى كانو حاطين اعلان عنه

شوفي شركات الشايع دبنهامز ستاربكس وهالسوالف يمكن في بارت تايم

 

[cuta.19]

تسلمين عالرد بعد قلبي :*

انزين مركز سلطان وين اشتغل لا يكون أسعر ومادري شنو .. مالي خلق تحرش و شباب خو ما يخلون الواحد بحاله الشباب .. ابي مكان مكتب جذي عرفتي .. و اذا عندج ارقام او شي عطيني عشان استفسر

 

[Om_Ksha]

http://www.loyac.org/PartTimeProgramExamDetails.html


الرقم موجود تحت دقي استفسري منهم اذا ليلحين تقدرين تقدمين ولا لا و موفقه

 

[frawlah_83]

رد : ادرس بجامعة الكويت وابي اشتغل بارت تايم !!!!!

اي اتوقع مركز سلطاان جذي تسعيره وهالسوالف ... عيل ماكو الا ادقيين على البنووك دشي على سايت البورصه ودشي على بروفايل البنك راح تلقيين ارقام التلفونات اهناااك

 

[Om_Ksha]

لوياك يشغلون اب زين و بشركات بعد

 

[cuta.19]

فدييتكم :**

 

[cuta.19]

بس لوياك تطوعي مو ؟ يعني بدون معاش صح؟

 

[nonosha]

رد : ادرس بجامعة الكويت وابي اشتغل بارت تايم !!!!!

لا مو تطوع يعطونج معاش

 

[frawlah_83]

رد : ادرس بجامعة الكويت وابي اشتغل بارت تايم !!!!!

اتوقع المعاش اكون من الشركه بس مادري تعطي معاش شهري ولا مكافاه في نهايه المده لازم تسالين

 

[نـعـومـه]

رد : ادرس بجامعة الكويت وابي اشتغل بارت تايم !!!!!

تقدرين تشتغلين بالجامعه نفسها بالمكتبه او المكتبات

معاشج بيكون 100

 

[cuta.19]

^^
صج شلووون؟؟؟
قصدج بمكتبة الجامعة اللي بشويخ صح؟ شلون اروحلهم هناك اقدم؟

انزين انا ابي بالعطلة الياي المكتبة اكيد تكون مسكرة لووول

 

[cuta.19]

اب اب

ابي بالعطلة اشتغل لوول اقزر وقتي