ادخلوا ضروري

[يارب يطيب عبود]

صباح الخير

بدخل بالموضوع على طول
الصراحة عندي موضوع مضيق صدري
انا حامل وبنوته ان شا الله
زوجي يبي يسميها على اسم امه
واسمها مو حلو مراااااااا
أنا ما عندي مشكلة بس ابي اسم دلع يكون حلو عشان اناديها فية
الصراحة كل الاسامي اللي فكرت فيها مو حلوه لان الاسم مراااا قديم وبايخ
ما أدري وش اناديها

بليييييييز ساعدوني
والاسم اهو


















(حصة) *

 

[دلع^_^]

عاد انا ماحب هالاسم بس ترا مو شين حيل مقبول
عندج حصوص
حوحه
حص حص

 

[قمورة الكويت]

شدعوووووه امه تستاهل شفيج لا تضيقين خلق الرجال وتنكدين عليه فرحته..

لولا امه جان ما تزوجتي هالرجال هي اللي جمعتكم من بعد الله وجدت عيالج تستاهل ما اشوف فيها شي والاسم حلووو والله مافيه شي والله تدرين شنو توقعت تقول اسم شين بصراحه ..

انا خالتي اسمها نوره واذا الله رزقني ببنت بسمي عليها تستاااهل والله

 

[يارب يطيب عبود]

انا بسميها على امه
حتى ما ناقشته بالموضوع ولا قلت له
ان الاسم مو عاجبني
بس ابي اسم دلع يحلي الاسم شوي

وشكرا للي ردو علي

 

[Zaina-al-zaina]

حاولي تقنعينه ،،،

واذا كلش خل احد يكلمه ،،،

وان شاء الله يغيره للاحسن ،،،

والله يوفق الجميع ،،،

 

[يارب يطيب عبود]

وينكم بنات

 

[كاكاووو]

والله أنا اشووفه مافيه شي
الاسم عادي عبالي بتقولين (سكينه) او رقيه !
حمددي ربج اسمها ع الاقل حلووو
ودلعيها حصووني او صان صون صين ( اسم موسيقي ). ههههه
واذا انتي كلش موبالعته قوليله ابي اسم غير هالاسم بس موتشدين معاه بالحجي عشان ماتصير السالفة سالفة عنااد
يمكن بعد الولاده يغيرر رايه ،،
بالنسبه لي أنا سميت ع اسم امه وابوه
عشان يستانسوون وكانو اول احفاد بالعايله
محد يعني امسمي ( إحنا نبقي الاصل (ههههااي )

 

[om_3azoz]

انا عندي الاسم مقبول فيه حصه حلو مافيه شي ماله داعي تتضايقين كلش

 

[om MaRyooM]

وييي الله يعينج

حاولي تقنعينه .. خصوصا هذا بجرج

وقوليله ترا المعزة مو بالاسم .. شكووووو ياربي هالرياييل

حاسة فيج لأن صارت معاي وبالاخير ماقدرت عليه ولا على امه وسميت على اسمها لوول

بس الحين بسمي على كيفي وياويله ويلاه اللي يبطل حلجه
خخخ

 

[عيون ملكيه]

اسم حلوووو و ما عليه اي كلام

تقدرين تدلعينها

صوصو

حتوته

حصيصه ام قذيله ( كانه اسم وحده من العضوااات )

حصه بالانجليزي شير


حرام اسمها وايد حلوو صح انه قديم بس احسن من اسامي وايد

 

[يارب يطيب عبود]

شكرا لكل وحة ردت علي
بس أبي اسماء زيادة بليز

 

[AVE.NJ]

ترا اسم حصة مقبول ومبين انتي مغلوب على امرج
انه نفسج ماكان ودي ولدي اسمه مع انه الكل يقول حلو بس انه ماكنت ابي اسم حيوان المهم
انتي راح تشوفين بنوتج وايي اسم دلع ورا تذكرين كلمتي
على حسب شكلها
مثلا اتونه

 

[@ام يوسف@]

حلو اسم حصه وصدقيني تنولد واسمها معاها

 

[رفاعيه]

اسم حصه مو حلو حرام عليج اينن

 

[يارب يطيب عبود]

ايه مغلوب على امري زوجي ولدهم الوحيد ويبي يسمي عليهم
عشان كذا ما قلت له شي

 

[زينانه]

واي حدج مبالغه

انا قلت عمشه والا خزنه

طلع حصه

بالعكس عادي مافي شي يفشل
شوفي مثلا حصه اللوغاني تهبللللل ومحليه اسمها
وعالدلع شكثر في. حصوص صوصه. صوووص

 

[يارب يطيب عبود]

رفع

 

[يارب يطيب عبود]

رفع

 

[yasmeen_q8]

حصوص اكثر شي
صوصو
صوص
صوصه

 

[يارب يطيب عبود]

الحمد لله