اداوم ولا اصكها مرضيات

[بنت مشرف]

مرحبا خواتي


من باجر انشالله راح اتبلش دوام المدرسات
انا حامل ودشيت شهري صايرلي اسبوعين وحاطتلي دكتورتي اخر موعد يوم 28-9 وانا بجر ومو عارفه ادوام عادي

ولا اخذ مرضيات لحد ولادتي علما مافيني طلوق بس عوار خفيف بالظهر

ادوام ولا ساعدوني

 

[فراولة حمراء]

الحال من بعضه بس نصيحة داومي عالاقل اول يوم وبعدين انت قربتي وموباقي شي الله يهون عليح وعلى باجي الكروشات

 

[روعه 99k]

رد : اداوم ولا اصكها مرضيات

نصيحة داومي عشان مباشرة العمل.
الله يسهل عليج

 

[جلاديلياس]

رد: رد : اداوم ولا اصكها مرضيات

نصيحه داومي عشان مباشرت عمل وبعدها اخذي مرضيات

 

[واقعيـــة]

رد : اداوم ولا اصكها مرضيات

أكيد داومي ... ع الأقل مثل ما تفضلوا الخوات أول يوم يومين عقب على راحتج

موفقة والله يهوّن عليج ويرزقج اللي اتمنين يااااااااااااااااا رب

 

[أم علاوي 14]

باشري باجر أو هاليومين
وبعدني اخذيها مرضيات

 

[ام عفاف الكويت]

بس سوي مباشره عمل على الاقل

والله يسهل عليج

 

[*ماي الورد*]

داومي لان ماكو طلبة حاليا
التعب كله بالتدريس

 

[كويتيه وافتخر]

رد : اداوم ولا اصكها مرضيات

داومي اسبوع وعقبها غيبي
وعالعموم ما اتوقع ينزلون لج جدول

الله يسهل ولادتج

 

[om mariam]

داومي هالاسبوع لانه مافي شي وبعدين اخذي لأ علشان تكونين باشرتي

 

[عسولتي]

حبيبتي داومي ترا هاليومين مافى شي بس سوالف وأكل الشغل يبدي عقب وعسا ربي يسهل عليج يارب

 

[سلطانة القحطاني]

رد : اداوم ولا اصكها مرضيات

داومي الى 26 /9
واحتمال تولدين قبل لو عقب
تكون مرضيتك اقل شوي

 

[Q8Lady]

انا سويتها العام في بداية الكورس الثاني بعطلة 15 دشيت شهري ويوم بدا الدوام قزرتها مرضيات اخذت 13 مرضية اللي اهيا براتب كامل وخلصت شهري وبالعاشر رحت قلت ولدوني وولدوني
وبعدين تحسفت يوم خلصت احازة الوضع احتجت مرضيات ماكو غير يومين براتب كامل فاضريت اغيب وراح ينخصم ربع يومية على كل يوم غبته من راتبي !!
نصيحة اذا فيج شدة داومي انا قالتلي الناظرة والناس كلهم والدكاترة داااااااومي احسلج ويساعدج بالولادة الحركة بس تنحت قلت مابي وكليتها مع ان عطوني تخفيف ادوام جم ساعه واطلع
داومي احسلج

 

[عذوق]

داومي هالثلاث ايام ع الاقل وبعدها صكيها مرضيات

وبعدين هالثلاث ايام ماكو طلبه يعني بس قاعده وبعدها غيبي



موفقه والله يسهل ولادتج

 

[LA TROO7]

داومي عالاقل هالاسبوع ونص الاسبوع الي وراة
والله يهون عليج

 

[Ameeraaaaaa]

حبوبة الله يهون عليج
دوامي الحين وتعالي علي نفسج
مادام ماكو طلبة يكون الشغل سهالة
لان الحين المرضيات بخصم مو مثل قبل سايبة
وبعدين لا تنسين من تقومين بالسلامة راح تحتاجين للمرضيات يوم بتطعمين البيبي ويسخن والا يوم ما نمتي منه )
والراتب راح يتنتف لان الحين الغياب صار لج 15 يوم براتب و15 يوم خصم ربع يوم و15 يوم خصم نصف يوم و15 يوم خصم ثلاث ارباع الراتب
الله يسهل عليج
)

 

[بنت عطا 24]

دااومي حبيبتي عشان مباشره العمل
واذا حسيتي نفسج مافيج شده غيبي الاسبوع الجاي

 

[Turquoiseya]

من رايي اداومين حده مافي طلبه عشان اتخشين طبياتج لما بعد اجازة الوضع
يمكن يسهرج البيبي ويصير ماعندج طبيه

اتوقع اول اسبوع وناسة قهاوي وسوالف
وان شالله يراعونج عشانج موصلة بالحمل
اذا حسيتي انهم بيشغلونج 00 صكيها طبيات على روسهم

الله يسهل عليج ولادتج وتقومين بالسلامة

 

[zargona99]

داومي احسن عالاقل اول يومين عشان تبينين نفسج

 

[^ حـلـــــوى و رهـــــش ^]

دوامي أحسـن ..
مدام الدوام خفيـف للحيـن ..

ومافي طلبـه ..
وتغيير جو .. وعشان تتحركيـن أحسـن ..

وخشي مرضياتـج حق بعديـن أحسن لج ..