اداريه بمدرسه والواسطه

[زمن مريان]

مرحبا بنات انا جبت واسطه عشان اكون اداريه بمدرسه لانه قطوني بالمنطقه التغليميه وانا مابي تخصصي علم اجتماع علوم اجتماعيه ووقع الوزير كتابي وتوقيع الوكيل وكتب لامانع ووديت كتابي االوزارة وقالو خلاص بندق عليج عقب سبوعين ثلاثه يعني شنووووو .¿¿¿


هل معناته مشت معاملتي وابا بعد الاتصال يبين اذا مشت والا لا

 

[بنت الكويت العسل]

مابي احبطج بس تحديد مدة الثلاث اسابيع عشان يشوفون الشواغر ويحددون لج موعد لاستكمال البيانات يعني ممكن يحطونج بنفس مكانج سابقا حسب شواغرهم لانه الديوان رشحج سابقا واهم لمن فرزوج حددوا حسب شواغرهم دوامج بالمنطقه التعليميه حسب شاغر هالتخصص والمكان
بس شنو بتكون شغلتج بالمدرسه اهنيه المشكله والديوان بيقعدلج فيها لانه بعدين لازم تروحين للديوان يحدد الدرجه والمسمى الديوان اهو اللي ممكن مايمشيها لانه لهم سيستم خاص بالقبول يحددلج المسمى والدرجه حسب الشهاده

 

[بنت الكويت العسل]

ولاتنسين انه فيه باحث قانوني راح يرد على كتابج اللي بعدين بتسلمينه للديوان وهو بيشوف اذا يصلح تكونين اداريه او لا بالمدرسه حسب الشواغر والشروط المنطبقه عليج والا بيرفض هذا اخر شي يصير بعد المجلس الطبي وقبول الترشيح من وزارة التربيه

 

[عشرآويه]

شهالاجراءات ،، طططلعوا اسمائنا بالديوان وتووهقوا ، ومحد كلاها غيرنا خريجات الاجتماعيه

 

[mllon]

راجعيهم وباشريهم اول بأول

انا سامعه ان تقدرين تصيرين مدرسه؟
ليش ما حطوج بالتدريس

ترى عندهم نقص مو طبيعي بس ما قامو ياخذون مدرسات؟

 

[أم جوري]

واسطتج وينها . ؟

خل يروحون للوزارة وياخذون الكتاب للمنطقة التعليمية اللي تبينها

وهناك شوفي اي مدرسة فيها الشواغر

راح يكون مسماج مسجل مبتدئ شئون طلبة
وراح يخلونج في مدرسة ثانوية
اذا واسطتج قوية خليهم يحطونج متوسط او ابتدائي افضل

واغلب المدارس محتاجة لموظفين شئون طلبة ...

 

[زمن مريان]

ام جوري حبيبتي متاكده انه قبلوني انا خايفه انه بس كلام مع ان كتابي موقع فيه الوزير والوكيل ومكتوب لامانع للاسباب المذكورة وقالو خلاص بعدين سبوعين ندق انا خايفه يدقون يقولون مافي شواغر لانهم يبونا بالمنطقه والوزارة الحين شلون اخذ كتابي واوديه للمنطقه اهو الحين بالوزارة