ادارية وبيدي نشرة إكمال الدراسة،شوفوا التخصص اللي اخترت رااايكم؟

[اللهم أعني]

السلام عليكم

طبعا كملت خدمة بالوظيفه وكل الشروط تنطبق علي

الحين التخصص كنت ابي تربية اسلامية ،، بس حسب النشرة الموجوده التخصص غير متاح لنا
وكنت ابي حاسوب بس مايقبلون ادبي


فرسيت على تخصص كاتبين بالنشره بخانه وحده اجتماعيات-تاريخ-جغرافيا وكاتبين بالملاحظات جامعة الكويت
فمادري هالتخصصات كلها مع بعض تدرسينها كلها ولاكل تخصص بروحه ؟؟وانا ابي التربية مو الجامعه
فشنو اكتب بالرغبات بس اجتماعيات ؟؟
ويقبلون بالتربية ولا بس الجامعه؟

استفسارثاني كاتبين تخصص الحاسب الآلي-تقنية المعلومات والحوسبة،، شنو هالتخصص يقبل ادبي؟اقدر اتوظف معلمة حاسب؟

اللي عندها خبرة تسسااااعدني


وشلون التخصص سهل ولا لا؟؟ لأني احب الحفظ ومومتاح لي ويناسب ميولي الا هذا



تكفوووووووون مساعدتكم وابي نصيحتكم​

 

[اللهم أعني]

15 مشاهده ومافي رد لييييييييييييييش

 

[Apple-q8]

اي مره قريت عن هالتخصص تقدرين تتوظفين فيه بوزارة التربيه معلمه حاسب الي وتقدرين تقدمين ع اماكن وايد فيها مثل البنوك والشركات والتامينات كلهم يطلبون هالتخصص

وبالتوفيق

 

[*مطبخ الذواقة*]

رفع ..


والله يوفقج

 

[شيخـــه البيض]

اللي اعرفه تخصصات مواد الاجتماعيات بس بالجامعة / التربية الاساسية مافيها

 

[بنفسجيه_Q8]

حبيبتي انا مثلج بقدم على اكمال دراسه وعندي النشره

التربيه الاساسيه للادبي
بس عربي وانحليزي وفنيه وديكور تصميم داخلي




وباجي مثل تصيرين مكتبات وتقنيات






اما الاغلب المجال مفتوح للعلمي




وتاريخ وجغرافيا واجتماعيات مافي بالاساسيه بس بالجامعه




والله يوفقج ويوفقني يارب انا بستخير وبقدم على تاريخ

 

[بنفسجيه_Q8]

بغيت اسأل اتتي متخرجه من شنووو

 

[M!SS.LOBY]

:eh_s(17):الله يوفقج

 

[bent_nadia]

وبنات ترى الجامعه تعتمد شهادة الثانوية والتربية يعتمدون اخر شهادة انتو ماخذينها اذا دبلوم
ولازم اتكون النسبه بالثانوية مو اقل من 75 إلى 80 للتخصص الادبي واي مادة فيها حاسب آلي خاص للعلمي فقط
يعني اللي متواؤ للأدبي في التربية الاساسية اهو الفنية والتصميم الداخلي وتكنولوجيا التعليم وعلوم المكتبات و عربي وانجليزي وفرنسي .
وحاولو اذا ماتحبون التدريس لاتقيدون نفسكم بمسمى معلم
يني شوفو الوظائف الادارية والفنية
لانه اللي يتخرج بمسمى معلم مايشتغل الا بالتربية
انا باذن الله بشوف تخصص تكنولوجيا التعليم قريت عنه ووايد عجبني وفيه شغلات احبها وقبل لا اكتب بتاكد اذا مفتوح بالتربية على الكورس الياي ان الله جعلنا وياكم من الحيين لذاك اليوم
وعليكم اولا وقبل اي شي بالاستخاره من اول شي قبل لاتكتبين الطلب علشان ربي يخيرج بكل خيره لج ويبعد عنكم كل شر يضركم واسال الله لي ولكم التوفيق لما فيه خير وصلاح

 

[اللهم أعني]

متخرجه من التجاري،، قررت بعد المشاورة والاستخاره ،، اخذ تخصص التربية الخاصه (مساند اسلامية تفوق عقلي) يعني ادرس بالمدارس العادية واكثر موادي اسلامية والمهم موجود بالتربية الاساسية ،، بس ترى مستقبلا لو تخرجت برجع ادارية

أكره التدريس أهم ماعندي يكون عندي شهادة بكالوريوس :d


عبيت البيانات باقي توقيع المدير


بناااااااااااااااات ادعوووولي من قلوبكم بالذات شهادتي الثانوية مو شي :/ يااااااااااارب انقبل ياااااااااااااااااارب

 

[AL-DMERA]

انا كان ودي اكمل هندسه بس اكتشفت لازم تكون شهادتي الثانويه علمي وانا ادبي
وانا اصلا ميولي علميه جدا واكره الادبي ..

بس اذا اقدر ادش فنيه حلو هالتخصص وانا احب الرسم ..

ان شاء الله اذا كملت الشروط بكمل دراستي اذا ربي وفقني ..



وبالتوفيق لصاحبة الموضوع

 

[عادت ذكرياتي]

مووووووووووووووووفقة

 

[بنفسجيه_Q8]

موووفقين



يارب ننقبل تفرغ دراسي


وخصوصاً شهادتي ثانوي نسبتي موشي

 

[ام نونا 86]

انا بوزاره التربيه بس ما جتنا نشره انتي اي وزاره

 

[ام نونا 86]

بلييييز ردوا

 

[Ranoon]

انا بعد ادارية وشهادتي بكالوريوس

ودي على مكتبات يصير ؟

وماعطوني هالنشرة بطلبها من سكرتارية
يصير. ..؟

 

[ام نونا 86]

بتوفيق للجميع بس تهقون يقبلونا بدون واسطه

 

[ام نونا 86]

اشوا حصلت النشره كان ودي بالجامعه تخصص جغرافيا بس دامهم يعتمدون شهاده الثانويه بلاها بقدم ان شاء تربيه خاصه

 

[بنفسجيه_Q8]

الله يوفقنا

والله يستر دام سالفه فيها واسطه




بنات اخر يوم تسجيل ٧ مارس

 

[مملوحة_الوصايف]

الي اعرفه تفرغ دراسي ما يطلعون على جامعة الكويت بس جامعات خاصه او تربيه اساسيه وطبعا اذا مستوفيه الشروط احنا دوامنا يلزمونا بتخصص معين اذا تربيه اساسيه الي اهو تكنلوجيا مالج غيره وعلى حسب كل دوام مادري